اهداء الى روح الشهيد محمد المتناوى

ولادة يا أم الكون
فؤادك صافى حنون
وعيون تسهر وتصون
واحنا اروحنا تهون
نحمى حدودك وترابك
والله الهم ان صابك
يقفم حراس على بابك
يروا بالدم ترابك
الف شهيد لعنيكى
ضحى لتراب اراضيكى
سهر الليل يناديكى
تعيشى واموت انا فيكى
وانتى اسم الله عليكى
خسران من جه يعاديكى
انا ام ويامه صبرت
شيلت وربيت وتعبت
سهرت ليكى الليالى
ضحتلك بكل غالى
والغالى كمان بيهون
وفداكى يا ام الكون
حتى ان بكت العيون
اوعى تخدى فى بالك
انا عمرى وقلبى مالك
قدمت ليكى ضنا يا
شمعت عمرى ورجايا
لجل ما يشهد زمانك
ضحيت بأيه عشانك
ابنى لبى النداء
وحماكى من كل داء
ودا جندى من جنودك
ضحى عشان وجودك
صاحى بيحرس حدودك
يتمنى يبوس خدودك
سايب زرعه فى غيطه
ناسه واهله وبيته
ولما ترابك ضمه
صرخ قلب امه
تعيشى تعيشى
يا مصر