الشمس غابت

موضوع: الشمس غابت الأربعاء مارس 03, 2010 5:46 pm

الشمس غابـت والشمـس لمــــا فــــي يـوم تـدوب بعد الغـــروب مـــا بتكتبـش غياب

والنور وأملي اللي احتضـر بعــــد الفــــراق بسنيـــــن طــوال ويــــاهــــــا غـــــاب

لـــو كـــان صحيــح اللي انكسر يرجع سليم كان جرح قلبي اللي افتكر ذكراها طاب

كــات عينـــي توقـــف دمعها وماكانش دمعي اللي ملاه الشوق بخوف في عنيا داب

كات كل قصة حلم بعد ما تبتدي وتصبح خلاص واقع جميل ما تنتهيش بسنين عذاب

وسألـت نفســي ميـت ســـؤال وبعد كل سؤال مفيش ولا مرة واحــده لقيــت جــواب

في كــل مرة بقول خلاص هانساه ومش هاعتب عشـان ولا كـــان بينفعنــي العتــاب

انا كنت فاكر ان حبـــك راح يخلـــي القلــــب يســـرح زي طيــــر فـــــوق السحــــــــاب

واتاريكي فاكـره غيــــــر كـــــده والحـــــب عنــــدك زي طيــــــر ممســـــوك وســـــاب

زي بيـــــت سكــانـــــه هاجــــرو وفاتــــــو جدرانـــــه وحيطـــانـــــــــــه للخــــــراب

زي قطر الليل مسافــر بس يـــا خســــارة تذاكــــــره كلهـــــا مـــــن غيـــــر إيـــــــــاب

مين اللي يرحم وحدتي وانا كل يوم بيضيع في لوم ودمـوع بتنــزل دون حســــاب

ايه اخـرة المشي الطويل وانا كل مامشي في سكتي مش بلقى غير طريقين سـراب

وازاي تعيشي يا قصتي مكتوبة لكن في الهــوا مــن غيــر ورق مـن غيـــر كتـاب

فالحل لازم نفتــــرق واعتبري كل الحـــــب كان حبــــــة مطــــــر فـــوق التــراب

والحل ده مش في النهاية المؤلمة ولا حتى جوا القصة كان ليه أي فصل في اي باب

وده حل مش بالسهـل انـي اتحملـه لكــن عزايــــا ان جرحـك كـان أشــد مـــن العقـاب

الشمس راحت بس بعد يومين هاتيجي من الغياب

موضوع: رد: الشمس غابت الجمعة مارس 05, 2010 9:32 pm

و شمس شعرك لن تغيب أستاذ أحمد
أنت شاعر جميل و هيكون لك مستقبل
جميل

موضوع: رد: الشمس غابت الجمعة مارس 05, 2010 10:26 pm

الله عليك يا أستاذ أحمد
اتمنى ان تأخذ القصيدة حظها
فى رائعة فعلا

موضوع: رد: الشمس غابت السبت مارس 06, 2010 7:07 am

الشاعر الرائع احمد شبل
قصيدده جميله جدا جدا
ومضمونها اكتر من رائع
وكلماتك لها لحن مميز فى الاذن
شدتنى ليها وقؤيتها اكتر مره
من جمالها
مزيد من التقدم والامتاع
تقبل ودى وتقديرى

موضوع: رد: الشمس غابت السبت مارس 06, 2010 5:22 pm

إلى الرئعة بنت النيل

شكرا على التعليق الجميل

وسعيد بمرورك العاطر على القصيدة

موضوع: رد: الشمس غابت السبت مارس 06, 2010 5:24 pm

الاستاذة القديرة صفاء ناصر

انا بعتبر القصيدة كده خدت أكتر من حقها بمرورك عليها وتعليقك الجميل

كل الشكر والتحية والتقدير

دمتي بكل خير

موضوع: رد: الشمس غابت السبت مارس 06, 2010 5:26 pm

الاستاذه الكبيرة اميرة البدري

اتاريني كنت بلمح نور في القصيدة من حين لاخر

انا دلوقتي عرفت السبب وهو رجوعك عليها مرات

أسعدني مرورك العاطر وابهجني تعليقك الجميل

كل الشكر والتقدير

» فى ذكرى رحيله ...غابت الشمس
» مرثية ( الشمس غابت ) على روح شاعرنا عبد الرسول معلة
» بنت بطعم الشمس
» غابت الأسماء
» الشمس فى مصر الوطن