عقارب ساعة ف المشوار

حبيبتي رشا
طلبتي رأيي ..
والمرء مرآة صديقه
...
الفكرة جميلة .. والصور رائعة
والمضمون ممتاز
..
بس .. الوزن
يارشا ..
كان محتاج .. مراجعه
فياريت يكون لك .. أستاذ
يراجع نصوصك
لأن حرام نص بالروعة دي
تكون فيه .. غلطه
حرااااااام

ماما

زينات القليوبي

ماما زينات كم أنا معجبة بكلماتك وأنا عارفة فعلا حكاية الوزن وبسأل ناس كتير بس فية ناس بتكسف عشان خايفة أضايق خايفين عاى مشاعرى وفى ناس بتقول وأنا بحاول والله وياريت لو حضرتك يكون ليكى أضافاتك فى هذا النص أكون سعيدة ونصايحك على عينى وراسى وكون أن النص عجبك بهذا الشكل معنى كدة أن بنتك كويسة فياريت تساعديها أكتر أكون شاكرة ليكى بحبك جدا
afro

فراشة المنتدى " رشا "
بدأتِ فعلا تتجهين إلى النضج وتوظيف كل الدعائم والإمكانات المتاحة لخدمة النص .. فأصبح المعجم موظفا توظيفا قويا سليما والخيال بات طيعا يخدم الصورة الكلية للنص والأوزان باتت منضبطة تماما اللهم إلا في موضعين فقط في النص وهذا يدل على مدى التطور الذي تمرين به الآن من امتلاك لناصية التجربة الشعرية ...
الكسران الوحيدان في النص هما في

اقتباس :

وسنين عقدها مفكوكة

وإصلاحها يكون بزيادة تاء فتقولين : وسنين عقدتها مفكوكة "

اقتباس :

ورافضاها متباعة

وتنضبط إن قلتِ " ورافضة القاها متباعة "
ولكن النسق العام للنص يسير بتقنية عالية وقدرة على السيطرة على دفة القصيدة
وفقك الله

الغالية / رشا

قرأت ذاك الإبداع المتفرد بتلك الفكرة الأنثوية

وامتلكت ذمام السرد عن افكراك العنفوانية الجميلة

فوجدتُ الرقة في الاسلوب والسمو في الخيال

سيري على هذا الدرب يحدوك الأمل مع تلافي بعض الهنات البسيطة

فأنت شاعرة بالفطرة فعليك أن تصقليها بالممارسة

:

كوني بخير

:

الرائع أستاذ عبدالله أبو القوفى كم أنت رائع فى كلماتك وأهتمامك بالعمل وناصية الشعر مرة واحدة وكمان الخيال يخدم الصورة طب رأيك عاجبنى طبعا وجميل جدا بس عايزة أسأل فى حاجة هل الأوزان كلها منضبطة أى هل القصيدة منضبطة من ناحية العروض فهذا يهمنى وحضرتك أستاذ كبير طبعا ورأيك يهمنى لأنى عايزة أتلافى أى قصور فى العمل
شكرا لكلماتك الرقيقة
afro

أختى أم القوافى كلماتك رقيقة جدا وعجبتنى ودائما أنتى سباقة بالأراء الجميلة المتميزة وكلامك الحلو دة أنا مش أدة أفكار عنقودية سمو الخيال ميرسى لرقة كلماتك وبالنسبة للهنات قولى عليها عشان أصلحها أكون شاكرة ليكى
تسلمى حبيبتى لجمال كلماتك
afro

ارجعي لتعليقي يا رشا هتعرفي كسور الوزن فين

ميرسى لزوقك ف الردوأهتمامك أستاذ أبو القوافى ربنا يكرمك

afro

الجميلة الرائعة رشا كتبت

أنا الخطوة وف المشوار

خطاوى الناس بتسبقنى

ف طريق مفرود

كما الساعة

ومتباعة لخطاويهم

ف عقرب من سنين جاية

وأنا جواه

دقايق فية وبتحرك

ف أحلامهم

ألملمها وأشكلها

كما الدنتلا ف الفستان

ولسا يدوب هقفلها

مبلحقشى

فيخدوها

ثوانى تلمس العقرب

وتتشبك وتتعقرب

وتدخل خرم ف العقرب

تكون خيطة وفية أبرة

وجوه الأبرة شوك حامى

وبيشكشك دموع عينى

بسيل حامى

من الحيرة

ف سنين فاتت على جية

على لحظات مهش هية

وأنا راكبة وبعديها

كما المقداف مع المركب

تمر الموجة ف الموجة

سنين صافية

وسنين عوجة

وسنين عقدها مفكوكة

بنور الصبح

على الشجرة مع العصفور

بضمة أيد على جرحى بتبنى قصور

بنور الله وأقول الله

وأنا ماشية مع الساعة

لكن حبة تكون ملكى

ورافضاها متباعة

الله عليكى
كلمات جميلة واحساس رائع

انتى عارفة ظروف بعدى هذة الفترة
وهذا غصب عنى طبعا
وحشنى الكل

تقبلى تحياتى

أنت دائما جميلة يا ورد وأحساسك رائع بكلماتى ويلا شدى حيلك عايزين نشوف كتاباتك

Smile

اختي الغالية لك من رقة الكلمات وعذوبة التعبير ما هو صادق في خطوط الوقت والسنين
بارك الله لك وجزاك خيالجزاء
تقبلي شكري وتقديري
mrmr

أنتى فعلا يا مرمر تعليقاتك بتقول كتير أنتى بتحسى العمل أوى وبتتشبعى بية ألى النهاية وما عندة الأحساس ألى التشبع لابد علية هو الأخر أن يشبعنا فهذا واجبك أتجاهنا فلا تحجبى أبداعك مجرد كلمة عذوبة التعبير فى خطوط الوقت والسنين أبداع فى حد زاتة لانة يوضح مدى حضرتك على أستشعار الخيال وعمل نسيج منة وأنا على ثقة من أن بداخلك الكثير فلهمى وكلنا معك

Smile

» عقارب الكلمات
» ابتدا المشوار
» عقارب الزمن ولا زمن العقارب..؟؟؟؟؟؟
» المشوار الفني للشاعر ؛ محمود عبد الحليم
» ساعة صفا