بطل م البدايـه

هيّه لو ماجتش
سيبها
وإعمل إنت الضحيه
والبطل الوحيد ف القصه
وإنك استنيتها كتير
لحد مانفد الصبر من جواك
واستأذنك حلم السنين يرحل
سيبها
ويبقي إنت عملت كل اللي تقدر عليه
واديتلها الفرصه الأخيره
واللي كان ممكن
تمد جسور الهوي بينكم
لدنيا تانيه ف بلاد تانيه
ووطن تاني إسمه .. (الحب )
وهو ده البطل الحقيقي
واللي إنت من غيره ..
ولا تملك ف الحرب سيف
ولا تعشق ف الليل قمر
يشبه لصورة حبيبتك ..
ع الورق ..
وإنت بتفكر كتير ف كلام تقوله
عن ظروفك
وإنك مش قد الجواز
والحب

الشاعر المتميز/ مراد ناجح
لى شرف المرور الأول على هذا العمل المتميز الذى أسعدنى كثيرا لما فيه من رومانسية ( ايوة رومانسية ) وعالية كمان رغم بساطة النص وأحييك على زاوية الإلتقاط لهذا المضمون الغير جديد والذى أصبح جديدا بهذه الرؤية
وهكذا قصيدة النثر

أخى مراد
أسجل هنا مرورى و إعجابي
بنصك المدهش
دمت جميلا
أخوك

اخى العزيز / مراد ناجح

لم تدهشنى تلك البراعه فى نصك الجميل

لاننى اعى جيداّ مقدارك كشاعر جيد جداّ

كل التقدير لقلمك الذوّاق ...

الشاعر الجميل / عادل حسنين
تحياتي لك
وشرف كبير لي أن تكون أول مصافح لقصيدتي
دمت بكل خير

المبدع / عاطف الجندي
تحياتي لك ولهذا الحضور الذي دائما
مايكون فارق لأي شاعر يحظي بثناء كلماتك
دمت بكل خير

شاعري الأجمل / عادل عوض
تحياتي لك ولدوام إهتمامك بقصائدي
شاعر له كل الحب
والتقدير