يا غربة

يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


أنا كنت زمان عصفور

بين الأشجار بيدور

ضاع مني زمان الحب

ماشي با دور عـ النور


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


يا غربة طريقك طال

ورجوعي ليه محال

لياليكي صعبة ومرة

وسؤال بيجيب سؤال


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


يا غربة أنا ليا حبايب

سنين وانا عنهم غايب

نفسي أشوفهم لو مرة

يفرح قلبي اللي دايب


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني

وأنا سعيد جداً إن الأستاذ الكبير المبدع عاطف الجندي يكون أول من مر على عملي المتواضع بارك الله فيك ودمت لنا أستاذاً ومعلماً ومشجعاً .
أخوك ( منير منيب )

خى منير
الغربة صعبة كان الله فى العون
قصيدة كتبت بوجع فوصلت بصدق لنا
سعيد بحجز المقعد الأول
أخوك المحب

وأنا سعيد جداً إن الأستاذ الكبير المبدع عاطف الجندي يكون أول من مر على عملي المتواضع بارك الله فيك ودمت لنا أستاذاً ومعلماً ومشجعاً .
أخوك ( منير منيب )

الشاعر الجميل / منير منيب
أحساسك بالغربه وجعنى وده لصدق مشاعرك
بس عندى عتاب ليك أزاى تحس بالغربه وانت فى وسط ناس بتحترمك وبتعزك بالشكل اللى انا شيفاه ده
وده يزيل اى احساس بالغربه
ممكن يكون انسان قريب من ناس كتير بس غريب عنهم وده لانه ملهوش بصمه فى حياتهم
وانت بصماتك على صفحات المنتدى
دمت بكل الخير
تقبل مرورى

الله عليك يا خالو منير والله حسة بيك وعارفة وجع الغربة بس مفيش بديل لطريف هو اللى أختارناة ومدناش فرصة نختار على العموم أنت مش غربة أوى مع أخوك طارق منيب حبيبك وتوأم روحك بس بجد شعرك أصبح حديث من أعرفهم فى المنتدى وبيقولو مستواك رائع ومنتظرين المزيد

الأخت الحبيبة الجميلة أميرة البدري أولاً أشكرك على اهتمامك الدائم وتعليقك الجميل وصدقيني لو قلتلك إن انتوا اللي مهونين عليا كل ألامي ووقت سعادتي لما بادخل على المنتدى في وسط أهلي وحبايبي ربنا يخليكوا ليا أحباب وأخوان وأخوات مرة تانية باشكرك على مرورك وتعليقك الجميل .

أخوكي ( منير منيب )

حبيبتي روشة أشكرك على مرورك الجميل وإن شاء الله نرجع تاني في لمتنا الجميلة .

أستاذي وحبيبي وأخي ضياء أشكر لك اهتمامك ومرورك على عملي وانت اللي كلماتك رائعة ودايماً بتاخدني إلى عالم جميل وباتعلم منك الكثير دمت لنا أخاً حبيباً وشاعراً جميلاً .

ابدعت لوصول وجيعتنا بصدق احساسك

تموت الغربه ومواجعها


وربى ما انا تاى راجعها

بنت الصعيد

ريمى

اخى العزيز الشاعر المتألق دائما
الاستاذ منير منيب

فكرتنا تانى بالغربة يااستاذنا
ونرجع ونقول
مازال العشق للغربة سبب مجهول
ومازالت وما زلنا
نغازلها
وهيه كما ن تغازلنا

دمت ودام ابداعك ومحبتك للجميع
وشكرا

أشكرك بنتي وبنت الصعيد ريمي على مرورك الجميل وأنا معاكي تموت الغربة ومواجعها ألف مرة تحياتي لكي .

شاعرنا المتألق وأستاذنا الكبير فوزي الشربيني أسعدني مرورك الجميل ودمت لنا أنت شاعراً مبدعاً وأخاً حبيباً .

منير منيب كتب:

يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


أنا كنت زمان عصفور

بين الأشجار بيدور

ضاع مني زمان الحب

ماشي با دور عـ النور


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


يا غربة طريقك طال

ورجوعي ليه محال

لياليكي صعبة ومرة

وسؤال بيجيب سؤال


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني


يا غربة أنا ليا حبايب

سنين وانا عنهم غايب

نفسي أشوفهم لو مرة

يفرح قلبي اللي دايب


يا غربة فين واخداني

ضايع وتاه عنواني

يا ما نفسي أرجع تاني

بين أهلي وبين خلاني

الرائع القدير منير منيب

مش عارفه أزاى فاتنى النص الجميل دا من غير معلق عليه

عموما اللى عايزه اقوله لك بجد

قصيده واقعيه وخارجه من القلب

وخرجت احاسيس ومعانى جميله

دمت رائعا

دمت بكل خير وحب

ملحوظه

تثبت القصيده بواسطتى

لروعة الحرف والمعنى :

أشكرك أختي الجميلة العطو فة ملكة الشاعرات عزة الزرقاني على مرورك الجميل الذي أسعدني كثيراً وعلى تشجعيك الدائم لي بارك الله فيكي ودمتي لنا .

أشكرك حبيبي وأخي طارق على مرورك الجميل ولكني طبعاً أنا لا أرتقي لكلمات أغنية موال الصبر التي غناها وديع الصافي وعاشت في قلوب المستمعين منذ ثلاثون عاماً وحتى الآن لك كل الشكر مرة أخرى على مرورك الجميل .