إجابة تانية للسؤال

( اجابه تانيه للسؤال )
متسأليش ازاي وليه ؟
دلوقتي شعري يفجر البركاين ف صخر الروح يفيض
ويفور علي كل الأراضي العطشانين
علشان يغير شكل تدوين القوافي ويبدأ التاريخ
مش أي واد
لم البحور الواسعه في كفه
علشان مايسقيكي بايديه شهد المحال
ولأي احساس يستبيح قلب الحجر
فيفتته
ويفيض مع النور والجمال
ولاي حد يهز عرش المستحيل
يفتح ملفات القدر ويغير اللي انقال
لسه الولد حالف يجوب المنتهي.. ويكونلها
مهما الزمن يعصر خلاياه اللي دايبه في الألم.. هيعشلها
ويفتت الأساطير في شعره
تبتدي باسمه الحكايات الشقية.. وباسمها
وليذهب الحلم اللي خانني للجحيم
وليحيا جيفارا العظيم
وليسقط الزهر اللي خان فرعه
ومنين ما ايد الظلم تدهس خد مظلوم
موطني
أنا من بلاد الحرف والنور والحياه
اللي متعرفش انكسار الروح وتدنيس الجباه
اللي متعرفش
الرضوخ علشان رغيف العيش
ولا المقايضه بالأمان علشان تعيش
(لا تصالح ولو منحوك الذهب)
وهبي ياريح الجنوبي بالغضب
(أتري حين أفقا عينيك ثم اثبت حفنتين من الدولارات
مكانهما هل تري؟..كل شيء قد يباع ويشترى)
علي دمع ست الحسن يفتتح المزاد
آسف أنا مش في المزاد
مين يشتري قلب الاميره شهرزاد
اسف انا مش في المزاد
مين يشتري دم الأميرة شهرزاد
لا حاسبوا ده مش دمها.. دمي انا
لوهيا هتبيع نفسها..أنا دمي حر
والحر دمه يسيل ولا ينباع
وعشان كده ..لازم أخش المعركة لوحدي
من غير حبيبه أخبي راسي في صدرها
ولابن حلم تشيله ليا ف قلبها
علشان محدش غيري يخسر في النزال
قالت حقيقي بجد مش قادره افهمك
قام قالها مهما حاولتي تفهمي المستور ...محال
ده حمول يمور من تقلها قلب الجبال
مين اللي عنده إجابه تانيه للسؤال ؟
الحرف قال :
مش أي حد يهز عرش المستحيل
يفتح ملفات القدر ويغير اللي انقال

الله عليك بجد حاجة فوق الخيال على فكرة أنا معاك مش في المزاد .

الشاعر المبدع الجميل / محمد الحناطى
بجد الله عليك انت أحساسك هو اللى يستبيح قلب الحجر ويفتته
وكمان يفتنه بأحلى كلام اتقال ده كلامك ولا فى المحال
دمت مبدعا

الابن العزيز شاعر العامية المتالق دائما
الاستاذ محمد الحناطى

لا تعليق على القصيدة فهى مبهرة
ابل اعجاب بشاعر كا د يمس نجوم السما

تفبل مرورى وشكرا

الشاعر الجميل منير منيب حجزت لنفسك المقعد الأول وشرفت أنك أول المارين على عملي تقبل مودتي

الشاعر الرائعة أميرة البدري مرورك أسعدني كثيرا تقبلي مودتي

الرائع والقدير الاستاذ عادل عوض سند مثلما يسعدني ابداعك يسعدني تعليقكك في انتظار العودة

يا سلام عليكي يا استاذة عزة والله والله أنا فخور بكل كلمة وسعيد جدا بيها ربنا يذيدك ابداع وتألق

استاذنا وشاعرنا المتألق دوما عاطف الجندي تشجيعكم دفعة قوية ، ومروركم دائما شرف ووسام على صدري

استاذي عبدالله جمعة أنا بحسدك والله على هذا التألق المستمر وهذه القدر على أن تكتب دراسة نقدية في سطرين يبانوا كأنهم تعليق 00 ومنك يامه لسه نتعلم

الاستاذة هناء سعيد تعليقكك يدل على عمق معرفة ليست غريبة على من هو في هجم موهبتك وعطائك أسعدني مرورك

وداد الهواري اسمها المجرد يعني لي اكثر من مجرد شاعرة عبقرية وواعية ويكفيني مرورها حتى لو كان ليس هناك تعليق فما بالكم بهذا التحليل الرائع الذي أضاف لي الكثير تحياتي لك أيتها المبدعة

المبدع الكبير والرائع فوزي الشربيني يشرفني مرورك ويسعدني إلى أقصى مدى تقبل مودتي

وليحيا جيفارا العظيم
وليسقط الزهر اللي خان فرعه
ومنين ما ايد الظلم تدهس خد مظلوم
موطني
الله عليك
يا عم محمد هو انا ازيتك فى حاجه علشان تلخمنى اللخمه دى كلها
هو انا هلاقيها منك ولا من عم سامى عقل ولا من ابويا
يا خلق انا داخل المنتدى ده علشان اتعلم مكنش فى نيتى اتروش وادروش والبس قميص الاكتاف
استشهادك بما كتب الغظيم امل دنقل فى لا تصالح
كان فى مضمون القصيده وداخل النص لا دخيل عليه
وتغيره الى
ترى حين افقاء عينك واثبت حفنه دولارات مكانهما هل ترى هناك اشياء قد تباع وتشترى
مبدعه اوى
وكمان جمله الثائر العظيم جيفارا
انى احس على وجهه بالم كل صفعه توجهه الى مظلوم فى هذا العالم
فاينما وجد الظلم هناك موطنى
كان رائع
عموما انتظر تعليق تفصلى بعد جلسه كهربا ف العباسيه افوق فيها من الجنان اللى سببهولى منتدى عاطف الجندى بكل عاملقته وعلى راسهم ابى الروحى عاطف الجندى
تقبل فائق احترامى وتقديرى وصداقتى
دمت بكل خير

ما هذا الجمال بجد نفسى أكون زيك فى الأبداع أنت شاعر مبدع حتى فى ألقاءك مبدع تجسد وتمثل دائما الحالة الشعرية التى تحاكيها ونعيش معك فيها وكأننا نعيش مع قصايد أم كلثوم العظيمة اللهم زدك من موهبة وزدنا معك بها

استاذ المبدع محمد بجد رائع قصيده جميله بجد

االشاعرة الرقيقة رشا سعدت جدات بمرورك تقبلي تحياتي ومنتظر ابداعك

هل مررت من هنا ؟
ها انا امر و أرتشف الجمال
أستاذ محمد
قصيدة لا يكتبها سوى مبدع قدير