أن الاوان

موضوع: أن الاوان الجمعة ديسمبر 25, 2009 2:42 am

ان الاوان
ننسى اللى كان
وكأنه ماكان
قلبى اللى تاه
نفسوا ومناه
تحلى الحياه
رغم اللى كان
لا الحب هان
ولا الحنان
لسه الحنين
بعد السنين
لات جوا قلبى
زى زمان
ان الاوان تشفى الجراح
ياناس كتير من عمرى راح
ان الاوان ونقول سماح
الليل يروح ويبان صباح
اجمل هواء بينا سوا
حرام يضيع كده فى الهوا
من غير عتاب ولا ملام
بعد الغياب ننسى الخصام
ان الاوان نحيي الغرام
ونعيشها ليله بألف عام
ان الاوان نرجع نعيش
قبلك مافيش بعدك ماليش
شوف كام سنه وانا لسه انا
بحلم هوانا يضمنا
من غير عتاب ولا ملام
بعد الغياب ننسى الخصام
لا الحب هان
ولا الحنان
لسه الحنين
بعد السنين
لات جوا قلبى
زى زمــــــــــــان

موضوع: رد: أن الاوان الجمعة ديسمبر 25, 2009 8:13 am

الشاعر الحبيب
سامح الكومى
محتوى اعمالك الرومانسيه كلها صوره من الصعب ان تتكرر
ولذلك تضع البصمه فنعرف دون اسمك ان هذا العمل ينتسب لك
على فكره ياسامح { ام الخلول } سألت عنك ياريت تكلمها
مغ خالص مودتى وتقديرى ...

موضوع: رد: أن الاوان الجمعة ديسمبر 25, 2009 12:02 pm

جميله ورمانسيه تقبل مرورى
بس ما تسمع كلام استاذ عادل بخصوص ام الخلول

موضوع: رد: أن الاوان الجمعة ديسمبر 25, 2009 2:20 pm

عادل عوض سند كتب:

الشاعر الحبيب
سامح الكومى
محتوى اعمالك الرومانسيه كلها صوره من الصعب ان تتكرر
ولذلك تضع البصمه فنعرف دون اسمك ان هذا العمل ينتسب لك
على فكره ياسامح { ام الخلول } سألت عنك ياريت تكلمها
مغ خالص مودتى وتقديرى ...

ايه ياسامح استاذ عادل ناوى

يوفق راسين ف الحلال

وخلع نفسه من ام المخلول

وصدرهالك يلا ياعم شد حيلك

وعلى فكره غنوه جميله بس

فيه كلمه مش فهماها وهى لات يعنى ايه

دمت بكل حب

موضوع: رد: أن الاوان الجمعة ديسمبر 25, 2009 6:26 pm

حبيب قلبى عادل بيك عوض
شكرا على المجامله الرقيقه دى
وبجد بجد مش عارف اقولك ايه
انما بالنسبه لام الخلول دى
انا متأكد من مشاعرها ليا
علشان قالتلى خلينا اخوات احسن
يعنى هي اصلا لو بتسال عنى
يبقى فى سبيل الصداقه مش اكتر

موضوع: رد: أن الاوان الجمعة ديسمبر 25, 2009 6:29 pm

انتى اجمل والله يامنه
وبالنسبه لكلام استاذ عادل
انا مش هاسمع ولا هاسمع كلامه
بخصوص ام الخلول ومش عايز اعرف عنها اى حاجه

موضوع: رد: أن الاوان الجمعة ديسمبر 25, 2009 6:33 pm

والنبى تقوليله انتى يامدام عزه
عايز يخلع هوا منها
بس ياريت تقوليله انى لسه مافرحتش بشبابى
بالنسبه بقى للاغنيه
كلمه لات دى يعنى باقى
ومسرسى على اهتمامك

موضوع: رد: أن الاوان الجمعة ديسمبر 25, 2009 6:37 pm

الشاعر الجميل والرائع
سامح الكومى
الله عليك انت فعلا استار
فى كتابه الاغانى
واحساسك فى منتهى الجمال بيوصل
للقلوب بسرعه
وده اللى اتعودنا عليه منك
رائع ياسامح
بدون مجامله
احلى قصائد غنائيه بقراها
مزيد من التقدم يا قمر
وربنا يوفقك
وتبقى سوبر سوبر استار
دمت بكل سعاده

موضوع: رد: أن الاوان الجمعة ديسمبر 25, 2009 7:11 pm

المبدعه اميره البدرى
تحياتى ليكى ياقمر
وبجد انتى اللى شاعره جامده اوى مش انا
تمنياتى ليكى بالتوفيق يارب
وفى انتظار المذيد

موضوع: رد: أن الاوان السبت ديسمبر 26, 2009 4:22 pm

ان الاوان تشفى الجراح
ياناس كتير من عمرى راح
ان الاوان ونقول سماح
الليل يروح ويبان صباح

جميل يا سامح بيه
لك تحياتى

موضوع: رد: أن الاوان الأحد ديسمبر 27, 2009 7:39 am

أم الخلول
إنذار أخير
تم حذف مشاركتك بواسطتى
وإن لم تعلنى عن شخصيتك الحقيقيه
فسوف نقوم بإيقافك نهائياّ ..

» قبل الاوان
» قبل ما يفوت الاوان
» اما ان الاوان لمحاكمة الظالمين ونصر المظلومين- الذين يشاركون