تحت تأثير البنج

موضوع: تحت تأثير البنج السبت مارس 13, 2010 7:49 pm

كان مٌصر
إن آخر حد يشوفه
قبل ما يدخل غرفة العمليات
يكون هي
وكان شرطها الوحيد
إنها تكون أول حد
يشوفه وهو خارج
وتحت كشافات النور المركز
كان عطرها بينقط
مع المحلول الواصل لوريده
واما خرج
انفضح اللي بينهم
والبنج كشف الاسرار للناس
والناس بتدور ع التفاصيل
عملت اساطير
من بعدها قرر
يشيل الحرفين من على ايده
بمية نار
لقى كل اللي حصل
ان المتخبى فى قلبه
بان اكتر فى عينه
وزود للناس الاسئلة[flash][/fla

sh]

ياخبر عليك

بتجيب الافكار دى منين

مش بحسدك انا بنق بس

هههههههههههه

حقيقى فكره جميله

وما اجمل الانسان وهو تحت تأثير البنج

تعرف ليه عشان بيقول الصراحه

وبيطلع شعوره الحقيقى من غير تزيف ولا مجامله

دمت ودامت افكارك الجميله

وبجد جد هايل

دمت بكل حب وجمال

هكذا يكون الشعر .. وإلا .

اخى الشاعر الكبير

عادل حسنين

قصيده اكثر من رائعه ومركزه اهنئك غليها

دائماّ رائع كما عودتنا .

تقبل مرورى مع مودتى ...

ياسلام ياعدوله لو القصيده دى موزونه

تكسر الدنيا

الرقيقة
والله يا ست الكل دى أحداث حقيقية
وبعدين الدنيا مليانه
والشعر بالذات موجود حوالينا فى كل مكان بس العين اللى تقع عليه

عمنا
أشكر مجاملتك الرقيقة
وبعدين يا عم عادل لو النص ده موزون
كانت الموسيقى حتسرقك منى
المهم
ربنا يخليك دايما منورنى

الشاعر الأستاذ / عادل حسنين
تحياتي لك
ولقصيدتك التي توقفت أمامها طويلا
وأنا اتابع جمال هذا المشهد الذي صورته بكل براعه
دمت بكل خير

الصديق الشاعر / مراد ناجح عزيز
أشكر تواصلك الراقى
وإن كان فى النص جمال فهو بعد مرورك عليه

الشاعر الرائع عادل حسنين رزق
ماهذا الجمال رائعه جدا جدا
وكأنى امام مشهد تليفزيونى قصير
كتب بعنايه فائقه
دمت مبدعا متألقا
تقبل ودى وتقديرى

مشهد جميل و راقى
استمتعت به
صور جديدة

الجميلة / أميرة
إن مر نص دون مرورك فهو نص لن يكتمل
كونى دائما على موعد
نكون دائما فى سعادة

المبدعة / عزة الهلباوى
أشكر نصى لأنه راقك فأتى بك تنشرين الشذى بتواجدك

انت شاعر حتى في ردودك يا استاذ عادل

ردك دبلوماسى يا رضا أحييك عليه
فهكذا أرى أن النص لا يروقك

قرأتها .. قصة قصيرة رائعة المعانى الإنسانية
دمت مبدعاً

وداد الهــــــــوارى

الأستاذة
كنت أرى أن هذا النص لم يكتمل ولا أدرى لما
حتى مررت عليه
فوجودك وقرائتك لنصوصى شرف كبير لى
ربنا ما يحرم الشعر منك

طب ياريت تفضل تحت تأثير البنج كده على طول
عشان تطّلع لنا صور شعريه جميله واما تفوق متسألش مين سأل عنك
لأنى حعمل زيك واروح للبنج بنفسي
جميلة جداً يا استاذ عادل والله انا بصالحك وبمزح معاك
وربنا يفوقك قصدى يوفقك
مودتى واحترامى
cheers

رائعة يا أبو عادل
أحسنت و الله
صور طازجة تماما
و فكرة رائعة
دمت جميلا
أخوك

الله عليك ياعمنا

الشاعرة الأخت / وفاء أمين
لو كان سيسعدك أن أكون تحت تأثير البنج فسوف أكون بلا أدنى تردد
سعيد جدا أن نصى أعجبك وسعيد أكثر بتعليقك الرائع
فهكذا تفوتين عليا الفرصة لأكون البادئ بالمصالحة
ولهذا أرجو أن ألقاك فى اتحاد الكتاب السبت القادم للاعتذار لك شخصيا
(وبكده يبقى ليا السبق ) ههههههه

أخى وصديقى وصاحب منتدانا الجميل / عاطف الجندى
مجرد تواجدك على صفحتى شرف كبير لى فما بالك بإعجابك بنصى
شهادة أعتز بها

الشاعر المتميز / نور الدين الشريف لأنك شاعر جميل فقد وجدت النص هكذا

الاستاذ عادل حسنين

تحت تأثير البنج بنقول الحقيقه

ياريت الشعب كله ياخد بنج

عشان يشوفوا الحقيقه

رائعة الشكل والمضمون

دمت مبدعا

المبدعة الراقية / مروة البسيونى
ما ينفعش الشعب كله ياخد بنج وإلا كله حيزعل من كله واللى مش حيزعل حد حيروح ورا الشمس
أحييك
وأشكر مرورك الكريم

السلام عليكم...
الحقيقة دي اول مشاركة ليا في المنتدي
عيني جت علي تأثير البنج ...
الفكرة جميلة جدا يا استاذ عادل ويسعديني ان اتعلم من حضرتك ومن السادة الافاضل
دومت علي خير ...
ولكل كل احترامي وتقديري

الأخ / على خفاجى
أهلا بك عضوا على صفحات المنتدى
ولكم نود أن نتعرف عليك أكثر من خلال إبداعاتك
فكلنا هنا نتعلم من بعض
مرة أخرى أرحب بك فى منتداك

» هل لك تأثير ؟!!!!!!
» تأثير صوت المرأة على الرجل / الحاج لطفي الياسيني