مامتى

ماما يا مامتي تعاليلـي
تعالي تعالي و غنيلــي
غنيلي ويا الغنا فرجينى
علي الصور فى البيونلا
علشان اشوف الغوريلا
مع بنت لابسة جونـــــلا

غنيلي كمان فكريني
بواحد بقة طلع نــــــــــار
والثانى نايم فوق المسمار
تقولش شمشون الجـــــبار

غنيلي غنوة و علميني
ازاي انشن و اضرب بومــب
من اي ناحية واى جـــــــــــــنب
و ابقي واقف صلــب

غنيلي غنى واحكيلى
حكاية بتاع الطراطيـــر
اللي معاه الزماميـــــــر
و عروسة بفستان حرير

غنيلي غنوة و وديـــــني
اركب هناك المرجيــحة
و حصان جنب الزحليقة
و أزقزق بطة الزقزيقـة

غنيلي غنوة و دوقيني
من غزل البنـــــــــات
و كوز قمع الشربـات
و احلي بالسكر النبات

كل سنة وكل أم فى مصر بخير وأنت يا أديب الأطفال بألف خير وصحة
الزهيرى

السلام عليكم استاذ
عادل
انا سعيد جدا بوجودى معاكم فى المنتدى الجميل دة وانا لسة فى
سنة اولى شعر رجاء اعطائى ولو فكرة عن الاماكن التى وزنها
ضعيف .
يا ترى شوفت الرسم للقصة ؟
شكرا على اهتمامك ومرورك الجميل

انت اللى كل سنة وانت طيب يا احلى زهيريات الشعر
شكرا على كلماتك الجميلة يا استاذ جابر