يا بلدى

يا حبيبتى بصى بعنيكى
بصى شويه جواكى
شوفى الناس حباكى
ينسوا الهم فى ليلك
يشكوا لربك ولنيلك
يستنوا بكرة على ضيك
بيقولوا يا بلدى ما فيش زيك
يا بلدى متشاله فى النينى
رغم الجراح بتزلزلنى
والحب جوايا سجنى
يا بلدى حبك دوامه
تاه قبلى فيها ناس يامه
وانا اللى ليكى اعدى بحور
ومركبى شعاع النور
والصبر يا حلوة مكدافى
تقلت همومى على اكتافى
ولوعدى ليكى انا موافى
جميله وجمالك ربانى
من فينا يا حبيبتى الجانى
د حضنك هو اللى رمانى
وشربت المر من كعانى
واشتقت وانا فيكى بعانى
د انا الولهان تحت امرك
وانا العايش على جمرك
ولا اعطش لغير نيلك
ولا اعشق بلد غيرك
ولا قبلك ولا بعدك
ولا قلبى يطيق بعدك
ولو يبعد بيرجعلك
ولا سابك ولا لعنك
د رغم الجرح فى قربك
ورغم النار بيشتقلك

...................

ومرة ثانية أعود لأقول

الله عليكي يا منة

دمتي مبدعة ودام ابداعك

تقبلي مروري المتواضع

أخوك

عمرو زيتون

الأميرة كتب:

الشاعرة/ منه الله
اول قصيده اقراها لكى وقد اعجبنى اسلوبك جدا
جميل ان يتحدث الانسان عن وطنه بهذا الحب والجمال
لن تكون اخر مرة لى معكى
دمتى مبدعه

نورتى صفحتى يا حبيبتى واكيد دى مش اخر مرة ليكى معايه لان انا هتابع اعمالك كلنا هنا فى المنتدى بنتعلم من بعض شكرا على مرورك الجميل