ياوابور يامولع

ياوابور يا مولع

حط الفحم

قلبي المتلوع

حط الفحم

خدني لاحلامي حللي ف ايامي

وان سكة فرحي

تاهت ادامي

وريني مكاني وشيل احزاني وحط الفحم

ياوابور يامولع

اشبكني ف فجرك

لو ليلي هايقسي

خلي مراكبيني

علي شطك ترسي

رجعلي حبيبي

يحضن تلابيبي

رتب كراكيبي بس اوعك تنسي يا

ياوابور يامولع

قلبي حلف انه

مايحب اكمنه

من يوم مافارقته
مستني عيونك

مستني يحنوا يا

ياوابور يامولع

يا وابور صدقني

صبرك جرأني
ان احلم فرحي

مالخوف يسرقني

ترقص خطاويا

علي صوت غناويا

وان فكرت احلم

حلمي هايسبقني يا

يا وابور يا مولع حط الفحم

نور

لماذا لا توضع هذه الأغنية الرائعة
التى أعتبرها أغنية شعبية تحمل رائحة التراث
فى منتدى العامية
هى فعلاً تشير إلى لعبة كنا نلعبها زمان ولكن لها مدلول عميق جداً ولن يضيرها إذا نشرت للأطفال وفى العامية أيضاً .. سلم إبداعك .. يا نور .. أنت شاعر .. والشعراء
قليل !!!!!!!!!!!!!!
وداد الهـــــــــوارى

بجد يانور تسلم ايديك
رائع ماكتبه قلمك
وانا كمان مع راى الاستاذه وداد
ياريت برضه تحطها فى قسم العاميه
انت شاعر رائع
دمت مبدعا يا نور
واتمنى لك كل التوفيق

جميل يانور

ياوابور يا مطفى

ولع فحم

حلفتك طفى

غطى اللحم

ده اللحم رخيص

مليان شحم

بيبيعه خسيس

ما بيتلم

لو رش بمية

نرشه بدم

من وحى ماكتبت يانور

استاذة وداد

شهادة جميلة جدا جدا

ربنا يعزك

اخى نور

اتهيأ لى هذه الاغنيه هى اكبر من مفهوم الطفل

ولكنها اغنيه جميله جداّ . احييك على كلماتها الجميله ..