عسلية وعسول

عسلية وعسول
نونه سبوعة بزفة
ملفوف بكفولة ولفة
خمسة علية وخميسة
ستو تكحل رمشة

عسلية وعسول
جدو وستو يحموة
جوة الغربال هزوة
بدر صلاة الزين
دق الهون صحوة

عسلية وعسول
مامتة علية بتخطى
سبع لفات وتعدى
صلاة النبى احسن
بابتة يصلى ويراى

عسلية وعسول
حولية دايريين بيلفوا
ماسكين الشمع وبغنوا
سبحانة احسن صنعة
وعليهم بالملح يرشوا

عسلية وعسول
دادا دادا بيشاور و يغاغى
حابا حابا ينقل ويحابى
يخطى العتبة ماشاء الله
تاتا تاتا يسند ويشابى

عسلية وعسول
يكفيهم شر الحساد
يكبروا زى الولاد
سامعين لماما وبابا
ويدوا الفقير الذاد

أيه العسل ده كله يا عسول قصدى يا عدول معلش حلاوة القصيدة لزقت فى لسانى
فعلاً فنان ومتخصص
الرسم والشعر جناحين طير بيهم فى كل سما تعجبك
الزهيرى

استاذة عزة
شكرا على مرورك واسعدنى كما اسعدنى
شعر حضرتك الجميل

الله عليك يا دكتور عادل عمل جميل يخاطب الطفل وكلنا على أختلاف فى داخلنا طفل نريد نريد معه الحوار والمخاطبة
أسعدنى إبداعك

دة انا اللى سعيد بوجودى فى وسطكم
يا استاذة رشا شكرا على الكلمات الجميلة