ام حزينه

وانا ماشيه فى الطريق
قابلت ست حزينه
جروحها من غير سكينه
لاقيت قلبها مضىء
فتحته لاقيت حريق
سألتها انتى مين
وازى النار بين ضلوعك ايدين
قالت انا ام عجوزة
لكن فى الكتب مدروسه
كان اسمى زمان محروسه
كانوا بيقولوا ست الحلوين
قولتلها تانى انتى مين
قالت انا ارض محدودة
لكن بخيرى ممدودة
انا فيه العاذب والمالح
انا فيه الاخضر والطارح
انا مطمع لكل العيون
والى يجينى يعشقنى بجنون
قولتلها طب ليه انتى حزينه
احكيلى يا مسكينه
قالت اة احكيلك ايه ولا ايه
احكيلك على الوجع الى من صبرى اتوجع
ولا احكيلك على السنين
قلبى فيها عاش حزين
على ولادى الى مش سألين
انا عندى ولاد كتير
لكن عنى مش سألين
سيبنى وشردين
على مركب هربين
بيقولوا الخيرفيه قليل
ومع انى ست الحلوين
مش عرفه غيرى عند مين
بس لو ما يكنوش مسلمين
بس لو ما يقلوش امين
هما صحيح مظاليم
بس هما الى موافقين
لو راح حقهم سا كتين
دول حتى يا بنتى رافضين
يسألوا حقهم عند مين
روحى يا بنتى قوليهم
انا محتاجه امانهم
انا مخلوقه عشا نهم
خليكم جوايه سا كنين
عيزاكم مع بعض واقفين
عيزاكم اقوى من السنين
عيزاكم لبكرة مستنين
عيزاكم عليه خايفين
مش عيزاكم شياطين
عن الحق مخروسين
عيزاكم فى حضنى
ومش شا ردين

الجميله / منه الله
بجد جميله وفكرتها حلوه أحساسها عالى
قصيده وطنيه جميله
وبجد فى تقدم ملحوظ
لذيذه يا منه
وربنا يوفقك
شرف لى مرورى الاول على القصيده
تقبل مودتى

حميلة جداً وفكرتها جديدة تقبلي تحياتي .

شكرا لمرورك استاذة اميرة بس بجد فيه تقدم ملحوظ