وش

((البنت اللي بتخيط جرحها

فستان فرح

ماتت بعيون صاحيين))

مفتتح
وش القهوة الغامق

زي عيونها

بنت بتعشق بنت

الريق اللي بيجري

مع طلعة صبح يوناني

ورا ضل الفستان الاحمر

ورا سر عيونها ال---

بنت

(مزيكا حزينه)
-طول عمرك غاوي دور

بوكيه الورد في الفرح

علي قد ماشكلك حلو

علي قد ماعمرك روحت

للايد اللي بتتمناها-

وش القهوة الغامق

زي جنون العاشق

المتكتف ف منين؟

بكراه و امبارح

صورة اتقسمت نصين

بقي بيشوف البحر

في الدخان الازرق

ويًا صحابه الانتيم

معييش وهاتفرج

(فترة صمت)
وش القهوة الغامق

بعد مانحًس جسمه

بحبوب النوم ال

مفجوعه من النوم

لما يخاف القلق ال

مطبوع ف دماغه

من عفاريت النوم

بقي خايف من بكرة

بقي مدمن

مرياته اللي مابتشوفش

وش القهوة الغامق

وشًك


((لو معرفتش تخرج من دور ال

كومبارس ف فيلم الدنيا

اياك تتنازل

تبقي النجم ف فيلمك))

وش القهوة الغامق

وشًك

(ستار)


نور

شكرا على هذا الفنجان
الذي قرأته
على ريق النوم اللي بيجري
مع طلة صبح يوناني
أحسنت صناعة القهوة
لأنك عاملها بمزاج رايق
وبوش القهوة الغامق

أشكر عمنا / عادل سند لأنه أتى بك إلى قسم النثر أخى العزيز / نور
ولأول مرة سأخالف الشروط التى وضعتها للتثبيت وسأثبت هذا النص ( واللى يحصل يحصل )
وأقول لك ( لو استمريت على الرقى من الإبداع حتقعدنا فى بيوتنا )
فقط أرجوك أن تحافظ على هذه الدرجة ولا تتنازل عنها

حسام صباح الفل

استاذة عزة اختلف مع حضرتك

عم عادل انقل براحتك يا جميل

أولا النص مش نثر .. ثانيا النص رائع .. ثالثا وحشتني أوي يا نور بما يكفي لكتابة قصيدة ..
رابعا لطشتني ..اوي .. دور بوكيه الورد في الفرح .. ووصلت الى حكمة شفيفة .في قراءة فنجان الحياة .. وحياة الفنجان

استاذ عادل اما الشهادة تبقي من شاعر زي حضرتك

اكيد تبقي وسام علي صدري

وحمل علي كتفي

حناطيييييي

حبيبي

واستاذي فيما يتعلق بالقهوة

واحشني جدا جدا جدا جدا -------------

اميرة سعيد جدا بمتابعاتك

استاذ عاطف

شرفني مرورك

نووووووووور صباح الفل
والقهوة المظبوط عشان
افوق لل الكلام الكبير
الرائع دة
وشكلي هبطل اقري فنجان عشان الابداع بقي علي ودنة
مش نقصاك انت والحناطي وعمرو ومحمد
العيال كبرت ياجدعان
بجد رائعة مش مجاملة
وفلسفتها مبهرة ومغايرة
والمفتتح دة اللي حكاية
ضربني في مقتل
تقبل فائق احترامي
وتحياتي

بالتأكيد هو سهل عليه جدا

أنه يكون نجم فى الفيلم فقط

لكن مش حايعرف يعمل

غير كومبارس ف الدنيا

لأن دى الحقيقه

دمت بكل حب

((التاكيد انه مش هايعرف يعمل غير كومبارس ف فيلم الدنيا))

امينه ازيك يا فنانه

جميل ابداعك
أخى نور

اشرف
ربنا يكرمك

استاذه وداد حضرتك منوره