رسالة الى الشعب الجزائرى

الى مصر
يسعد صباحك ياوطن
يسعد صباحك ياابو الاحرار
ياوطن وعلى جبينك
ضوء النهار
ياضارب بعرض الحيط
لحظة انكسار
جانوا عليك الاعادى
قمت رديت الاعتبار
ياوطن من فين مانروح
نلاقى اثار حضرتك
فى المكان بتفوح
تاركة علامه واثر
الى الشعب الجزائرى
ايه ياولاد الجزاير
من بدو وحضر
عليتوا صوت النباح
ذى الغجر
بركان غباء
طار منكم وانفجر
طبع التتار
عاد فيكم وانتشر
يلى نسيتوا ف لحظه
سنين الكفاح
ونسيتوا معاه الوفا
والغدر فى عنيكم بان ولاح
يلى هانت عليكم ام البلاد
ام البطل اللى على ارضكم
استشهد وراح
يمزج بدماه الطاهره
ارض الجزاير
يسقيها عنبر وبشاير
ليبعد العدا اللى كان
على ارضها داير
علشان تعيشوا ف سلام
وقام الازهر الشريف
يعلمكم حروف الكلام
لو تنكرو الجميل
الارض تصرخ عليكم بالملام
لو تنكروا المعروف
مش غريبه على طبع اللئام
لو تنكروا لحظة شهيد
مصرى كان فريد
مع العدا على ارضكم
كان عنيد
كان حريص
يعلمكم معنى الجهاد
يعلمكم اذاى تحرروا البلاد
ابقوا انكروا التاريخ
وصرخة الاحرار
وانكروا كمان معاه
لحظة انتصار
مرسومه على وشوش الاجداد
ومرسوم جنبها مصرى
وقت الشده كان مع الاجداد
اللى صرخ صرخة جهاد
واجب عليه لانه الكبير
ولانه كمان البطل
وقت النفير
ولانه يعرف اصول الشهامه
ولانه الرياده ولانه العلامه
فى تحرير الشعوب
وقت الجد مايعرفش الهروب
لانه البطل
فوق جدار التاريخ
مكتوب
واحفروا كمان تراب الارض
خنادق
وناموا فيها بالطول والعرض
وهيلوا عليكم ترابها
يمكن تحسوا بلحظة ندم
للما تشموا بصمة قدم
لساها بتعلن
وبكل لغات المحن
انا خطوة مصرى
اتلحف بعلم الجزاير
وفارضها اندفن
لجل ماتعلى الجزاير
بين الامم
لساكم ماعرفتوش
مين هوا المصرى
يابجم

الاستاذ الشاعر
طاهر السنباطى
يالها تصل اليهم الذين نسوا ان مصر كانت دائماّ
وابداّ لهم السند ودورها فى تحرير الجزائر .
مصر ستظل الرائده . الكبيره . قلب الامه العربيه
كل التقدير اخى طاهر ...

القدير استاذ طاهر

طبعا كلنا زعلانين من موقف الجزائر

لكن فى كل الحالات احنا عرب

ومنستغناش عن بعض

ولازم نكون ايد واحده

عشان مانبقاش ضعاف فى عيون العدو

واساسا دى سياسه وتدخولات صهيونيه لتشتيت وتفريق العرب

لكن لودورت على الحقيقه هتلاقى الشعب الجزائرى

طيب جدا وبيحبنا واللى عمل كدا مش هما

دول صهاينه دافعين فلوس لشوية مساجين ومسجلين خطر وقطاع طرق

عشان يعملو كدا فا مش لازم نحقق لهم هدفهم ونشتم ونقطع بعض

ودا هما اللى عيزينه لأنه انتصار لهم

دمت ودامت روعتك

ملحوظه

تثبت القصيدة بواسطتى

لروعة الحرف

دمت بكل خير

الاستاذ الثائر / طاهر طاهر السنباطى

كلنا يعلم ان الجزائر بلد المليون شهيد نصهم من

عندهم والنص من المصريين

لكن اللى يعمل الخير ما يندمش عليه

افعل المعروف فى اهله وغير اهله فان فعلته فى أهله

فهو أهله وان فعلته فى غير أهله فأنت أهله

دمت اخى بكل خير وسلام

اخى الكريم طاهر
انا ممن تعرضوا للاذى البسيط على ايدى هولاء ولكنى اقوللها وللامانة الشعب الجزائرى مغلوب على امرة مثل الكثيرا ومتسلنيش مين فى منهم كويسين وفى منهم ناس تستاهل القتل ولكن فى النهاية هم عرب مثلنا

موضوع: رد على الموضوع الأحد ديسمبر 13, 2009 9:12 am

الاساتذة الكرام والاخوة الكرام
اشكركم على مروركم الكريم الذى اثلك الصدور ويجعلنا نفتخر بالانتماء الى هذا المنتدى الجميل ودمتم لنا سالمين
طاهر السنباطى

» الشعب المصري فين؟
» الحرب القائمة الان بين الشباب الجزائرى والمصرى من السبب
» الشعب قال كلمته
» إرادة الشعب
» يا سيدى الشعب