مخاض

مش بالظبط ساعه محدده
لكن يجوز ..
..
تتنطط قدام عنيك
علي سهوه
وهيه بتشمر لك هدومها
وبتلغي من جواك أي إحساس بحد غيرها
واحده واحده
هـ تحس بزغلله ف العين
وصداع مفاجئ
بالتأكيد هـ تغير إتجاهك
وإنت بتحاول تعيد إتزانك
وتثبت قدام عنيها
وانت مابينك ومابين نفسك
مش قادر
وبتتشعبط بكل مشاعرك
ف اللي يبان لك من جسمها الابيض ..
الشفاف
اللي إبتدا وبدون مقدمات
يهزم شعور جواك بالصيف
والشتا
وحلم كبير منتاش قده
واحده واحده
طلقك هـ يزيد
وف ساعة المخاض / ترتاح
لما تتولد القصيده

الاستاذ الشاعر

مراد ناجح

تعايشت جيداّ مع قصيدتك . وانت كنت واعى تماماّ

لما يخطه قلمك وينتجه خيالك الراقى .

تقبل تحياتى وتقديرى ...