بعتذر لك

الشاعرة عزة الزرقانى كتب:

بعتذرلك

قلبى مش قادر

يكون لك

وابقى جنبك الأميرة

أبقى شمسك

أبقى ضلك

بعتذرلك

حتى قلبى مش عايزنى

أحن لك

بيروح بعيد عنك بعيد

ويهملك

ولما أقرب

ينسى حتى يبص لك

بعتذرلك

غصب عنى

قلبى رافض يبقى منى

ومخاصمنى

وان قدرت أتحمله

وامشى الطريق واكمله

وبإيدى قلبى أظلمه

ألقى عنيا أتكلموا

تبكى عليَ وتألمه

تبكى تقول لى ذنبك أيه

ليه تكونى حلمه ليه

تعيشى سجنه عابده لىِ

تحزنى وتفراحيه

وأنتِ مش بتحسى بيه

فوقى أصحى أنتِ أيه

وبين قلبى ولوم عينى

ألقىَ أحساسى ينادينى

مستحيل أنا أبقى ليكى

وارضى ظنك واجاريكى

أصلى نورك مش حاسيبك

تشفى قلبه بنار لهيبك

ولويطاوعك مره قلبك

ولوعيونك ترضى جرحك

ح ابقىَ أروح له وأشتكى له

ينسى حبك يلقى غيره

لميت مشاعرى ورحت له

وبكلمه واحده قولت له

بعتذرلك

قلبى مش قادر يكون لك


عزة الزرقانى



أ

[center]حتى قلبى مش عايزنى

أحن لك

بيروح بعيد عنك بعيييد

ويهمِّلك

ولما اقرَّب

ينسَى حتى

يبص لك

إيه الجمال ده وإيه الحلاوه دى !!

فى كل رائعة من روائعك أجد نفسى

أكرر قراءتها أكترمن مرة فكما تجيدين

الإلقاء ، أيضا نجدك دائما متفردة فى

موضوعاتك وإبداعاتك .

دمتِ أختنا العزيزة بكل الخير .[/center]

بحر الرَّمل زعلان و متلخبط
يا عزة ليه الهوى
بقى شكله متشبَّط
لو كنت فاكرة الهوى
كلمة راح نقولها
يبقى يعوض لنا
ربك لنا يظبَّط

استاذتى الجميله الراقيه المشاعر:عزه الزرقانى
كلامى هرب منى
وقلبى غصب عنى
نزلت منه دمعه
ومن بحر شوقه غنى
يا أحلى عزه قولى
كلام يزيد جنونى
فجوه منى ضحكه
بتدارى مرار شجونى
نبلك ده مش عادى
وجواكى قويتى قرارى
أه مش هقدر اكونلك
لكن بغرامك قلبى راضى

الله عليك يأستاذه مقدرتش أعبر غير بكلمات بسيطه عمرها ماتكون نقطه فى بحر كلامك ولكن أعذرينى كلماتك هزتنى بهرتنى شدتنى خلتنى اكتب وانا مش داريه
دمتى مبدعه
تقبلى مرورى

حلوة
غنائيه جميله كعادتك والفكرة روعه
الله عليكى وعلى احساسك العالى

بحر الرمل زعلان
من بعد ست سطور
داخل عليه الرجز
(بيروح بعيد) ف النور
تفعبلة متزيله
سارقة الرمل دايما
بسى الرمل مفترى
ماسك لخاله شاطور

خالص تحياتى

جميل يا عزة
مشرفة العامية القديرة
الله عليكى

الله عليكي وعلى جمالك . باعتذرلك مش لاقي كلام يوفيكي حقك .

الشاعرة الرائعة/ عزة الزرقاني
قصيدة غنائية جميلة تستحق أن تنال مكانها على ساحة الغناء
تقبلي مروري