دخان موضوع من طرف محمد السيد السلاموني

إتعرفنا
ولما فمره قعدت معاها
مدت إيدها على شنطتها
ولقيت حاجه مطلعاها
( بتدخن)
ومابين صوابعها دخان
بيجري ويكتب في الهوا
إمشي وسيبها
وبين شفايفها كمان دخان جالي وقالي
مش حاتحبك أكتر مني
أنا حبيبها
بعد ماكنت حاموت وأتكم مره معاها
قمت مشيت ورحت سايبها
قالت مالك؟ قولت أنا كنت جايبلك حاجه
بس نسيت ورايح أجيبها
قمت مشيت مارجعتش تاني
وأنا مصدوم وماقولتلهاش
لو حاقابل واحده زيك
تعمى عيوني ولاشوفهاش
يعني شفايف ياما حلمت معاها
وقلبي تسهر فيه براحتها
لما أقرب منها شويه وتقرب
تبعدني ريحتها
ولا إيدين كان نفسي أخدها بين حضني
طاب شوف إيدها

(بتدخن )
ومابين صوابعها دخان
بيجري ويكتب في الهوا
إمشي وسيبها
وبين شفايفها كمان دخان
جالي وقالي
مش حاتحبك أكتر مني
أنا حبيبها

ستشترك فى المسابقة أخى الغالي
و لى عودة

الاستاذ / محمد

بداية أحييك على محاولة الكتابة لأنها فى حد زاتها مسألة مرهقة .

ثانيا / أرجو أن تتقبل رأيى فأنا لا أجامل فى الأدب .
الفكرة جميلة ــ فكرة نبذ التدخين ــ و لكن ان تضع نفسك كحبيب فى منافسة مع عادة التدخين هذا أمر غير مقبول فالمنافسة تكون بين ندين ، و التدخين لن يرق أبدا إلى الدخول فى منافسة مع الحبيب .
فى رأيى أن تنبذ العادة السيئة و لكن دون إقحام ـ الحب ــ فى العمل .
مع محاولة الوقوف بعض الوقت مع العروض لأننى شعرت أن هناك كسور رغم أننى لا أعرف شيئا فى العروض و أعتمد على أذنى فى الوزن إلا اننى توقفت بشدة عند جملة " و لقيت حاجة مطلعاها " و جملة " يعنى شفايف يا ما حلمت معاها " .

أرجو أن تتقبل رأيى و ألا يفسد الخلاف فى الرأى للود قضية

يوسف حسنى

الأستاذ يوسف حسني
لوسمحت لما تيجي تحلل النص مالكش دعوه بالفكره
وبعدين متتكلمش عتى العروض مدام إنت مش عارف عنها حاجه لأن المشهد هنا هوه القصيده ديه والسطر الشعري هنا طويل ولو أنا قطعت البيت على وزن حتلاقي أخر السطر الشعري كلمه ناقصه
وأنا يمكن مستجد عليك بس أنا مش جديد في الكتابه
يعني لو قلت أكتر من كده عشرين مره مش حازعل

المبدع محمد السلاموني أعجبتني هذه القصيدة الغنائية جداً
من حيث الفكرة وطريقة طرحها
وأختلف مع الأستاذ يوسف حسني في قوله: "التدخين لن يرق أبدا إلى الدخول فى منافسة مع الحبيب" فظني أن التدخين في سياقه الذي عرضته هنا ليس مجرد عادة أو صفة عرضية لهذه المحبوبة وإنما صفة لها جذور تشير إليها تقف بالفعل حائلاً بين الشاعر ومحبوبته

صديقي محمد شاكر
إنتا واحشني جداً أول واحد إنت يتأمل النص بعمق
وأنا عارف السبب
مع تمنياتي لك بالتوفيق

الشاعره الجميله الأستاذه عزه الزرقاني
وحشني مرورك عليا
ودمتي لي