ابعدي عنك ظنونك

ابعدي عنك ظنونك

قلبي عمره ما يوم يخونك

دانا منك وانتي مني

عمري ماقدر اعيش بدونك

تفتكري مين ممكن تكونلي بعد منك

ولا مين في الدنيا ديا أحلى منك

ده القرب منك جنتي

والجحيم في البعد عنك

ابعدي عنك ظنونك

قلبي عمره ما يوم يخونك

دانا منك وانتي مني

عمري ماقدر اعيش بدونك

عيني لو تنظر لغيرك ضيٍّها يبقى ظلام

قلبي لو مال عن طريقك دقته تبقى آلام

عمري كله وهبته ليكي

دي الحقيقة مش كلام

ابعدي عنك ظنونك

قلبي عمره ما يوم يخونك

دانا منك وانتي مني

عمري ماقدر اعيش بدونك

أخي وحبيبي الشاعر العملاق الأستاذ عاطف الجندي شهادتك لي وسام على صدري أتشرف به العمر كله , لك ودي وتحياتي .

أخي وحبيبي ومعلمي الأستاذ عادل عوض أشكرك على مرورك الجميل وعلى رأيك في الأغنية الجديدة وهي فعلاً لسه مكتوبة أمس , لكن المذهب بتاعها مكتوب من شهر وكنت كل ماكملها ما تعجبنيش وأرجع أشطب على اللي كتبته لحد أمس ربنا فرجها الحمد لله . تقبل أجمل تحياتي .

الأخت الجميبة أميرة الرومانسية الأستاذة ( أميرة البدري ) أشكرك على مرورك العطر ورأيك في هذا العمل المتواضع , وعلى فكرة ما حدش يقدر يقطع عليكي , انتي ما شاء الله بقيتي فوقينا بكتير قوي , أنا باعتبر نفسي طالب علم في مدرستك . لكي مني كل التحية والتقدير .

مقدرش اقول راى لانى لسة جديد غير ان تسلم ايدك يا استاذ منير
احمد تيمو

انت اللي تسلم لنا يا أستاذ أحمد ومرحباً بك بين أهلك وأصدقائك , وانت رأيك يهمني ويشرفني , شكراً لك على مرورك الجميل الذي شرف صفحتي .

والله انتي اللي رائع يا أستاذ ضياء في شعرك , وخلقك , ومرورك الجميل على صفحتي الذي انتظره دائماً . لك مني كل الود والتحية .

القديرمنيرمنيب

الله على الاغنيه الجميله

وأدائك لها وسردها والمعانى الرائعه

تتغيب وتطلع لنا برائعه من روائعك المتفرده

دمت ودام ابداعك

دمت بكل حب

ملحوظه تثبت القصيدة

لروعة الحرف

أغنية جميلة
وفكرتني بشكوكو لما قال
لو جالي مرة جواب مسجل
يقول دة جالك من الحبايب
وأقرهوله يغير ويزعل
مع أنه جاي من الضرايب

ربنا يبعد عنا الظنون

[center]

جميلة أوى يا خالو وفية حزئية حسيتها أوى تحسب ليك وهى


عيني لو تنظر لغيرك ضيٍّها يبقى ظلام

قلبي لو مال عن طريقك دقته تبقى آلام
حلو فية عمق أد أية حساس
حولت الضى لضلمة ف بعد حبيبك
وطريق القلب حسبتة أن أمال
يسيقك المر كاساتة عذاب
وتقولة ظنونك أنساها
براها أنا حبك لية
يسيقك مياة
شهد مسكر
أوعى تفكر
أنى هسيبك
ومنين مهتبعد راح أجيبك
وأن جيبتك أحضانى ميلادك
ورموشى أدفيك تتعطى
وأضم الكف
عشان يحمى حبى ف قلبك

جميله ورومانسيه فيها كدة مشاعر مش عرفه اعبر بس بجد تسلم ايدك

والله انتي اللي رائعة وجميلة يا أستاذة عزة دمتي لينا ودامت معاونتك , وأشكرك من كل قلبي على تثبيت القصيدة , وتشجعيك المستمر . تحياتي العطرة لكي .

استاذتي الغالية الأستاذة الكبيرة وداد أشكرك على مرورك العطر , وعلى فكرة أنا موافق على هذا التعديل لأنه فعلاً أجمل , وياريت يتم عن طريق أحد المشرفين لأن أنا مش مكتوب عندي تعديل . أشكرك على اهتمامك وتوجيهاتك الغالية . دمتي لنا بكل خير .

إبننا الحبيب

منير منيب


لافض فوك كتبت فأبدعت

واخترت كلماتك فأحسنت

وإلى تقدم إن شاء الله