محامى شباب

سيادة القاضي

انا عنهم شباب اليوم

شباب فاضي

بيتسابق في بحر النوم

شهادة حق بحلف لك

شباب مظـــــــــــلوم

باعوله الوهم في شهاده

وعاش مصــــــــــدوم

وضاع صوته رماه اليأس

ع الإدمــــــــــــــــــان

بيدمن شيشه أو سيما

ونت كمـــــــــــان

على القهوه على الناصيه

على الرصـــــــــــــفان

ونار في جسمهم قايده

وجوع حرمـــــــــــان

ومزيكا على عينك

بترقص كلها القنـــــوات

صبايا لبسهم فاضــــــــــح

دا غير الغمز والإيحاءات

سيادة القاضي مين صابر

كتير منهم ماهوش قادر

إيديهم فاضيه ع الآخـــــر

وأي جوازه بتعّجز

يطالبو الشّب لو جّهز

يجيب شقه وعفش جديد

عروسة ابوها يتشرط

ومجبورين بنتورط

بيرفع سعره ويتاجــــــــــــــــر

يبيعهالنا ويبقى سعـــــــــــيد

نكون عاله وحمل جديــــــــــد

على أكتاف أهالـــــــينا

يشيلوا عّنا بلاوينــــــــــــــا

قتلنا الحزن في منامنا

هروبنا إزاي يداوينا

سيادة القاضــــي

لو راضــــــــي

نهاجر كلنا لبلاد

يجيبوا عالينا واطينا

ويرمونا بتلفيقــــــــــات


مافيش واحد هنا فينا

يعّلى صوته يتنمرد

مفيش ولا ضهر يحمينا

وكله يخاف ويتفرج

ولا واحد حيتحامى

في بطن أبـــــــــــــــوه

ولو له ضهر يتحامى

ح يتحامى في حصانة أبوه