رجعت ليه ؟!

رجعت ليه ؟!
عشان فى كلمة نسيت تقولها ف وقتها ؟
راجع تقول لى إن حبك انتهى ؟
ليه ما سبتنيش انسانة عايشة ف وهمها ؟
فاكرة حبيبها هو كمان بيحبها ؟
موش كان كفاية عليك ألمها و جرحها ؟
لما نسيتها و سبتها و هجرتها
و بكل قسوة قدرت تجرح قلبها
جاى النهاردة عشان تزود جرحها ؟!

***************

فاكراك حتيجى تقول خلاص حقك علية
أصلى ما ليش بعدك حبيب فى الدنيا دية
ما اقدرش اعيش لو انت ضعتى من ايدية
سامحينى يا لله و اغفرى كل الأسية
شايفك بقلبى و بالعيون اجمل هدية
اتاريك رجعت تولع النار اللى بية
ان كان حيرضى غرورك اما تذل فية
عمرك ما حتشوف دمعة تنزل من عنية

استاذى الشاعر الكبير
الاستاذ عادل عوض
لكم جزيل الشكر على التشجيع الدائم
و عفوا لست الا مبتدئة و لست على علم جيد ببحور الشعر و اصوله
و كل ما ارجوه ان اتعلم و استفيد من علمكم
و ما انا الا نقطة فى بحركم

الاخت العزيزة و المتميزة اميرة
اشكرك جدا على المتابعة
و سعيدة جدا برأيك فى القصيدة

الشاعرة الكبيرة الاستاذة عزة الزرقانى
اشكرك و الحمد لله انها عجبتك
بس احنا جنبك نبقى صغيرين قد كدة
شكرا على التثبيت

اخى العزيز احمد موسى
الحق ان الاجمل من القصيدة وصفك لها بكلمات يعجز الفرد ان يرد عليها او ان يوفيك حق الشكر

الشاعرة الجميله حنان دى تانى مرة اقرا ليكى انتى شاعرة بمعنى الكلمه الله عليكى

الاخت العزيزة منة
مبسوطة قوى لمتابعتك موضوعاتى
و يا رب دايما تعجبك

اخى الشاعر احمد علام
اشكرك على المتابعة و ابداء رأيك الذى يهمنى كثيرا