قرار أحمد شبل

الشاعر
أحمد شبل
كتب
قرا ر

قررت إني اختفي

واطفي شموعي وانطفي

وانا بس عايزك تعرفي

إن الفراق هايدهدني

قررت إني أستقيل

لو حتى كان الليل طويل

مع ان حبك مستحيل

لكنه فعلا شدني

قررت اني أعتزل

وافصل مشاعري أوانفصل

عن جرح عمره ما يتقفل

وليه أسيبه يضرني

قررت إني أنسحب

علشان ما ينفعش اني احب

وخلاص ماعنتش يوم هاطب

في الحب لو هايذلني

قررت اني ابتعد

عن كل شيئ ف الكون يهد

وعشان ما اخافش ولا ارتعد

راح اسيب دموعي تضمني

قررت أمشي من سكات

علشان خلاص الوقت فات

وخلاص معادش الذكريات

ترجع ف يوم وتهزني

قررت أبعد وارحمك

علشان ماينفعش أفهمك

وكمان حرام اني اظلمك

وحرام كمان اني انحني


اخر قرار اني اعود

ولا يبقى بينا في يوم حدود

لو حتى اعيش قرنين صمود

حبك في قلبي اطمني

اطمني
........................
والله يبني

كلام جميل

وأجمل ما فيه

انك حسيت انك أخطأت

ورجعت تصلح ما أخطأت فيه

حبك في قلبي اطمني

الله عليك الله عليك

تقبل مروري المتواضع

أخوك

عمرو زيتون