أمثال لناس

تعالا معايا فى جولة
فى عالم خطير
عالم كبير
هناخد أمثال لناس كتير
أول واحد فقير فقير
المال قليل
المال كتير
مش هامه حاجة
مع إنه فقير
أما بقى التانى
غنى عنده فلوس كتير
بس سب وهان كل فقير
ولا بيصلى ولا بيصوم
وعمره ما كان للناس خدوم
ونلاقيه بعد كده مات
والناس تعدى عليه وتقول
أهوه واحد وعدى من الدنيا وفات
أما الثالثة دى واحدة اسمها جميلة
بتتكبر أدام البنت نبيلة
إكمن نبيلة وحشة
وجميلة حلوة ونغشة
وفى يوم حصل إنفجار
ماتت جميلة وإتشوى وشها بالنار
دفنوها بعد أما غطوا وشها
مقدرش حد يلمس جلدها
أما بقى الرابع فدا واحد ماشى وماشى
شوية يعاكس شوية ينادى
مع إن ربنا أمر بغض النظر فى الطريق
وهو ميحبهوش إلا اللى للسوء صديق
الحكاية مش محتاجة مخ كبير
الحكاية محتاجة شوية تفكير
جرب وحاسب الضمير
هتلاقى نفسك عملت كتير وكتير
دا شوية صهد من النار بيلسعك
ما بالك بجهنم
دى هتشويك وتولعك
هتدوبك وهتوجعك
كل أما تفكر فى معصية الله
فكر فى الشخص اللى إتشوه
فكر فى مصير اللى يتوه
يإما فى الجنة أحسن مصير
يإما فى النار تتشوى ومعاك الضمير

جميل ايها الشاعر الواعظ

وفعلا شوية امثال

حصله وبتحصل

دمت ودامت روعتك

دمت بكل حب

أستاذتى أشكرك بشدة على إطلالتك لقد سررت بكثرة لهذا المرور وأتمنى منك دائمًأ متابعة مواضيعى حتى أستفيد من نقدك البناء والمفيد