قصيدة أمي للشاعرة مروة أبو الخير

الى هؤلاء الذين يهاجمهم الحرمان فى عيد الأم....

أمى
وحشتينى أوى يا أمى
وحشنى حُضنِك
الدافى..
وبوسة كنتى زماااااان
بترميها..
على كتافى..
وكنت كبير
وبرضو عليا بتخافى
وكنتى شراعى
ونجومى..
ومجدافى..
...............
وحشتينى أوى يا أمى
وحشنى
دعوة كنتى زمان
بتدعيها..
(روح يا ابنى تكون عالى)
ونجمَك ف السما يعلا
ونجمَك ف السما يلالى
بقيت عالى
وكل الناس بتسعالى
لَكِنّ اليُتم جوايا
وعِشت يا أمى
زى ما كُنتى تتمنينى
ف سرايا....
مينقصنيش
ف الدنيا دى غير
دنيا
ماهو أنتى يا أمى
دُنيايا..
كبير يا أمى
لكن لسة محتاجلك
وف الخمسين من عُمرى
وشعرى ابيَّض
وحاسس زى ما كون
طفلك
ولو جابوا نساء الأرض
ما فى واحدة...
تشبهلِك..
ولا فية طفل
فى أحزانه
وف حرمانه
يشبهنى..
................
على كل جدار
ف البيت
حطيت
برواز جميييييييييل
وفيه صورتِك
عشان لما يجينى الليل
أبوس يَدِّك..
ولما ييجى صُبح جديد
ينادينى..
أسِد ودانى
وانام تانى
واحُط أديا
فوق عينى
وأحلمبك..
تروح الصورة قيلالى
(قوم يا ابنى لَتتأخر على شغلك)
وأروح يا غالية
على قبرِك
أبوس القبر
يمكن بوستى توصلِّك
واحُط الورد
اللى كُنت فوق قلبى
زرعتُهلك
وأشكيلِك
وأحكيلِك
وزى ماكنتى
مهمومة بحزنى زمان
يزيد همِّك
ما تستاهليش الجنة
تحت أقدامك
لا واللهِ
دى الجنة اللى تستاهلك
........................
ولما يسألونى الناس
عن اللى كنت بعشقها
وتعشقنى..
عن اللى كنت أمدلها
أديا بحب
ألاقى أديها قبل أديا
تسبقنى
أخاف يا أمى أقول أمى
وأحُط الصمت
فوق فمّى
وأخاف لدموعى
وأنا راجل
تغرَّقنى..
وحشتينى
أوى يا أمى
***
مروة أبو الخير
للمسابقة

الله على الاحساس الجميل

الله عليكى يامروه وجمال قصيدتك

واقسم بالله من اروع ما كُتب عن الام وخصوصاّ

عندما تُكتب فى ذكرى الرحيل ومرحلة اليتم .

سلمت يدك يا مروه . واستشعر بفوزها إن شاء الله

تقبلى تقديرى ايتها الشاعره التى سحبت دموعى عنوة

فجددت الاحزان ...

كل الشكر استاذ / عاطف

على تلك الرائعه ..

بسم الله الرحمن الرحيم
الأخت مروة ارجوا ان تتقبلى انطباعى بسعة صدر
كلامك جميل جدآ
واحساسك عالى
بس ياريت تاخدى بالك من الوزن
ده هيكون فى صالح القصيدة
ربنا يوفقك

حقا جميله يامروة

قصيده عن الام ولا أروع

دمتِ ودام ابداعك الجميل

وبأذن الله تكسبى

لأنه بالفعل جميله

دمتِ بكل حب وابداع

أ/ عادل
أشكرك، تعليقك رفعنى للسماء،أما بالنسبة للشكر الذى وجهته للشاعر الكبير عاطف الجندى، أنا أضم صوتى الى صوتك وأشكره لأنه يبذل مجهوداً واضحاً من أجل المنتدى.

أ/ عادل
أشكرك، تعليقك رفعنى للسماء،أما بالنسبة للشكر الذى وجهته للشاعر الكبير عاطف الجندى، أنا أضم صوتى الى صوتك وأشكره لأنه يبذل مجهوداً واضحاً من أجل المنتدى.

قصيدة أكثر من رائعة

أنتى فين يا مروة تشوفى الكلام الحلو ده فى حقك ؟
قصيدتك جميلة
و موفقه دايما يارب

تثبت القصيده بواسطتى

لجمال الام والشاعره المبهره

مروة أبو خبر

شكرا لك على العمل الجميل
أخت مروة
و من الشعر ما يسر النفس قراءته

شكراًعزة الزرقانى
الشاعرة الكبيرة،وعذراٌ لأنى كتبتها هكذاعزة بدون ألقاب ولكننا لانقول عن النجوم سوى أنها نجوم ....هكذا بدون ألقاب .

االرائعة /بنت النيل
أعتذر لتأخرى فى الرد علي تعليقك وعلى تعليقات جميع الأساتذة اللذين شرفونى بمرورهم وتعليقاتهم ،كلماتك شفافة كشفت لى عن روحك الجميلة ، دمتى رائعة وشفافة

الأخ / أسامة عبد المقصود
شكرا للمرور والتعليق ... وأتمنى لك التوفيق

الشاعر المبدع/ محمد سالم
الشكر لكم أنتم على مروركم الكريم وتعليقاتكم الجميلة ، دمت ودام قلمك مُبدعاً .

الشاعر أحمد علام /
سعيدة بالانضمام لباقة منتداكم العاطرة ، أنتم أساتذة كبار،وكم جميل أن نتواصل.

قصيده جامده جدا من شاعره كبيره وموهوبه بجد انا بكيت لما سمعتها الشاعره مروه يجب انت تحظى باهتمام اعلامى كبير

احساس جميل اوى يا مرة

ومتقمصة دور رجل في الخمسين

أم كنت بالفعل أمام هذه الحالة

تحياتي وتقديري ودمت مبدعة

» قصائد .. للشاعرة مروة فاروق
» قصيدة اتحاد كتاب جامعة القاهرة للشاعرة هيام البكري
» قصيدة مترفات الجن للشاعرة ريانة العود
» قصيدة إيه مطلبى للشاعرة المتميزة رشا فؤاد فى قصر ثقافة منشية
» النبع الصافى