أتكلم

أتكلم
قول أى كلام
نشرة أخبار
أغنية من غير معنى
إنجازات الحزب فى صالح الفقرا
ما تسمعنيش صوت دقات قلبى
وهى بتنادى عليها ...
الحلم اللى رافض التحقيق
ما فضلش جوايا حاجة بتغنى
أو حاجة نتعيط
إلا بلوفر صوف
كل اما أزهق منه
يحن لى تانى
ويحمينى م الوحدة
وأنا اللى منها ما مليت
كل الحاجات اللى كانت بتجمعنا
لسة بتجمعنا
وقت الغروب فى البحر
التفاح اللى ملوش طعم
إلا بسكينه
البصل المسلوق
المعلقة التقيلة
ضغط الدم المرتفع
حتى التأخير فى المواعيد
حاجات كتيره ما قدرش أحصرها
باحبها فيا لأنها منها
يااااااااه
طب ليه ف الاخلاص
ما تشبهنيش

الأستاذ الشاعر عادل حسنين رزق

مهما تكلمت يا صديقي مش حتخلص ؟؟؟؟؟ الكلام المؤلم قد نعبر عنه بالصمت
وأنا أوافق الأستاذ عادل عوض سند 0
اللهجة المصرية محببة لنا في سوريا ( بل في كل الوطن العربي) لأن مصر أم الدنيا
سعرك جميل
ولغتك الشعرية منسابة دون افتعال واستجرار
بوركت مبدعاَ

الشاعر الجميل / عادل حسنين
تحياتي أولا
وثانيا إيه الحلاوه دي ..
ما فضلش جوايا حاجة بتغنى
أو حاجة بتعيط
إلا بلوقر صوف
كل اما أزهق منه
يحن لى تانى
ويحمينى م الوحدة
وأنا اللى منها ما مليت
..
نص جميل جدا ويشد من أوله
وعلي فكره أنت واحد من الشعرا اللي
لازم يتكلموا ومايسكتوش أبدا
أمال هنقرا ونستمتع بمين
ربنا يدوم عليك نعمة الإبداع

أستاذنا وشاعرنا الكبير / عادل سند
سعدت جدا بتواجدك فى واحة النثر
فأرجوك لا تغب هكذا
بس كلمة فى ودنك بلاش نقل أشعار العامية المكسورة لواحة النثر

الشاعرة المتألقة / الجولانية
العامية المصرية ليست غريبة عن العامية السورية
أسعد جدا برأيك وأعتز به حين يكون من شاعرة حقيقية
أما عن تغيير العنوان بقصائدك فليس لى أى خبرة به ولكن واضح جدا العنوان فى صفحة النص

الأخ الشاعر / مراد ناجح عزيز
هى محاولة للدخول للنص دون أى أسلحة للبحث فقط عن الشعر
أرجو أن أكون وفقت

أخى الأكبر / عادل عوض
أنت تعلم بأننى لا أقوى على الغياب عن أحبائى وأسانذتى وأصدقائى فى العامية لكن كتر الكتابة على الكيبورد زهقنى فبادخل من غير تعليقات
وبعدين موضوع الندوة فى دمنهور شاغلنى شوية وأنت عارف شغل المؤسسات الثقافية وتدخلات أمن الدولة

الله عليك يا إبداع لما ييجي من وداد الهوارى
عفوا
من الأستاذة وداد الهوارى

معانٍ جميلة ممتلئة بالصدق والإحساس
جميلة هذه النثرية يا أستاذ عادل

الاخ الشاعر/ عبد الناصر
أشكر جدا مرورك الكريم وأعتز برأيك وأقدره

الرقيقة
ربنا يخليك على هذا الإطراء الجميل
وبعدين حكاية العامية ماظنش انك نسيتى نص المسابقة اللى كان عاجبك قوى ونص تانى مش فاكر اسمه
المهم ليه أرجع تانى وأنا مقتنع أشد الإقتناع بما أحاول تحقيقه الآن
وكنت كما قلت لك قبلا ( على ما أظن )سأقوم بمشروع جديد يجمع بين التفعيلة والنثر أى يكون نصف النص تفعيلة ونصفه الآخر نثر وسأراهن على أن يكون النثر أقوى كشعركما حدث بالفعل فى تعليق لأخى عاطف الجندى لكنى تراجعت عن هذا المشروع حتى لا يقال أننى عدت للتفعيلة عن عجز فى النثر
أحييك وأتمنى أن أكون عند حسن ظنك

الشاعر الجميل
عادل حسنين رزق
جميل هذا النص الذي يتخذ من افعال الامر المتحركة دلالة اخاذة بداية من الاستهلال حتي الخاتمة المفتوحة التي تطرح تساؤلا لا يستطيع احد ايجاد اجابات شافية
لماذا لا نتساوي في الاخلاص ؟
هو طرح فلسفي نفسي محسوس غير ملموس يفجر قضية غاية في الجدل والديالكتيك الايجابي
اعجبني النص وتاملت مفرداته البسيطة العميقة
دمت مبدعا

الشاعر المتميز / صبرى رضوان
أشكر جدا مروك الذى أضاء صفحتى وأعتز جدا برأيك
فلا تحرمنا من إبداعاتك