ضفيرتى

ضفيرة قلبى محتاجها ف شريط ألوان

بتتمختر مع الأصة ف هوى البستان

ومجدولة بكل ملامح العاشقين

ف دنيا النور لأحلى زمان

وأنا مشتاق أنادى كل عشاقى

ف نصى الثانى ل ضفيرتى

عملت بيت من المرمر

ب طوبة شهد متكرر

على طرفة ورق بردى

حامل ودى

ب رسايل حب

بتندى ف جمال الليل

حروفها رموز زمن فرعون

وأيامة طريق الحب

كان مفرود ف قلب الكون

ورود بساتين

غريبة اللون بتتمنظر

على العشاق ف ضى النيل

وهما ف قلب بعضيهم

ف لمسة أيد

ل فجر جديد

بيرسل عطر لجيبينهم

وجوة العطر فى كلمة

على جبينها وعلى جبينة

حروف واحدة ومتحدة

ونفس الكلمة ب تسلم على الكلمة

تلاقى الرد نظرة عين مع الأثنين

ف لحظة شوق ميفترقوا ف قلب الليل

ميرسى حبيبتى هناء الكى ولا أيدى العيب فين مشعارفة مع أنى صلحت بردو فالكتابة لكن لسة بفكر أجيب حد يكتب وأنا أملية بس يكون دمة خفيف زيك وبيفهم الشعر ومفترى ف الأبداع طيب زيك كدة بالضبط يا كدة يا بلاش

الله عليا يا بابا عادل سند واحشنى جدا بجد أيها الرائع وميسوطة أن الكلمات عجبتك وبدون مبالغة والله أنا بحس أنى معاكو ف المنتدى عايشة أسعد لحظات حياتى وكأنى فى بستان مليىء بتشكلية مختلفة من الورود والأزهار والرياحين مثلك أيها الرائع وفعلا بردو المنتدى لية فضل كبير ف التطوير حقيقى بجد وزى ماقلت قبل كدة المنتدى وصل أنة يكون منارة الأبداع الشعرى المتميز فى مصر وأتوقع له عن قريب تدعيم أعلا مى كبير لما يقوم بة من أنشطة متتعدة فى مجال الأدب وأبراز المواهب الشابة
تحياتى الممتدة ألى الأسكندرية لروعة كلماتك

حبيتى عزة الله على جمال كلماتك ودعواتك الجميلة يا وزتى منى ليكى قبلات ألى الأسكندرية ألى أن يأتى ميعاد التكريم يا حبيبتنا

الله عليك يا ورد لالالا متمكنة
أية يا ست فاطمة الكلام الحامد دة لا دحنا نروح فى بينا نقشر بصل يدوب عشان الأكل والله بجد تعليق حلو أوى ومتميز وأراهن أنك لو كتبتى هتكونى حكاية كبيرة جدا منتظرة أبداعاتك الشعرية يلا بسرعة متتأخريش الوقت من ذهب

أستاذى الرائع أبو القوافى كم أنا سعيدة بلماتك المعبرة وحسن الأستهلال وحسن الختام كم أنت رائع وراقى فى تعبيرك ومتفقة معك فى مسئلة الكسر هذة فعلا ولكنى أحترت فى التغبيير أما بالنسبة للتخصص فصدقنى هذا غير مقصود هى بتيجى كدة وطبعا نصائحك كلها فى الأعتبار أعتز بمرورك الكريم على أعمالى المتواضعة

ولدت بين يداكى وبين يداكى ساموت والان احتضر وسايكون قبرى بين عيناكى مش بعاكسك او بتغزل فيكى ولكن تحياتى لاحساس خجول ملىء بالحياء داخل قلب مثل مياه النيل قصيدة رائعة مثلك شكرا لكى

أستاذ وائل متشكرة جدا ومشعارفة أقول لحضرتك أية ده كلام كبير جدا علية وبجد متشكرة جدالوصول القصيدة أليك بهذا الشكل الرائع تحياتى لأبداع مرورك

ميرسى يا عزة لزوقك وجمال كلماتك دائما مبدعة ورائعة

الشاعرة الرقيقة رشا


ضفيرتك بألوانها الرائعة جذبتنى لأقرأها .. قصيدة بنوتة خالص
وطبعاً فيه تقدم فى إبداعك الأن عنها ولكنها تبقى برقتها ومضمونها
مختلفة ورائعة .
دمت بإبداع راقِ

وداد الهــــــــــوارى

الله عليك ياروشا

(عملت بيت من المرمر) البيت

الأستاذه رشا فؤاد/
كلام جميل مع جهد
مطلوب منك للحصول
على أدوات مازالت تنقصك
ووعي بأليات الكتابه
ويشرفني أول مرور
عليكي
مع تحياتي/
السلاموني

الاخت العزيزة رشا
قصيدة جميلة وتطور واضح ونضج
تمنياتى لك بالمزيد من التقدم
خالص التحية

شاديه الملاح
الاسماعيلية

ميرسى لكلامك الجميل أختى شادية وسعدت جدا بأنضماماك للمنتدى

ملحوظه

تثبت القصيدة بواسطتى

لروعة وجمال الحرف والمضمون