قصيدة بعنوان معزورة قطة الجيران

معزورة قطة الجيران
فى النط عى كل الحيطان
وان حست انها رح تقع
يسندها سى القيتو بحنان

مايهمهاش واكمنها
فى السيرك شايفة نفسها
تلعب على كل الحبال
من غبر ماحد يمسها

متدربة على كل لون
مايهمهاش ضيق الماعون
ولوانها فاهمه القانون
لكن بتحلم بالامان
وان حست انها رح تقع
يسندها سى الفيتو بحنان

صبح ومسا لها نونوه
وكانها عايزة الدوا
ويا ويله منها اللى نوى
يكشفها للناس والزمان

خبرة ف امور المسكنه
طول عمره متمسكنة
عايزالها كام مستوطنه
علشا تسيطر ع المكان
وان حست انها رح تقع
يسندها سي الفيتو بحنان

وجيرانها اخرتها بحجر
ضربوها علشان تحتضر
واكمنه قطة ولها
مجنون بيعزف ع الوتر

بنالها ابراج ع الجبل
علشان تسوق هيه الهبل
ومهما على صوت الجدل
تكبر قوى زى الحيتان
وان حست انها رح تقع
يسندها سى الفيتو بحنان

معزورة قطة الجيران
فى النط على كل الحيطان

فوزى الشربينى
من ديوان موال فى عز النهار صادر سنة 1997

الاستناذ الشاعر / فوزى الشربينى
تحية من القلب لهذا العمل العالى الشاعرية والذى لا يخلو من بعض الزجل الراقى
والمطلوب إحياؤة فى ثوب جديد يليق به وبقيمته الادبية
تقل مرورى

يااه يا عم فوزى معزوزه بقت نمر ويمكن اكتر
عارف ليه عشان كل اللى حواليها صبحوافيران
تعيش وتفتكر

اخى وصديقى العزيز الشاعر الكيسر الاستاذ عادل عوض

الاخت العزيزة الشاعرة الغنائية الانسانة الاستاذة عزة الزرقانى

الاخن العزيزة الشاعرة الاصيلة الاستا1ذة وداد حنقى الهوارى

الاخت العزيزة الشاعرة المتميزة جدا الاستا1ة ام القواقى

الاخ العزيز الشاعر الكبير الاستاذ عادل حسنين

اخى العزيز والصديق الغالى الشاعر الكير الاستاذ عاطف

اخى العزيز والصديق الغالى الشاعر الاعلامى المتميز جدا الاستاذ غيالله عبد الصيور
اشكر لكم جميع مروركم الكيم والتعليقات التى اثلجت صدرى
دمنم احباء اوفياء وشعراء اساتذة نتعلم منكم

اخوكم
فوزى الشربينى

ربنا يخليك لمصر

أيها القدير

شكرا لكى سحر العيون عتى مرورك والتعليق على
قصبدتى المتواشعة