خرابيش ف النار ( الفائزة بجائزة ديسمبر 2009 )

الأستاذ الفاضل محمد البسيونى كلماتك لى شهادة لم أكن أحلم بها من مبدع فى قاماتك الشعرية جعلك لك أبا وسندا لنا ف الخير دائما

والله يا رشا كان نفسى أكون معاكم وأهنيكى شخصيا بالجائزة
لكن الظروف حالت
سأكون معكم بروحى

أستاذ عادل حسنين كأنك كنت موجود بالظبط أنا مقدرة الظروف

بنفض
برفض كل ألامى

وأعلنها ف قلب الميادين

حيطة ف حيطة

بلون الدم

تخرج ثورة قلبى الساكن

من لحظاته

تكشف سر عذابى الجارح

ويا عمود مزروع ف الشارع

راصد ف الحركات أضواءه

والناس ماشية وبتتعاجب

ع الثورة المسكونة نيران

دمعة عينى مادَّه طريقها

ويا حيرتهم ف الأحداث

هما سببها

هما غبار وتراب ف هبابها

حتى الشيش اللى أتمنيته

مستنوش النور يوصل له

والفتحات سدوها بسور

وأنا لفة الشارع ف موتور

يهرسنى ف قلب مفاوضات

لحظة ب لحظة

وجاتنى اللحظة

وقلت هطير

سبت السير

لكن قلبى

ف جرح مرير

عطشان ويا الفرح يغنى

عايش سنى

خايف أنى

أسيب الحزن ف يوم يقسمنى

كل ورود الدنيا تجينى

تحضن عينى

تنطق كل شفايف دمعى

عمر الحزن ما يوم يرجع لى

ويرجعنى


جوة الضلع الساكن وجعى

جوَّه مواجعى

ترجع كل حروف النور

تملى حياتى ما بينها سطور

أن الفرح أوانه يدور

وأنا جوه الضليلة بزور

شجرة توت

ضى جمالها

خلى الجرح

ما كان له وجود

ـــــــــــــــــــــــــــــــــــــــــــــــــــ
[justify]الف مبروك يا رشا و الله العظيم حلوة ــ رغم انك لو صبرتى عليها شويه كانت هتبقى أحلى ــ بس مش مهم المهم انك كسبتى و الأهم انك كتبتى الكلام ده ... فاكرة لما بقيت اقولك حاولى تطلعى من الزجل وتكتبى القصيدة ...؟ دى بداية الكتابة الصح فياريت تكملى ... و الله انا فرحان بفوزك أكتر من فرحتى بفوزى الشهراللى قبله و كان نفسى اكون فى الندوة بس ظروف الشغل منعتنى ــ ملعون أبوها الصحافة الاقتصادية اللى واخدنا من كل شئ ــ انا لسة قارى الخبر دلوقت لأنى بقالى كتير مش بدخل .... ملحوظة " ما تشتركيش فى المسابقة الا بعد 3 شهور عشان تدى فرصة لغيرك و بالمرة تساعدينى على تنفيذ فكرتى " .
تقبلى مودتى و تحياتى يا أختى العزيزة

أخويا يوسف حسنى سعيدة جدا بكلماتك الجميلة ورأيك البناء وفرحتك ويمكن كانت لو صبرت زى ما قلت كانت تطلع أحسن بس صدقنى أنا صبرت عليها كتير أوى وتعبتنى عشان تطلع بشكل يعجبنى

الشاعرة الرقيقة
مبروك لفوزك بجائزة ديسمبر
وهي قصيده رائعة
وقد سمعتها فى اتحاد الكتاب
واتمنى لكى التفوق الدائم

الجميلة زهرة الصبار سعيدة جدا بيكى وبرأيك ف العمل ويا ريت أشوفك فى الندوة الجاية وأعرفك لأنى للأسشف نفسى أفتكر شكلك وأسم زهرة الصبار ملخبطنى

رشا فؤاد كتب:

بنفض
برفض كل ألامى

وأعلنها ف قلب الميادين

حيطة ف حيطة

بلون الدم

تخرج ثورة قلبى الساكن

من لحظاته

تكشف سر عذابى الجارح

ويا عمود مزروع ف الشارع

راصد ف الحركات أضواءه

والناس ماشية وبتتعاجب

ع الثورة المسكونة نيران

دمعة عينى مادَّه طريقها

ويا حيرتهم ف الأحداث

هما سببها

هما غبار وتراب ف هبابها

حتى الشيش اللى أتمنيته

مستنوش النور يوصل له

والفتحات سدوها بسور

وأنا لفة الشارع ف موتور

يهرسنى ف قلب مفاوضات

لحظة ب لحظة

وجاتنى اللحظة

وقلت هطير

سبت السير

لكن قلبى

ف جرح مرير

عطشان ويا الفرح يغنى

عايش سنى

خايف أنى

أسيب الحزن ف يوم يقسمنى

كل ورود الدنيا تجينى

تحضن عينى

تنطق كل شفايف دمعى

عمر الحزن ما يوم يرجع لى

ويرجعنى


جوة الضلع الساكن وجعى

جوَّه مواجعى

ترجع كل حروف النور

تملى حياتى ما بينها سطور

أن الفرح أوانه يدور

وأنا جوه الضليلة بزور

شجرة توت

ضى جمالها

خلى الجرح

ما كان له وجود

يا جماعة لو تصدقونى وأنا بكتب القصيدة على الكى بورد فى المنتدى كل حرف كتبتة كنت بقولة بدمى كأنى بقولة للناس كلها

:afro

ألف ألف مبروك
قصيدتك فعلا تستحق أن تفوزعن السنة وليس عن شهر ديسمبر فقط
قرأتها أكثر من مرة
وفي كل مرة تلبس ثوبا من الحسن جديدا

أستاذ مصطفى مقلد أشكر رقة كلماتك وعمق المعنى ف التقدير والثوب الجديد الذى تراه ف العمل هو أطلالتك الرائعة علينا

الرائعة والأم الحنونة زينات القليوبى كم أنا شاكرة لجمال كلماتك فى المعنى والمضمون وسعيدة بها جدا ولا أنكر فقد أنتظرتها كثيرا وكنت فى شدة الأشتياق لهالك منى جميع ورودالدنيا أهداء لقلبك الرقيق

لا تعليق

روشششششششششش رشا رشا مبرووووووووووووووووك كتير ليكِ تستحققققققققققققققققققققققققققققققققققققي كتيرررررررررررر
mrmr

ألف مبروك يا رشا فوزك الجميل
و قصيدتك تستحق

مرمر صديقتى الرقيقة دايما ردودك حلوة وبتعبر عن مشاعرك ناحيتى أيوا كدة هلى علينا ف المنتدى وحشتينا

أستاذى الفاضل أمين عثمان شاكرة جدا لزوقك النبيل وأحساسك بمعنى ما أريد قولة ف القصيدة ميرسى جدا