بين الغيوم طاله

ومن بين الغيوم طله
وبتفرج على الكائن
وع المكنون
ف قلب الكون
حكاوي الناس
بتنهي الشكل
والمضمون
وبتأمل
الاقي سكون
وليل مسكون
بجبن من القلم
والفكر
وقتل الحرف
للمعنى مالوش
ديه
وقلب شريد
بيرسم سهم وهديه
ويرسلهم على العنوان
وما يوصل
وصحبة ورد
تتصدر مع الاحلام
وعقل شهيد
بيتدارى ف وسط
لغم ؛؛
وكلمة حق متشاله
مع الايام
ووش بريء
بيضحكلك وبتشوفه
كأنه عدم ؛؛
وكف يتيم
وبيدور على بداية
وحلم قديم
وبيشاور بضحكاية
وديه حكايه
خيالها بعيد
وقلب ربيع
مصاحبه خريف
وبيساومه على نهاية
وبنت وواقفه
ف محطة
وشاب بيرسم الخطة
وصوت ازعااااج
وفجر جديد
ف ليلة عيد
بترسم ضيه دمعاية
وحكمة ودايرة ع الملايين
وعمر حزين
بيتندم على اللى كان
وصوت حرمان
ووقت أذان
يارحلة وبعدها فوقان
يقول للجي
كان يا ما كان

القاصه والشاعره شاهيناز
قصيده رائعه جدا جدا
ومضمونها جميل ومميز
تقبلى ودى وتقديرى

الشاعره الجميله

شاهيناز فواز

هذه الكاميرا التى اتت بكل هذه الصور المتلاحقه .

وهذا الخيال الذى تصور كل هذه الحالات التى التقطتها عدسه

عينيك . كل هذا لا يأتى من فراغ .كاميرا حساسه . خيال خصب

وشاعره واعيه .والنتيجه قصيده عاية الروعة والجمال .

تقبلى كل التقدير والمودة ...

واضح ان حضرتك طله من بلكونة عالية قريبة جدآ
علشان كده شفتى الصورة واضحة جدآ
قصيدة جميلة جدآ
مزيد من التوفيق
مع تحيات
شاعر صغنون