الأورنوس

جمال الدليل كتب:

ملامح نشوة السكران

جرس فسحه

بيغسل حزني ومواجعي؛

بكاسين ويسكي

ف خمارة الخواجه أياه

تسافر عيني

ف التلج اللي مالي الكاس

شاشات سينما

ضعيف قلبي

ماعدش خلاص بيستحمل

سيناريو قديم

بقى بيسأل كما المجنون

عن الأصرار

ف عقل المخرج المنتج

مصمم ليه أتوه وأنسى؟

أفيش الفيلم أدامي

تاريخ ساذج

بيتساذج

على عقول البشر تمن

ويبدأ فيلمه كالمعتاد

(عماد الدين)

وخماره

وجوز نسوان

وطلبة جامعه

قاطعه الكوبري بالثوره

بتنده يالا يا أستقلال

وأنا وبقية الفرقه

بنشرب من سطل روحنا

لحد ما يفتح الأورنوس

نبيع للأشقر البارد

كتاب الجوع

ويمشي الفيلم أحداثه

تقوم ثوره

(فاروق)

يمشي

ويجي جمال

ويملا الدنيا بالأحرار

ولسه الكاس

ف خمارة الخواجه أياه

ف نص الفيلم يتأمم

زراق وخضار

عيون كل اللي مصوا الدم

م الفقرا

جمال وقنال

ووحده غريبه م الأول

نسيت من سكري أحكيلك

عن العدوان

وعن خالي اللي مات بدري

عشان عنب اليمن مرر

نهاية الفيلم كات كافره

وخمرة يومنا م الفاسده

ف بار نفس الوطن أياه

شربنا السك من يونيه

ومات الراجل الطيب

بحسرة عمره ع الثوره

وجالنا سادات

عبر فعلا

ورجع بنتنا الفتنه

لضمة أمها الطاهره

فرحنا شويه مش ياما

رجعنا لأول المشهد

لبار نفس الخواجه أياه

بنسكر لجل ما ننسى

كوهين

وبشاعة الأورنوس

..............................................

كلمات

أصغر ديوك المملكه

جمال الدليل

......................... ...............

الله عليك جمال

ودليل على الروعه

والفن الجميل

قصيدة من الاخر

لملمت فيها احداث البلد

من أول جمال للأخر

تسلم ايها الرائع الواعى الراقى

دمت مبدعا متألقا

دمت بكل خير وحب

ملحوظه

تثبت القصيدة بواسطتى

لروعة المضمون

عمي عادل عوض سند
قال
الابن الغالى
جمال الدليل
ارهقتنى بهذه القصيده
واذهلتنى بمحتواها الذى لم تعيشه
ولكن ... تعايشته
ان شاء الله لى عوده لهذه القصيده
بعد عودتى من العمل ان شاء الله ..
ايوه ياسيدى .. كنا بنقول إيه ؟؟
اولاّ .. تقديرى لك لكونك لم تعش هذه الفتره من الزمن
ولكن مخزونك المعرفى خرج وترجمته الى حدث وكأنك قد عشته من قبل
وهذه قدرة الشاعر يتعايش مع ما لم يعيشه ويجعل القاريء يسلم بما يقرأ .
قصيده جميله ايها الديك الكبير واتقنت صياغتها وسردها فخرجت بتلك الروعه
كل الشكر والتقدير لقلمك الشاعر ...
.............................................................
مع أني كنت ضعيف في التاريخ في الثانويه العامه
لكن ربنا قدرني الحمد لله
ولا تقدر مدى فرحتي بأنك قولت في تعليقك أني ديك كبير
أنا لسه يا عم عادل أصغر ديوك المملكه
لك مني كل الحب والشكر والتقدير والأحترام
أخوك الصغير
جمال الدليل
........................................................................

أخي الحبيب
علي مهران
قال
الرائع /جمال الدليل عجبنى اوى الربط بين الاحداث كلها بخماره الخواجه اياه ومحستش وانت بتحكيلى عن اشياء انا عرفها بالملل لان الامتاع غلب العمق وده مش تقليل من قيمه العمق ف القصيده .
شكرا لنظرتك الجميله في قراءة القصيده
وشكرا لمرورك الطيب
أخوك الصغير
جمال الدليل

وانا بقرا أعمالك بيجرالي أكتر من كده
والله مش مجامله
أدام الله لي أخ مخلص مثلك
أخوك الصغير
جمال الدليل
...................................................

الأستاذه القديرة
والأخت الغاليه
فوزيه شاهين
قالت
المبدع الشاعر / جمال الدليل

أين نحن من صلاح الدين ونور الدين وعماد الدين زنكي ؟؟

:
:

لقد سردت أحداث التاريخ بدقة متناهية من بداية الاحتلال

وما عناه الناس من بطش في ظلم الحكام الموالين للانجليز

حتى في عصر الملك فاروق كان المصريون عبيد يساقون كــ الأغنام

في سوق النخاسة وكأن الإنسان المصري خلق لــ يهان على أرضه

وعندما قام جمال عبد الناصر بالثورة مع الضباط الأحرار

قام بتأميم قناة السويس والقضاء على الاقطاع

ولكن سيناريو الفيلم مازال يسرد الأحداث لنا

عندما جاء السادات وعبر قناة السويس في انتصارات أكتوبر المجيد

ولكن يعود سيناريو الفيلم للاحتلال

ولكن هذا الاحتلال يختلف عما قبله

فكان قبل ذلك احتلالا بالسيف

ولكن اليوم نحن محتلون اقتصاديا

ونستجدي رغيف الخبز من هذا الخواجه ذي الكاب المرسوم عليه نجمة داوود


وكأننا ندور حول حلقة مفرغة

واحد يأمم

وواحد يبيع

وهكذا دواليك

عزيزي

هو تاريخ أمه وكل عصر وصمة في جبين معاصروه

إن كان خيرا فنعم الرجال همو

وإن كان شرا فبئست الأمة العربية


لقد أرهقت نفسك بحصد التاريخ ربما تكون كلماتك صفعة على وجه المعنيين بالأمر
....................................................................
حضرتك فصصتي القصيده جزء جزء بتحليل شيق جدا
ما أروعك شاعره وأنسانه وناقضه
وكأنك كنتي معي وانا أكتب القصيده
أدام الله عليكي نعمة الأبداع


أخوكي الصغير
جمال الدليل
.........................................................................................

عمي الغالي مقاما وقدرا
أستاذ فوزي الشربيني
قال
ابنى العزيز الشاعر الجميل
جمال الدليل

اتولد ديك كبير
اتولد شاعر اصيل
شكرا على قصايدك الرائعة
المنشورة فى منتدى
رئيس
الديوك اليارعة
نفسى ابقى زيك ياولد
...................................................
ياعم فوزي
أحنا عيالك وتلاميذك ماتقولش كده
أحنا أتعلمنا منك كتير ولسه بنتعلم منك
فأنت قدوه لنا
فكم أتمنى أن أكون مثلك
أبنك الصغير
الديك الصغير جدا
جمال الدليل

جمال الدليل
كتب
ملامح نشوة السكران

جرس فسحه

بيغسل حزني ومواجعي؛

بكاسين ويسكي

ف خمارة الخواجه أياه

تسافر عيني

ف التلج اللي مالي الكاس

شاشات سينما

ضعيف قلبي

ماعدش خلاص بيستحمل

سيناريو قديم

بقى بيسأل كما المجنون

عن الأصرار

ف عقل المخرج المنتج

مصمم ليه أتوه وأنسى؟

أفيش الفيلم أدامي

تاريخ ساذج

بيتساذج

على عقول البشر تمن

ويبدأ فيلمه كالمعتاد

(عماد الدين)

وخماره

وجوز نسوان

وطلبة جامعه

قاطعه الكوبري بالثوره

بتنده يالا يا أستقلال

وأنا وبقية الفرقه

بنشرب من سطل روحنا

لحد ما يفتح الأورنوس

نبيع للأشقر البارد

كتاب الجوع

ويمشي الفيلم أحداثه

تقوم ثوره

(فاروق)

يمشي

ويجي جمال

ويملا الدنيا بالأحرار

ولسه الكاس

ف خمارة الخواجه أياه

ف نص الفيلم يتأمم

زراق وخضار

عيون كل اللي مصوا الدم

م الفقرا

جمال وقنال

ووحده غريبه م الأول

نسيت من سكري أحكيلك

عن العدوان

وعن خالي اللي مات بدري

عشان عنب اليمن مرر

نهاية الفيلم كات كافره

وخمرة يومنا م الفاسده

ف بار نفس الوطن أياه

شربنا السك من يونيه

ومات الراجل الطيب

بحسرة عمره ع الثوره

وجالنا سادات

عبر فعلا

ورجع بنتنا الفتنه

لضمة أمها الطاهره

فرحنا شويه مش ياما

رجعنا لأول المشهد

لبار نفس الخواجه أياه

بنسكر لجل ما ننسى

كوهين

وبشاعة الأورنوس

....................................
اصغر ديوك المملكة
استاذ ياواد ف الفزلكة
يعني جبت سيرة
الخمارة ونسيت
تجيب
سيرة
الغرزة
ههههههههههههههههههههه

الله عليك يا ديك ياكبير لما تغزل الاحداث المُرة بحلاوة

نغم حسك الرائع حقيقى جميل ورائع ماخطت يداك

دمت يا كبير المملكة