بحلم

تعالوا معايه نروح لمحافظه ابعد من مطروح
محافظتنا خياليه مش واقعيه ميه ال ميه
محافظتنا هزار بس فيها ضرب نار
دة كلام جد وبيتقال مش موال للريس متقال
محافظتنا نبنيها بادينا ونخطط فيها للأمنينا
مش تبعه للاى حكومه ولا عليها رقابه مكتومه
وان كان فيها حكومه تبقى لمتنا
وان كان فيها رقابه يبقى ضمرنا
محا فظتنا محافظه جنان من غير حريقه ولا دخان
فيها عمرك ما تلعن الزمان ولا من مشاكلك تصبح بركان
اصل ما فهاش مساكين ولا واحد مش لاقى رغفين
محافظتنا ما فهاش بطاله كل يوم محتاجه عماله
طب دى فيها وظايف حكوميه حوا فزها الف الميه
وفيها الشقق مرميه وما فيش عنوسه يا صبيه
محافظتنا من غير تشريفه معاديه توقف مصلحه ميه
عندنا المسؤل مافيش بينك وبينه سور
يعنى ببساطه تقدر تقول للظالم هيجيلك يوم
وأراءنا من غير سجان نقدر نقولها فى اى مكان
اصلها محافظه امن و امان شعبها عمرة ما يتهان
الظالم فيها مش كسبان ولا الظلم على بر امان
والعدل فى دوامه غرقان اصل شعارنا فيها الانسان
الخير فيها اشكال والوان فى كل حته خضرة وبستان

محافظة مثل المدينة الفاضلة
شكرا على ترسيخ القيم فى نصك
دمت بخير

شكرا لمروك استاذ ممدوح

شكر لمروك استاذ عزة بس احنا هنروح امتى للمحافظه الى بحلم بيها

شكرا لمروك حضرتك وتعليقك الدائم على كل موضوعاتى بس انا عيزة اطمن انا الموهبه موجودة عندى ولا لأ

شكر ليك استاذ ابراهيم

منه حبيتى
جميله قوى مدينه الاحلام دى
وياريت تحجز ليه مكان هناك
كلماتك جميله وتعبيرك أجمل
مزيد من التقدم

شكرا ليكى استاذة اميرة

ربنا يخليك يا استاذ سامح

الله كلمات جميلة زيك : يا منة الله
بس دى محافظة ولا أرض الأحلام
ولا يمكن بلد المحبوب حلم عمر الحريرى
فى ابراهيم الطاير ههههه .
دمت بخير وابدعتى حفظك الله .

شكر ليكى يا ماما زينات وانا معاكى ان الساكت عن الحق شيطان اخرس

شكرا ليكى استاذة ايمان والعموم ادينا بنحلم