مدينة حمدان الديمقراطية

هذه القصة حدثت ومازالت تحدث فى( مدينة حمدان الديمقراطية ).

التكيــة
***
( 1 )
داخل مبنى ضخم وراقى .. عامل المصعد يدندن بصوت خافت
-أنا جيييت الدنيا ما اعرف ليه ..ولا عا..........
يقف المصعد .. يصعد ثلاثة
بينما الرابع يأتى هرولاً ودلف بنفسة بسرعة داخل المصعد , ينهج بشدة
- هه هه هه السابع من فضلك .
العامل بتجهم يرد .
- هانـزًّلك التامن وابقى إنزل دور واحد .
يهز رأسه بالموافقة .
- هه هه .. اوكى .. هه .
ينظر له شاب مُهندَم الملابس يسألة .
- انت م المتقدمين للوظيفة
- اه .
- وانا أيضاً .
- المتقدمون كثيرون أليس كذلك ؟
يلوح له بيده
- يووووه .. ياما .
بحزن .
- أه .
- انا إسمى .. احمد عبد العال .
- اهلاً بيك .. وانا أمجد جوزيف .
- تشرفت
- انا لا أظن أن احداً سيفوز بالوظيفة .
- كيف ؟ فهم من الواضح أنهم فى حاجة ماسة الى الكفاءة .. فى هذا المجال بالتحديد للنهوض بالقناة .
- ربما .


(2 )
يدخل الساعى المكتب بعد طرق الباب .
- أستاذ كريم .. فى عدد كبير بره .
- سيبنا لما نفطر الأول .. وروح هات لنا الفطار
ينظر الى رجل أمامه تفطر إيه ياسعيد .
- زي ما هاتفطر يا باشا .
يلا روح هات الفطار .
يخرج الساعى .
بينما يكتملا حديثهما .
- يافندم قولت لحضرتك ميت مرة إنك مش محتاج الى موظف علاقات عامة لتنشيط القناة , إنت محتاج لإعلامى محترف .
- وهاجيب منين الإعلامى المنحرف ده .
- محترف ياباشا محترف .
- ما تتلككش ياسعيد وكمل .. إحنا بنخسر ياسعيد عارف يعنى ايه بنخسر .
- قولت لسيادتك ما فيش غير ابو إسماعيل محمد القحطان , ده هدية منى .
- ومين ده بقى .
- ده يافندم دخل موسوعة إنجعس .
- ايه الموسوعة ديه ياسعيد .
- ديه اشهر موسوعة عالمية شعارها
( إنجعس ومدد رجْـليك .. ماشيه الدنيا ولو داست عليك )
- وليه بقى دخل الموسوعة هو عمل ايه .
- ده عمل برنامج سماه ( يانا يانت )
- وكانت فكرته ايه .
- دا مصارعة بين اى حد واخوه ويشوفوا مين هيبهدل اخوه اكتر ويكون الفائز فى الحلقة . . وبعده عمل برنامج أجمل
اسمه ( الفائز أخى ) وفكرته كانت هو واخوه ضد ابن عمه ,
راح رادد عليه ابن عمه ببرنامج سماه ....
قاطعه قائلاً .
- طبعاً سماه الفائز ابن العم .
- لأ .. سماه الفائز إبن خالة الأم .. وكانت من اشهر البرامج .
- وتعرفة منين ده بقى .؟
- ده ابن أختى يافندم .
( 3 )
يدخل الساعى بصينية بها بعض قطع الباتية والكروساه واكواب من المشروبات الساخنة يضعها على المكتب ثم يخرج .
- إحنا هنهرج ياسعيد أنا عايز أشتغل
- دى البرامج ديه كانت جد مش كوميدي يافندم .
- لأ ..لأ .ياسعيد .
- طب أرشح لك حافظ ابوالمحافيظ .
- وايه حكايتة ده .
- دا كان عامل برنامج جميل إسمه ( خربانه عمرانه وانا مالى )
- وده هايعمل ايه ده .. دا بيقول انا مالى من أولها .
- يافندم انا ضامنه .
- تعرفة كويس ؟
- أيون .. دا جوز خالتى .
- انت فاكرها تكيـِّة أبوك ياسعيد .
يضحك ببرود ويقول .
- دانا رئيس القناة يافندم مش عيب ميبقاش من حقى تعيـِّن ثلاث أرباع الموظفين .. يعنى نسبها كدة لكل من هب ودب .. ليه هى تكيـه .
- وباقى الأدارة تعمل إيه بقى .
- تعيـِّن الربع الباقى .
- الله على جمالك يا سعيد .. انا مش عارف من غيرك كنت اعمل ايه
- ربنا يخليك يافندم
- طب والناس اللى بره دول , نروًّحهم بقى .
- لأ .. نروَّحهم إزاى دا كلام !
طبعاً نمتحنهم .. حضرتك عايز الناس تقول إننا فتحِنها تكيـة للأقارب والمعارف ولا إيه .

____________

استاذى الجميل :- عادل عوض

أبهجنى تعليقك الرائع وملاحظاتك الواعية

ولكنى أقول هذه قصة لا نهاية لها وأصبحت ليس لها تأثير

منين يأتى التأثير .. وأيضاً أحيانا اهوى النهايات المفتوحة

فى توصيل الفكرة ,

ولكنى سأحاول الإجتهاد لأصل الى ما تتمناه منى .

شكراً لمرورك العطر وملاحظاتك المثمرة

دمت بكل خير ودام مرورك .

المبدعة الأستاذة إيمان الروبي , أحيكي علي تناول فهي واقعية حقا و تحدث دائما دمتي بكل خير و تقبلي تحياتي
ملاحظاتي :
1‏ ‏- العنوان غير متماشي مع مضمون القصة فظننت أني سأقرا موضع أخر
2‏ ‏- الحوار الموجود بالموضوع يخرجه من نطاق القصة إلي نطاق السيناريو و بما أنه لا ينطبق عليه فنيات السيناريو فلا يدخل تحته
3‏ ‏- القصة هي بداية و وسط وصراع ونهاية مفتوحة كانت او مغلقة
4‏ ‏- القصة القصيرة مشهد من مشاهد الحياة أعبر من خلال هذا المشهد عن كل مشاكل الحياة مراعيا الفنيات المطلوبه في القصة القصيرة
5‏ ‏- إفتقدت التشويق في الموضوع خاصة أننا في عصر التك أوي ولا أحد يقرا بسهولة
6‏ ‏- النهاية جاءت عادية تماما تخلو من الصدمة المتطلبه في القصص
7‏ ‏- إجادة فن القصة ياتي من كثرة القراءة و نصيحة بالا تعتمدي في التعلم فن القصة من الكتاب الكبار مثل يوسف السباعي و إقرائي لمن دونهم مثل كتاب هيئة قصور الثقافه و كتاب هيئة الكتاب دور النشر الكبيرة

شريف العجوز كتب:

المبدعة الأستاذة إيمان الروبي , أحيكي علي تناول فهي واقعية حقا و تحدث دائما دمتي بكل خير و تقبلي تحياتي
ملاحظاتي :
1‏ ‏- العنوان غير متماشي مع مضمون القصة فظننت أني سأقرا موضع أخر
2‏ ‏- الحوار الموجود بالموضوع يخرجه من نطاق القصة إلي نطاق السيناريو و بما أنه لا ينطبق عليه فنيات السيناريو فلا يدخل تحته
3‏ ‏- القصة هي بداية و وسط وصراع ونهاية مفتوحة كانت او مغلقة
4‏ ‏- القصة القصيرة مشهد من مشاهد الحياة أعبر من خلال هذا المشهد عن كل مشاكل الحياة مراعيا الفنيات المطلوبه في القصة القصيرة
5‏ ‏- إفتقدت التشويق في الموضوع خاصة أننا في عصر التك أوي ولا أحد يقرا بسهولة
6‏ ‏- النهاية جاءت عادية تماما تخلو من الصدمة المتطلبه في القصص
7‏ ‏- إجادة فن القصة ياتي من كثرة القراءة و نصيحة بالا تعتمدي في التعلم فن القصة من الكتاب الكبار مثل يوسف السباعي و إقرائي لمن دونهم مثل كتاب هيئة قصور الثقافه و كتاب هيئة الكتاب دور النشر الكبيرة

إيه الجمال دة دانت ماشاء الله ولا قوة إلا بالله شايف شغلك كويس جداً

اولاً :- مبروك على الإشراف

ثانياً :- مقاييس الفن ليست قرآناً أيها القاص المبدع

ثالثاً :- أنا جعلتك الأول لأنك اتحفتنى بأرقامك الجميلة

رابعاً :- دمت للفن .

خامساً :- مشكوووووور على المرووووور .

الأميرة كتب:

الرائعه الاستاذه ايمان الروبى

اول قصه اقرأها لكى ولكنها جميله جدا واعجبنى

- ديه اشهر موسوعة عالمية شعارها
( إنجعس ومدد رجْـليك .. ماشيه الدنيا ولو داست عليك )

ايه الجمال ده عجبتنى جدا وخصوصا انها بتحصل كل يوم

على فكره انا اصلا بحب كتابة القصص الطويله
ولكن هنا اختصرت للقصص القصيرة حتى لا يمل القارءى

لقد امتعتينى بهذه القصه الواقعيه

دمتى مبدعه

شكراً حبيبتى على المرور الجميل .. والكلمات الوافية

ودمت بخير ودام إبداعك .

ممدوح عزت موسي كتب:

الاستاذه ايمان الروبي
والله اضحكتيني وانا الحزين
وابكيتيني وانا برضه لسه حزين
القصه راعة التصوير الكوميدي والذي اضحكني...وضغطتي بها علي مواضع الالم
الذي انتاب بلدنا واحوالناوثقافه اهل القرار..مما ابكاني...بالزمه مش حرام عليكي!!!؟؟؟تحياتي..ممدوح عزت موسي

الأستاذ المبدع :- ممدوح عزت موسى

أشكرك على مرورك وعلى الإطراء الجميل

فمازلت أتعلم وأستزيد من المبدعين الكبار أمثال حضرتك

دمت بخير ودام عطائك الفنى .

الأستاذه المبدعه فعلا : أيمان الروبى
قصلا واقعيه فعلا تتناول حال هذه البلد ولكنه واقع حزين
قصتك أقرب الى السيناريو لو كتبت سيناريو هتكون أروع أكثر من ماهى فعلا رائعا
تقبلى تحياتى