ما هو احنا كده ( من سلسلة مكسرات اجرا سلسة مقالية )

إذا أردت أن تعرف الحقيقة و تعرف ماذا يحدث لبلدنا تابع سلسلة مكسرات

( ما هو إحنا كده ) ( من سلسلة مكسرات )

" كل لن يصيبنا إلا ما كتب الله لنا " هذا الشعار رفعه الحجاج و المعتمرين الى الأراضي المقدسة أملين في الا يحرموا من لذة الطواف بالبيت العتيق و متعة النظر الى قبر الرسول الكريم صلى الله عليه و سلم .
فجأه تسمع الأنباء من مصادر مسئولة عن خفض رحلات الحج و العمرة و الحجة ايه في الموضوع ده ايه بقا إن في خطر على حيات الحجاج و المعتمرين في الأراضي المقدسة ده اول هام و تاني هام في خطر على الشعب منهم لما يرجعوا من حجهم و عمرتهم .
بالذمة مش عيب ......!!
مش عيب بني أدم يقول ان في خطر على بني ادم زيه لو راح زار بيت ربنا أو قبر رسوله الكريم ، مين اللى يحدد العبد و لا لرب ، في ناس بتعيش عمرها كله مستنية لحظة الزيارة دي أقوم انا احرمهم منها و اقول لو رحت هناك هتموت ولا لما ترجع هنا هتعدي ناس و تموتها خليك قاعد " ده لمن استطاع إليه سبيلا " ، طب ماهو نفسه يروح هناك و يموت حد يطول يموت في أطهر ارض .
و هلاقي واحد يطلع مرة واحدة و يرد عليا بلهجة شديدة و يقول ما هو هيرجع شايل المرض ... و فرضا انه رجع و شايل المرض ده ابتلا من الرب لعبده ، هتقولي و الناس هقولك منتا كده كده
عندك سياح بيجولك يعدو شبابك و بتحجزهم فى المستشفيات زي الكلاب لا زيارة و لا خروج ابقا
احجزه زيه .
بس ارجع و اقول ان الحكومة عندها حق بصراحة معزورة برضه خايفة على الناس ، طب حد يعرف سبب انتشار مرض الأنفلونزا ايه متقوليش بقا ده سببه كذا و كذا ... لا لا اسمه أي مشكلة في الدنيا سببها اليهود ..... واحد يقولي و ايه دخل اليهود في مرض ربنا ..... متستغربش عشان انتا مقرتش مخططهم للسيطرة على العالم و تحديدا من النيل للفرات .
اقولك ازاي؟؟ ..... اقولك!! .... ايه يحصل لو لشركات الأدوية لو ظهر مرض جديد ؟ أكيد هتلع عقار مضاد للمرض الجديد ، يعني الشركة هتشتغل ، يعني هتحقق ارباح يعني ، يعني فلوس و خير يامه و اهو خير من كل حتة من جهة فلوس و خير و من جهة نقضي على شباب شعوب او حتي بعض الأنسال ......... شكلك مش مصدقني !! طب خد الدليل فاكر رونلد رامسفيلد ...! فاكر ده بتاع ايه ...؟ طب افتكر معايا لما اكتشفوا ان كان مساهم في شركة ادوية بنسبة 75% ...، خد الكبيرة بقا تعرف انه هو السبب في دخول انفلونزا الطيور امريكا و بسبب كده ورد تلت ارباع انتاج الشركة اللى هو مساهم فيها من العقار المضاد للآنفلونزا الطيور بمبالغ خيالية للجيش الأمريكي و شوف بقا هو كان وزير الدفاع و طالما هو صاحب الشركة يبقي يعرف مصدر المرض ايه .
طب سيبك من ده و امش معايا وحده واحدة يحص ايه لو الناس بطلت تزور بعض زي الأعلان ما بيقول و يتمنعوا من الحج و العمرة يبقى الناس هتبعد عن ربنا و ده رقم واحد .
افتكر معايا كده دروس التاريخ في الثانوية العامة اللي كانت بتقول ان الاحتلال ديما كان يبحاول السيطرة على حاكم الأرضي المقدسة " الشريف حسين " عشان في موسم الحج او العمرة ميحصلش ثورة ضد المحتل و ده يأكده لما السعودية اختلفت مع اسرائيل ايام الأعتداء على غزة خاصة و ان السعودية غير معترفة بيها لحد الأن وده رقم 2.
في حاجة تاني لما الدول العربية تأجل الدراسة لاسباب المرض و دول تخرج فتاوي من ان افتتاح الدراسة في ظل المرض حرام ايه يحصل .....؟؟! هتزيد نسبة التسرب من التعليم و بالتالي تزيد نسبة المية و يسود الجهل يعني الخراب و ميبقاش في متعلمين يعني مفيش كوادر يشرية للبلد يقي هنستعين بحد له خبرة من بره عشان اقتصادنا ميقعش يعني نقط ضعفنا هتكون مكشوفة و الناس هتجري على لقمة عيشها اكتر من دلوقتي عشان خايف من الزمن عشان الجاهل مش معاه شهاده تحميه من الزمن يعني الناس هتبعد عن التفكير في صالح البلد يعني مفيش ادارة بارادة شعبية 100% يعني فرصة للعملاء يدخلوا للمناصب الهامة يعني بداية السيطرة على العالم .
و محدش يفتكر اني بشكك في ادارة بلدنا بالعكس انا ضد كده و هتعرف ليه في مقال قريب عشان ده موضوع كبير و لكن ده مخطط ليه ارصاهات متشعبة و كبيرة و فروعها كتير عشا محدش يعرف يلمها و يكشفها و مفيش ادارة تعرف تتلايم عليها عشان تعمل حسابها حتي لو كاتت الأمريكية .
و انا بطلب من الحكومة تسيب الناس تروح تحج و تعتمر و نعيش حياة طبيعية و بطلب من الناس يركزوا في ل حاجة بتحصل و يعرفو ليه و عشان ايه و اثرها ايه .

السلام على من اتبع السلام ارجو ان اكون وفقت في توضيح هذه المشكلة