على شالك

وانا
واقفة كده ع الباب
وبين
قلبك وبينى حجاب
وحابسة
دمعتى ف عينى
وبتوسل اليك تنده
ترجعنى لشطينى
ولا تنده
وتْتقطّع
خيوط الشوف
ما بين
النظرة ف عيونك
وبين عينى
تسّهيـــــــــــــنى!!!
وأفوق على دمعة
راح تنطق
بأول حرف من اسمك
ولا........... تنطق
وتتبعتر
حروف منى
على شالك
خطفها الشوق
وجابها لك
وتبدأ
تحكى عن حالك
وتتأسِف
وقلبك بالسَماح
يِهتف
ومِتلهّف
ينول بالشوق
ضيا عينى
تسامحينى؟
أسامحك !!!؟
يعنى أعيش غدرك
مرار صبرك
والاقى
حروف بتندهلى
ورعشة ايد تلِمْلِمها
حــــــــــروف منك
حـــــــــروف منها
تلم الشوق ف منديلها
والاقى خطوتك تسبق
يميل شوقك على ميلها
حروفـــــــــــــــــى!!!
خــــــــــــــــــــلا ص
تاهت منــــــــــى
ف وسط النــــــــاس
وانا تايهة
وتاه منها دفا الاحساس