قصيدة علي باب الله للشاعر اشرف حجازي

قصيدة علي باب الله للشاعر أشرف حجازي
علي باب الله
وبيبان الخلق ما تلزمنيش
وباعيش عالاد واد ما عيش
ما طاطيش لجبان
ولا يرهبنيش كرباج سجان
واقف علي باب المحروسة
فابعدي بحور وبانط السور
وارميلك علي خدك بوسة
يا اعز الناس المحبوسة
مليون سجان
واقفين علي باب المحروسة
والسجن كبير
بيساع طوابير
طوابير العيش في الشموسة
طوابير الحزن المرشوشة
علي كل الناس
يا حبيبتي زمنا بدون احساس
بيدوس عالقلب وبيحمل
بيجمل زيف الدنيا الزيف
وبيمشي فوقينا ويتحنجل
والفرح الضيف ما بقاش بيزورنا
وبتجلجل زغاريط البوم
والحلم الساكن ف عروقنا
وبينام ويقوم
بيدوسه الهم ويتحول
ونشوفه سراب
***********
علي باب الله وبيبان الخلق
ما تلزمنيش
وباعيش درويش
وماليش ف الحنجل والمنجل
ومسجل ف كشوف الفقرا
ومانيش من جمهور الاوبرا
وليلاتي بانام عالتلتوار
علي باب الله
وبيبان الله
بتساع الخلق وتتحمل

أخى أشرف
نقلت القصيدة للإشتراك فى المسابقة
خالص الود و لى عودة

أخى الحبيب أشرف

كنت دائما فى لقاءاتنا بالمنتديات

أطلب منك إلقاء قصيدة يامى إيه

المسأله .

وعند قراءتى لهذه القصيده زاد

إعجابى بأسلوبك السلس جدا ،

والرائع جدا جدا .

أحسنت ياأشرف ومبروك

ترشيح القصيدة للمسابقة

وطبعا سأكون أول المصوتين

لصالحها وإلى الملتقى [b][center]

ملحوظه

تثبت القصيدة

لروعة الحرف والمضمون

جميل يا شاعر
متحرمناش من وجودك

فعلا حاجة تستحق جايزة الدولة التشجيعيه