اشارة مرور

السلام عليكم ورحمة الله وبركاته
ـــــــــــــــــــ
من كل قلبى احييكم
واخص بالشكر كل من شده موضوعى
ودخل ليقرأه
وارجو ان اكون قد وفقت فى فى كتابة الموضوع
واتمنى ان ينول الموضوع رضاكم
ــــــــــــــــ
اشــــــــــــــــارة مـــــــــــــــــرور

الاشارة حمرة اقف يابنى هكذا همس فى اذنى من كان بجوارى
ورديت وانا بدوس على الفرامل وفى قمة الغيظ ... هو كل شوية اشارة
تؤ تؤ تؤ تؤ واوووووووووووو
ايه ده
انظر اليه فى زهول مالك يابنى ايه شفت عفريت ولا ايه
ياعم عفريت مين بص هناك فى اول الصف فى اول الاشارة ياعم هناك
ايوة ياسيدى معلش اصل احنا مكتوب علينا دايما نكون فى اخر الصف
ياعم اسمع بس وبص شايف العربية اللى هناك ده بص بس
فسمعت له ونظرت
هناك على مرمى البصر
تقف عربية فارهة تقريبا همر
وفيها راكبة بنت زى القمر
فيها ملامح من الحسن غير كل البشر
عليها ضحكة تموت الاف البشر
واتمنيت ساعتها ان اكون معها فى اول الصف
وسالت نفسى طب ازاى اوصلها ازاى اكلمها ده بعيدة عنى اوى
هو احنا مكتــ انت يابنى انت تؤ طاخ
وفجأة احس بيد تضربنى على ظهرى
يابنى حرام عليك يابنى انت دايما كدا بتطلع فى اوقات غير مناسبة
ياعم غير مناسبة ايه بس اطلع الاشارة خضرا والعربيات عمالة تزمر
ياراجل
وبصيت فجأة لقيت البنت بعربيتها جريت بسرعة وبعدت الاف الامتار
دوست على بنزين فجاة واتقلب صديقى الى الوراء وقال
الله يخرب بيتك ويخرب بيت معرفتك السودة
ابتسمت له فى سخرية وانا من جوايا بشتعل
هو احنا مش هوصل لاول الصف ولا ايه ياعم بتنجان
اول ايه ها ها ( وضحك بسخرية ) واكمل هى عربيتك الكحيانة ده عمرها هتوصل لاول الصف
دوست فرامل فجاة انزل ياض انزل
يلا ياض من هنا كحيانة ياكلب
نزل وهو بيموت من الضحك خلاص طيب معلش عاوز اروح
تروح لا ياعم روح شوفلك عربية مش كحيانة تروح فيها
خلاص معلش مش كحيانة وقعد يغنى ويرقص هو اللى ملبسنا هو
هو اللى مدلعنا هو
ضحكت وقولت اركب بافقرى ربنا ياخدك
وماشيين فى طريقنا بنبص يمين ونبص شمال
عربيات اشكال والوان واحنا ماشيين على اخر سرعة ورغم ذلك كل العربيات بتسبقنا
تؤ ايه يابنى العربيات ده تصدق عندك حق ايه العربية الكحيانة اللى انا راكبها ده
تعرف العربية ده بس ناقصها شكمان وهتبئة ايه حمار طاير
ببص جمبى لقيت صاحبى مرمى فى اسفل العربية وميت من الضحك
ايه ياض مالك انت عبيط ولا ايه
حاول يسيطر على نفسه وقال بصوت مبحوح وكانه بيطلع فى الروح عربيتك ده عاوزة حاجة من اتنين
ياتولع فيها بجاز يا اما تخش بيها فى بحر
والاختيار التانى افضل عشان خسارة فيها الجاز
برضه برضه بتغلط فى الاصيلة تانى
ياعم مش انت لسة معترف
ايوة ياسيدى عربيتى انا اغلط فيها براحتى وبعدين ياكلب لما تبئة تعرف تجيب زيها ابئة اتكلم
همس قائلا ياعم روح كتك داهية انت وعربيتك المعفنة انت هتذلنى
كمان بتغلط انت فاكرنى مش سامعك دا انت جمبك حظك انك صاحبى وحبيبى
ماشى ماشى مضطر استحملك
وفجأة فجأة
الحق الحق الحق
الحق ايه هنعمل حادثة ولا ايه
ياعم انا اللى سايق هنعمل حادثة ايه بس مش ده ياض العربية اللى كنت بتشارولى عليها
تصدق اه هى فعلا هى راكنة العربية ليه يمكن نزلت تشترى حاجة
لا لا انا شايفها قاعدة جوة
وبعد ساعة تقريبا وصلنا للعربية
وهديت السرعة شوية لقيت البنت اللى زى القمر بتنادى وتقولى هيى انتوا استنوا
مش عيب استناكوا وانتوا تعدوا كدا هو انا كيس جوافة معديين عليها
قولت لصاحبى فى صوت منخفض
الكحيانة عملت شغل يامعفن
اؤمرى ايه ممكن نساعدك بحاجة فى عجلة نايمة ولا العربية معسلجة معاكى
وفجاة طلع صوت غريب
نايمة ايه بس واحدة زى ده العجل كله لازم ينام منها ده انا شوية وهنام منك
ببص على مصدر الصوت لقيته المنيل صاحبى وراشق عينه فى عين البنت وفاتح بقه وشكله غريب
ولة انت ياض احترم نفسك
وهى طبعا هتموت من الضحك
وهتموتنا معاها
لا لا لا ابدا مفيش اى حاجة انا مستياكوا انتوا مخصوص
ممكن تيجوا معايا فى عربيتى تشرفونى
ساعتها انا معرفتش اتكلم ولا صاحبى كمان احنا شاورنا بس
ردت قالت اه معايا فى العربية ده
رديت انا بكل تفاخر طب وعربيتى لا انا مسبش عربيتى ابدا
نزل صاخبى وهو بيقول خليك انت بئة فى عربيتك الكحيانة كتكم القرف عيال فقر وفتح باب عربيتها وركب
وانا ببص بكل اسى اه يانـــــــــــــــــــــــــــــــــــــــــــــدل
ايه مش جى معانا ده انا مستنياك مخصوص
رديت وانا طبعا نفسى انزل
معلش انا ممكن امشى وراكى بالعربية انما اسيب عربيتى لا
قالتلى خلاص انا عندى حل كويس قولتلها ياريت
قالتلى انا همشى على سرعتك وبكدا تقدر تلحقنى
قولتلها اوك
ومشينا وانا ايه عربيتى ماشية جمب احلى عربية وانا بكلم احلى بنت فى الدنيا
ساعتها افتكرت انى وصلت لاول الصف
لكن الصدمة لما خدت صاحبى وطارت فجأة ومقدرتش احصلهم تانى
ساعتها عرفت ان اول الصف هو اللى رجعلى
وده كان لسبب معين
وطلعت البنت الجميلة مجرد خدعة ضحكوا عليا وعلى صاحبى بيها
لكن الصدمة الاكبر عندما وجدت جثة صديقى وانا ماشى فى الطريق
ــــــــــــــــــــــــــــــــــــــــــــــــــــ
ها عرفتوا كل عربية بترمز لايه
اتمنى تكون الرسالة وصلت
لانى مش عاوز اوضح ولا اطول عليكوا اكتر من كدا
وللاسف هنفضل على طول فى اخر الصف
وحتى لو افتكرنا اننا وصلنا هنجى فجاة يوم ونعرف اننا موصلناش ده هما اللى وصلوا لينا الاحساس ده
شكرا على حسن قرائتكم واسف على الاطالة
وارجو ان الموضوع البسيط ينال اعجابكم

شكرا استاذ عادل شرفنى وجودك

الله عليك وعلى سردك

لموضوعك من الواقع

ايها الرائع محمد السباعى

دمت ودامت روعتك

دمت بكل حب

شكرا الاخت الفاضله صفاء على تواجدك

الشاعرة عزة الزرقانى كتب:

الله عليك وعلى سردك

لموضوعك من الواقع

ايها الرائع محمد السباعى

دمت ودامت روعتك

دمت بكل حب

والله انتى اللى انسانه رائعه وحساسه جدا وكلك ذوق ورقة