.......إحفــظ يــاقلبــي

والله زجال من العيار الثقيل
الاخ الشاعر الجميل
ضياء الدين


احفظ ياقلب كل شيء اسمه الجِـميل
ماقدرش اعيش جوايا ندل أوعويل
أصل الاسد مايهزني وان كان ف غاب
دا الجبن حاكمه بهمتي ساجنه وذليل



ما تحتويه تلك الرباعيه هى خلاصة أخلاقك
وما نشئت عليه من قيم ومباديء

أنا عشت حابب للبلد ورحت أشارك
لقيت جماعة ويقصدوا بدأ المعارك
خايفين الصقر يكتشف سر العتاب
ياخد حقوقنا منهم من غير مهالك

وهذه الرباعيه تحوى ما تحمله تجاه هذا البلد
من محبه وغيره على مصالحها وحب الإصلاح
قصيده كامله واجمل ما يميزها مهارتك الواعيه
فى التمسك بالتفعيله طوال القصيده
كل التقدير اخى ضياء ...

ضياء الدين البري كتب:

السلام عليكم .. مجرد رأي

إحفــظ يــا قلبــي

.....

احفظ ياقلب كل شيء اسمه الجِـميل
ماقدرش اعيش جوايا ندل أوعويل
أصل الاسد مايهزني وان كان ف غاب
دا الجبن حاكمه بهمتي ساجنه وذليل

أنا ليَّ رأي واحترم رأي الخلاف
عمري ماكانت كلمتي أبدا تخاف
من غير مذلَّة أومحاولة أوعتاب
الفقر حتي لوحكم وسنين عجاف

رباني راجل كلمته قيمه ومبدأ
خلاني فاكر حكمته واعيش مبرَّا
لانخشي الا ربنا.. مانخاف ذئاب
الحق لازم ينتصر مايكون مجزَّأ

من حقي اخبي نيتي جوّ َالضمير
واللي بيغضب ربنا مايكون أسير
ويا الحبايب والقرايب والصحاب
ماحد يقدر يشتري عزمى الكبير

أنا عشت حابب للبلد ورحت أشارك
لقيت جماعة ويقصدوا بدأ المعارك
خايفين الصقر يكتشف سر العتاب
ياخد حقوقنا منهم من غير مهالك

مابلاش نلاوع أو نراوغ في الكلام
نعيشها دوغري بكل فخر نزيد مقام
دا كفايه تخلص نيتك ماتشوف عذاب
وياريت تفوق من غفلتك قبل المنام

أشكركم
وللجميع تحياتي

طب اقول لك ايه يابن الحلال

كلمات جميله فوق الخيال

مليانه صدق كلام رجال

تعلا تكبر ف العيال

ع المبادئ والكرامه

وتقول لهم مافيش محال

هو دا طبع الرجال

من وحى رائعتك استاذ ضياء

تسلم وسلم قلمك المبدع

وبصراحه انا بمسك الخشب

مش بحسدك لكن بجد فرحانه بيك لدرجه لا تتخيلها

لأنك بقيت شاعر مشكله

دمت ودامت روعتك وتفردك بكل جميل

دمت بكل خير وحب

ملحوظه

تثبت القصيدة بواسطتى

لروعة الحرف