جاى دلوقتى

جاى دلوقتى بتقولى مش هننفع لبعض
وكنت بتكدب عليا وموفتش باى وعد
مخلاص هى دى نهايتك نهايتك معايا
وقبل ما تمشى احب اقولك اقولك كفايا
كفايا جراح وخداع كفايا عذاب والام
كفايا عمرى الى ضاع مع الايام
كنت بعملك كل حاجة منى طلبتها
عمال تكدب عليا وانا اصدق وقتها
مخلاص هى دى نهايتك نهايتك معايا
واحب اقلك قبل ما تمشى اقولك كفايا
انسان بياع عايش فى الوهم والخداع
والى يحبك يستاهل فى يوم يتباع
وكل الفترة ديه بتخدعنى وتخدع هوايا
عمال اصدق فى كلامك الى ملوش نهايه
عمال تقولى بحبك وكداب من البدايه
احب اقولك مش قادر مش قادر كفاية
انسان مغرور عايش ليه فى الدور
والى يحبك فى يوم هيجى يكون مكسور
وجاى دلوقتى بتقولى مش هننفع لبعض
وكنت بتكدب عليا وموفتش باى وعد
مخلاص هيا دى هيا دى النهاية
حبيبى خلاص مش قادر مش قادر كفاية

ربنا يخليكى يارب يا شاعرتنا الكبيرة انتى ديما رافعة من معنوياتى
بس كل الحاجات الى انا كاتبها دى بقالها فترة كبيرة عشان انا اليومين دول بنقراء بس عشان القراءة هتفدنى كتير
اخوكى الصغير احمد سعد
شاعر غنائى

استاذى القدير \ عاطف الجندى طبعا انا مش مصدق ان استاذ زى حضرتك يعلق على خاطرة من الخاوطر وانشاء الله اكون عند حسن ظنك ديما ومشكور ليك كتير على تعليقك الذى انار صفحتى
اخوك
احمد سعد شاعر غنائى

اللله على روعتك يا استاذة عزة الزرقانى وانا انشاء الله يارب يوفقنى واكون عند حسن ظن حضرتك
ومشكور ليكى كتير على تعليقك الذى انار صغحتى
احمد سعد
شاعر غنائى

اخى العزيز احمد كل سنه وانت طيب
وعقبال مليون سنه
انا تركتلك التهنئه
فى قسم الترحيب والتهنئه
ويارب سنينك اللى جايه تبقى احسن واحسن
وتحقق كل اللى تتمناه

طبعا انا بشكرك جدا يا شاعرتنا الجميلة واختى الكبيرة علىكلامك الرائع ومجاملتك الرقيقة بس للاسف انا لسة عيد ميلادى قدامة شوية تقريبا فى حد اسمه احمد سعد تانى بس انا لسة فعلا عيد ميلادى شهر اربعة
مشكور ليكى جدا
اخوكى الصغير
احمد سعد
شاعر غنائى