جوه براح الجب اللي اسمه دماغي

هتصدقني ؟
واللا هتقول إني أنا مجنون
والشعر ابن الكرب المسجون
بهلاوسه في خلايا دماغي
بيصورلي حاجات مجنونة مابتحصلش
زي ماخلاني أبوس البنت ف عز الظهر
ف قلب ميدان رمسيس
وأمين الشرطة الواقف جمبي يدور ويلف
ويبص الناحيه التانيه ويضرب كف بكف
ويمثل قال انه ماشفنيش
والبنت تسخسخ من فيضان البوسه النور
وتروح ما تجيش
وتسيبلي السُكّر ف شفايفي
يتسرسب جوه ف شرايني
ويفوح بالسُكر ،اللذه ، الرعشه ،الدمعه، الـ آه
أرجوك ماتطبطبش عليا
ومتواسنيش
انا كده علطول
مدفون ف تراب الكتب الراكنه
جوه براح الجب اللي اسمه دماغي
اصرخ ومفيش
سياره تعدي وتنشلني
علشان ماتبعني لأي عزيز
وباينه مفيش في الناحيه دي غير عتمه و ذل
مش لازم كل الناس توصل
لكن أنا عايزك توصلي
من غير متقول : أضغاث أحلام
و تدوّر جوه السراديب التايهه ف مخك
عن أي مبرر مش معقول
بيخلي الأوراق الخضرا
م الغل بتخنق أشجارها
ويخليني أطول دقني
والبس جلابيه وأقصرها
وأقيم الحد على دماغي وأكفرها
وأروح واسكر وسط العمال
اللي انطردوا زيي وزيك
من دنيا مهياش بتاعتهم
وتغني لمين يا حمام مدبوح
وتسيبني اطوح زي جسد مفصول من روح
وأروّح لما الليل يسكر من همي للأوضه إياها
اللي مبعرفش لسكتها بالليل عنوان
رجلي تجرجرني لحديها
متكوم على آخر دوران
وتمر سحابه وتضحكلي ..وكأني هارون
وجواري العصر العباسي
جايينلي يمارسوا معايا الحلم .. وأنا عطشان حلم !
لكن مش عارف ليه برفض غير إني أكون إلا لفينوس
من حق الربه انها تعشق فارس زيي
وانا من حقي .........
إني اقلب موازين الدنيا بسلطان عشقي
بتبص عليا بخوف كده ليه
صدقني يا عم انا مش مجنون
ولا بسمع نشرات الأخبار
وخلاص كخلاص مني ومنك
هثبتلك اني اعقل منك
ح ارميلك في ايديك العاجزه دستة أحلام
واديلك في ايديك التانيه ريموت الدنيا
علشان ماتروح لبلد تانيه ..
ما بتخنقشي
و تدردش مع واحد غيري ..
مبيحلمشي !

ايوه كده لا يصح إلا الصحيح
الشاعر الجميل محمد الحناطى
هذه القصيده او هذه الحاله النادره فى محتواها
تقفز بنا داخل دائرة الإبداع وتغوص بنا فى قرار سحيق
لكى نغنم منها كل ماهو نفيس .
وبحرفية الشاعر المعهوده يخرج بنا من صوره لأخرى
ومن لقطه لإسقاط على يوسف والعزيز ثم العوده للتوهه
التى فرضتها عليه الحاله الشعريه .
اسمعها اطرب وأقرأها اسعد .
كل التقدير ايها الشاعر الرائع ...

تثبت هذه القصيده
تقديراّ لهذا الوعى وتقديراّ لشاعرنا
محمـــــــــــــــــد الحنـــــــــــــــــاطى

الصديق العزيز
محمد عبد المنعم الحناطى
انا كنت سعيد الحظ زى باقى اساتذتنا اللى حضروا التكريم الاستاذ عاطف الجندى
وسمعت القصيده دى منك
كانت من اروع ما سمعت
من صور والقفز بالحاله من مستوى الى مستوى
وايضا فى التوريه
وكمان ف التعبيرات اللفظيه
فعلا انا مش لاقى حته شدتنى اكتر من التانيه لانى لسه متاخد من يوم ما سمعتها لغايه دلوقتى
فعلا ابداع لا مثيل له
صديقى العزيز
تقبل فائق احترامى وتقديرى
وشكرى كمان
دمت بكل خير

أخى الشاعر المبدع محمد الحناطي
أسجل هنا إعجابي بهذا الجمال
قصيدة ثرية المعنى و متينة المبنى
تحسب لك بكل تأكيد
خالص الود
أخوك

الشاعر المبدع / محمد الحناطي

لقد استقر الإبداع محله وهنا محل الإبداع والمبدعين

:

ما قرأتُ قصيدتك !... ولكني قرأتك فيها

قرأتُ فيها الإنسان الواعي بما يدور حوله من تناقضات

ويرفض أن يسير في هذا الدرب

يحلم .. يتأمل .. يفيق

ولكنه يحمل في قلبه همسة عتاب

لمن أجهض حلمه البريء

همسة عتاب

بل صرخة ألم في وجه من يسرقون أحلامنا المتواضعة

من منا لا يحلم ؟؟

فكلنا على كف القدر تشرئب أعناقنا إلى حلم بسيط نتمنى تحقيقه

ولكن يحول المجهول بيننا وبين تحقيق أحلامنا

وقد سردت من التاريخ بعض الوقائع الحقيقة التي تدعم وجهة نظرك

فهي قضية أن ندير الدنيا بريموت نبحث عن غيرها

لأننا سوف نجد نفس البشر قانطين فيها

منهم من يحلم

ومنهم من يجهض الأحلام في رحم الأمل

:

الدنيا ليست قاسية بقدر قسوة قانطيها

:
لنا ولك الله

ولتجعل الأمل نصب عينك

واحلم

ثم احلم

حتى يتحقق ما تصبو إليه

:

لك ولــــ حلمك دعوة رضا من القلب

:

فوزية شاهين

:
:

الشاعر جداً / محمد الحناطي
تحية بحجم ..
نزيف .. أحلامك / أحلامنـــــــا
وقهر .. مشاعرك / مشاعرنــــا
وسحق .. هويتـك / هويتنــــــــا
تحية ..
قد لا تصلك أبداً
في

الأوضه إياها
اللي مابعرفش لسكتها بالليل عنوان

...
دمت .. بهذا الجمال .. الموجع ..
نزفـــــــــــــاً
شعـــــــــراً
آلقــــــــــاً
...
زينات القليوبي

الرائع جدا محمد الحناطى

دائما متجددا أفكارك متنوعه لك أداء مميز

دمت بهذا الروعه والجمال والتألق

دمت بكل حب وخير

جميلة والله جداً يا أستاذ محمد

الاستاذ والشاعر القدير محمد الحناطى /
الله عليك
منك بنتعلم ومن كلامك واحساسك بنعرف نحس ونتكلم
مزيد من النجاح والتقدم بأذن الله

الشاعر القدير عادل عوض سند فخور بمرورك الكريم وسعيد بكلماتك الرائعة

الشاعر الرائع الاحساس الصادق فنيا عمرو شاهين كم أنا سعيد بمرورك وفخور بصدقاتك معجب بابداعك

الشاعر القدير عاطف الجندي شهادتك وسام على صدري جمعتنا المودة دائما ادامها الله بيننا

الشاعره جدا جدا ونقدر نقول فوق الامتياز بقلب مليان ستصلني رسالتك في اي مكان ورغم اي شيء كان لانك شاعرة تطير مفرداتها وتحلق بعيدا عن اي قيد ، حرة انت وكم هو رائع الشعر من الاحرار

الشاعرة الجيلة عزة الزرقاني ردك رائع كشعرك فكل زهرة مبدعة تفوح بأريجها الفياض في كل زمان ومكان

الرائع الجميل منير منيب مرورك أسعدني جدا وشرفني للغاية

ايه ده معقول أميرة البدري في التوبيك بتاعي.. ا ده ايه النور ده خطوة سعيدة ..وبلاش والنبي موضوع استاذ ده لاحسن اخد في نفسي قلم خليني كده في الاوضة اياها اللي مالبعرفلش لسكتها بالليل عنوان

فيه قسم هنا اسمه الصوتيات والمرئيات فيه موضوع يخصك

بمناسبة لقائك التليفزيونى الجميل

ولا اقولك ادخل هنا

https://www.youtube.com/watch?v=zXbblvgDm9k

» اللي اسمه ايه
» ضحكتها .. براح اوسع من الدنيا
» براح
» شباك براح
» ومضات شعرية - متجدد