مع نفســــــــــــــــى .......!!!!

حاجة تخــــــــوَّف

قال لى : إنت صعبة قوى

قلت : ليه يا زميل ؟

- : ما بتعرفيش تصالحــــــــى حـــــــــــدَّ خاصمــــــتيه

= : أنا ما خـاصمتش طول حيـــــــاتى غير تلاته وأظن فى أكثر من خمسين

سنة من العمــــــــر ثلاثة مش كــــــــــتير . أنا صالحــــــــــت منهم

واحـــــــــــد بس لأنى ما أقدرش أخاصمه .

- : والأثنين التانيين ؟

= : أنا من طبعــــــــى صـــــــــبورة جداً وما أعرفش حدوتة ....

أخاصم ، وأصالح .... أخاصم ، وأصالـــــــــــح

علــــــشان كــــــــــــده باصــــــــــبر قوووووووووووووووى

ولمــَّا أقطــــــــــع الحبل باكون وصلت لمرحلة اللا عودة

- : دى مش مرونة ..... والحياة مش كــــــــــده .... دى الدول بتحارب

بعض ، وترجع تتصالح
= : الدول يا زميل أعنى الحكومات .. مالهاش قلوب ولا شعور ، ولا كرامـــة

تهتم بها ... ليها مصالح تلبسها ثوب التآخـــــــــــــــى .

- : التســـــــــــا مح جمـــــــــــيل !

= : نعــــــــم لذا أنا أصفى قلبى وأنسى الشـــــــــخص والإساءة وأغلق

صفحات الحكايات المؤلمة .

- : صراحتك زيادة عن اللازم ممكن تزعل منك الناس

= : أكره الملونين .. ولا أرتاح فى التعامل مع أصحاب الخطوط الملتوية

- : كده تخسرى الناس

= : أردد دائماً بينى ، وبين ربى

( ليت الذى بينى وبينك عامر = وبينى وبين العالمين .. خـــــــراب )

وداد الهــــــــــــــــــوارى

الأخ الشاعر / عصام سالمان

أشكرك كثيراً للمتابعة وتعقيبك الراقى

ولكنى فى إضطرار لأخبرك أن الإدارة منعت التعقيب

على موضوعات الركن الهادىْ فأرجو ألا تنزعج إذا قام أحد مخبرى

الإدارة من المشرفين بحذف تعقيبك الرائع .

دمت أخى مبدعاً رائعاً

وداد الهــــــــــــــوارى

النقل العام

زمان وفى مدينتى الحبيبة الأسكندرية :

كان عيب البنات يقعدوا ع البحر لوحدهم .. أو يتمشوا على الكورنيش لوحدهم

فكنت لما أزهق أو أكون حزينة أو عندى حالة مش فهماها وأظنها محاورة قصيدة

أستقل الأتوبيس رقم 20 الذى عُدل الأن لرقم 220 الذى كان مساره الدائم طريق

الكورنيش أذهب به إلى المنشية من سيدى بشر حيث بيتنا .... ثم أعود به

إلى المنتزة آخره ثم إلى المنشية مستمتعة بالبحر من شباك الأتوبيس

ثم أعود إلى بيتنا .. وقد أقنعت نفسى أننى قمت بنزهة .. ماحصلتش !!!!!!

فينك يا بحر يا صديقى ؟!

عدت بالأمس لأكرر ما حدث زمان أحسست أننى أحتاج لهذه اللعبة .. قمت بها

للأسف أخذت أتوبيس من إمبابة للدراسة حتى مش فاكرة رقمه لأنى ركبت أى

أتوبيس أمامى ... دوخة ، وزحمة ، وصراخ ، وعيال مخنوقة ، وبياعين بالعافية

الأتوبيس كل اللى يشاور له يستناه .!!!!!!!!!

المهم وصلنا العتبة ، دخل الموسكى ، وهناك وقف كتييييييييييير فى الإشارة

لفتت نظرى إمرأة فى السبعين من عمرها تقريباً ترتدى ملابس سوداء تبكى

حفرت فى وجهها كل تجاعيد المرار أمامها رجل يعنفها فى الأربعين من العمر

تصرخ فى وهن يابنى حرام عليك .. يمسح رأسه الأقرع ماراً بوجهه بيد واحدة

والأخرى تمسك بيد الأم بقسوة تمنيت لو تحرك الأتوبيس قليلاً

لأطال رأسه اللامع تحت الشمس فأشبعه لكمات وكأن الله أستجاب دعائى

أخرجت يدى الخاوية من الشباك وكأننى أقذف بها لترتطم بجبهة ذاك القاسى

أو فوق عينه لم أتبين ولكننى سمعته يصرخ صرخة أعلى من صرخة الأم

الواهنة ........... فضحكت ونظرت إلَّى من كانت بجوارى وضحكت ........

أعلم أنه كان يسب ولكننى أحسست بالراحة .

وصلنا الدراسة .. نزلت ...... أشرت لأول تاكسى ........ عدت لمنزلى

أبكى أيام زمان .

وداد الهـــــــــــــــــــوارى

[b]مش صح ......

اللى حصل وراه ( حاجة فى نفس يعقوب ) جواهم وفى قلوبهم وضمائرهم

الله يعلمها سبحانه .

ولكنك كنت حاسس يا قلبى بكده .. واتضح مافى نفوسهــــــــــم علناً وفعلاً

طب ليه روحت وقولت خلاص سماح

إنت عارف إن اللى إتكسر عمره ما يتصلَّح .. وخصوصاً إنك بقيت تفهم

وتشوف لون العيون .. يعنى مش غشيم زى الأول !

عارف يا قلبى كنا الأول أسعد .. كانت الناس لما بتأذيك لأنك مش فاهمهم

كنت بتدَّور على مبررات لهم .. دلوقت فيه جواك صوت عقل بيقوللى شوفى:

قاصده إيه ؟ وبتفهمنى وتكلمنى وتتحاور معايا .. كنت الأول بتندفع وحدك علشان

كده كانوا بيغشوك بسهولة .. بس إنت بتكون سعيد بقربك منهم .. دلوقت فهمت ؟

كله تمثيل .. طنطنة .. كلام مزوق .. من بره قلبهم .. إنت شايف لونهم جوه

طعم كلامهم .. مش بالع النظرة الخبيثة دى .. علشان بقيت تفهم أكتر وتحس

بعقل ، قربوا علشان .... تبعد ... إبعد بس المهم .. هُم بقى يبعدوا ......

وبعدين ...... إنت مش مرتاح .. علشان فهمت

وهم فاهمين إنك فهمت .. وأنت بتحب ياأبيض .... يا أسود

وهم مستحيل يبقوا كده

إبعد أحسن مادام عرفت !!

وداد الهــــــــــــوارى

[/b]

أول يوم رمضان

دايماً كنت أستنى هلاله وأسمع الرؤية وصراخ الأطفال بالفرحة

والإعلان بكرة صيام ......

بتألم من ضرسى فين المسكَّن والمضاد الحيوى مش رايحة دكتور بخاف جداً

من دكتور الأسنان ... حتى وهو معاه إبرة البنج والكلابة يخوف كفاية إسمها

( كلابة ) باحس قلبى ح يوقف وهوجاى علىَّ كأنه رايح حرب .

نمت ما سمعتش إعلان الرؤية .. صحيت على تليفون بسمة بنت أخويا

- إيه ياعمتو حـدَّ ينام ف ليلة حلوة زى دى ؟ عمو فين ؟

= راح مشوار شغل

- ح يفطر بكرة معاكى ؟

= لأ لوحدى

- معلش يا عمتو

= الحمد لله بس أعرف أفطر .. ضرسى واجعنى يا بسمة

- أحسن يا عمتو كام مرة نقولوا لك روحى الدكتور ؟

= إمشى من وشى دلوقت يا بسمة

- هههههههههه كل سنة وإنت طيبة يا عمتو إحنا كلنا ح نفطر مع بعض

عند عمتو سعاد يا ريتك كنتى معانا .. وحشتينا قوووووى يا عمتو .

سلالالالالالالالالام

- إيه الحكاية .. مش قولت عندك شغل وح تفطر برَّه ؟

= حتى لو أول يوم ف رمضان نفطر مع بعض .. نبقى متغربين عن أهلنا

وكمان كل واحد فينا يفطر لوحده ف أول يوم رمضان ؟

- فين السلطة أعملها ؟

= لأ والنبى بلاش ...... الخضرة غالية .... ما جبتش

- طيب أساعدك ف إيه ؟

= ما بحبكش فى المطبخ ........ بتلخمنى ......

- طيب .. أنا ف الجامع وحضرى إنت الفطار بقى !

أمال بتشتكــــــــوا ليه ؟!

وداد الهــــــــــــــــوارى

اللهـــــــــم صلى على سيدنا محمد الصادق الأمين

وعلى آله وصحبه وسلم

أجمل مافى المؤمن وأهم ما يميزه أن يتآسى بالصادق الأمين ( صلى الله عليه وسلم )

كيف نؤمن ونتعامل ونبدع ونحن نكذب .... مش معقول

وفين الأمان مع الكذب والإصرار عليه ثم تصديقه بمرور الوقت من الكاذب نفسه!

الله يرحمك يا جدتى كانت تقول : أوعِ من الكدب .. اللى يكدب يقدَّر يآذى

واللى يآذى يكفينا شره .

وعلمتنى أمى أن من يتآسى بالصادق الأمين مع (الصادق الأمين صلى الله عليه وسلم )

يوم القيامة .

وكانت دائماً ما تقول : الكداب نسّاى ...... عمره ما يقول كلام متساوى

رحم الله الجميع

وداد الهـــــــــــــــــوارى

يعنى ح اســــتنى لحد إمتى مقاطعة الطماطم ؟؟؟؟؟؟؟؟؟؟؟؟

آكل المسلوق والشوربة والمحمر والسوتيه .....

زهقنا ف عيشيتنا . شايفه عيونه وهو بيقول لى : تسلم إيديكى ياحبيبتى

بتقول : يعنى كيلو طماطم كتير علينا

- أيوه كتير ..... هو مصروف البيت فيه كام 10 جنيه طماطم ؟

بيجذ على سنانه .... ويقول : مش حاسة إنك خسيتى شوية .....

خدى بالك من صحتك يا حبيبتى ..

- يعنى الطماطم اللى ح تحافظ لى على صحتى ؟

( معلــــــــــش أنا نسيت أقولك .. إبقى هات لنا تلاتة كيلو طماطم بكرة معاك )

وح نبقى نشوف مين فينا اللى ح ينسى يشترى يا زوجى الحبيب !!!!!!!

وساعتها برضه ح أعرف مين أغلى وأهم ..صحتى .. ولا المصروف ع الطماطم ؟!

وداد الهـــــــــــــــــوارى

قال : وطموحك

قولت : الرضا والسعادة

- : لكن مش باشوفك سعيدة .. دايماً فيه دمعة حايرة جوه عيونك !

= : ده معناه إنى لم أبلغ ما أطمح إليه ...... الرضا

- : باسمع ناس بتقول .... : الطموح مالهوش نهاية

= : ما هو أبن آدم كده ...... طماع ..... وبيدارى الكلمة دى فى الطموح

- : وإنت ؟!

= : عايزة أحس إنى راضية عن كل شىء وبكل شىء مقدور لكن ساعات الإنسان

بيضعف من الحزن ويفتكر أحبابه ...... غصب عنه وده عدم رضا

أنا دلوقت بابحث عن الرضا التام بالقضا والإستسلام له وده غاية

سعادتى اللى بافتش عليها ياترى ح ألاقيها ؟!

- : مش بالسهل كده تلاقيها

= : عارفة لكن بحاول يازوجى العزيز ..

- : ساعتها ح أكون أنا اللى سعيد وأكترَّ منك سعادة

= : عارفة طبعاً بس مِش لنفس أسبابى !!

وداد الهـــــــــــــــــــوارى

معلش أنا عارفة أنك هنا مع نفسك
بس حضرتك نفسك حلوة أوى فحبت أشكرها وح اخرج بهدوء
تحيتى وتقديرى واحترامى

استاذتي الجميلة .. كنت هنا من البداية ..
أستمتع بحديثك مع نفسك الجميل الممتع وكوب القهوة الذي تعديه لنفسك بصراحة نفسي اشرب قهوه جدا بس مابعرفش .. وكنت بعد ما أستمتع بالاقامه هنا احب اكتبلك ولكن أتراجع بما انه ركن هادي ومافيش تعليقات يبقى المفروض ماكتبش لكن شجعتني عاشقة الشعر الجميلة ..
بجد انتِ انسانه جميلة اوي بكل المقاييس .. واعتقد أن كل من ينعم بقربك أكيد انه ذو حظ سعيد
لديك هدوء نفسي وراحة لكل من يقترب من همسك .. وكأنه جالس معكِ ويشاركك يومك وبوحك الجميل ..
أعترف انه فاتني الكثير قبل أن أمر بصفحاتك المميزة

شكلي رغيت كتييييييييير
حاضر حاضر
هاخرج قبل مانطرد

يسلم قلبك

كوني بألف خير وصحه وسعادة

عاشقة الشعر كتب:

[b]
معلش أنا عارفة أنك هنا مع نفسك
بس حضرتك نفسك حلوة أوى فحبت أشكرها وح اخرج بهدوء
تحيتى وتقديرى واحترامى

عاشقة الشعر الرقيقة جداً

أهلاً بكِ .. كنت لوحدى .. بافكر .. ياترى حقيقى الإنسان

بيسعد وهو لوحده ؟ أحيانا .. ياترى البعد عن الناس غنيمة زى ما قالوا زمان؟

لاقيت إن فعلاً الإنسان محتاج يبعد شوية .. بس عن الناس اللى آذوه

وعلشان يعرفهم بصحيح وحقيقى لازم يشوفهم من بعيد هم مين وهل هم

بيعملوا كده معاه بس .. ولا دى طباع فيهم يبقى البعد عنهم أحسن ؟

ولقيت إن فيه ناس بتستميت فى القرب من حدَّ معين علشان يبقى

تحت نظرهم وف أى وقت يطوله آذاهم .. بس برضه ماعرفتش ليه !

ربنا يبعدهم عنا وعنكم .. قولى آمين

شكراً لمرورك الذى آنسنى بضيائه

وداد الهـــــــــــــــوارى
[/b]

اسماء عبدالعزيز كتب:

[b]استاذتي الجميلة .. كنت هنا من البداية ..
أستمتع بحديثك مع نفسك الجميل الممتع وكوب القهوة الذي تعديه لنفسك بصراحة نفسي اشرب قهوه جدا بس مابعرفش .. وكنت بعد ما أستمتع بالاقامه هنا احب اكتبلك ولكن أتراجع بما انه ركن هادي ومافيش تعليقات يبقى المفروض ماكتبش لكن شجعتني عاشقة الشعر الجميلة ..
بجد انتِ انسانه جميلة اوي بكل المقاييس .. واعتقد أن كل من ينعم بقربك أكيد انه ذو حظ سعيد
لديك هدوء نفسي وراحة لكل من يقترب من همسك .. وكأنه جالس معكِ ويشاركك يومك وبوحك الجميل ..
أعترف انه فاتني الكثير قبل أن أمر بصفحاتك المميزة

شكلي رغيت كتييييييييير
حاضر حاضر
هاخرج قبل مانطرد

يسلم قلبك

كوني بألف خير وصحه وسعادة

أسماء عبد العزيز الأديبة الراقية

الصلح مع النفس نعمة كبيرة كلنا يسعى إليها وأتمناها لنفسى ولأحبابى وأنتِ منهم

وفى أيامنا هذه نتخاصم معها كثيراً ونعود فنرضى .. برضٍٍ من الله وحده

عارفة يا أسماء أجمل الحالات من السعادة أن يرضى الإنسان بنصيبه وقدره وهو يعرف

كل ما ينقصه من نعم كان يتمناها .

ويُقر لنفسه أنه يملك الأحسن والأفضل من تلك النعم هنا فقط يشعر بسعادة الرضا

ويشعر أنه يمتلك الكثير والفائض عن حاجته ويزهد فيما كان يتمنى فتصبح عنده

الأشياء سواء .. فلا ينظر لما حبا به الله غيره وربما غيره هو من يتطلع لما فى يده

ولو كان قليلا من الماء .

أحبك ف الله وأتمنى لك كل السعادة والرضا

دمت بإبداع

نفسى فى فنجان قهوة .. أما أقوم أعمله

وداد الهــــوارى [/b]

نظــــــــرى ، وعـــــــملى

والفرق بينهمـــــــــا

- : آلــــو إنتِ فين يا حبيبتى

= : فى البيت يا حاج

- : طيب ... جمــــــــيل أنا فى الطريق وجاى ع البيت

نتغـدى ســوا

= : إن شـــــــــــاء الله

ســــــــــاعة ... إتنين .. ............ تلاتة

= : آلــــــــــو .. إنت فــــــــين يا حــــاج ؟ إنت نســـــــيت تيجى البيت ؟

- : أبدأً أنا جاى بس ظهر لى مشــــــــوار أخرنى .. معلش حبيبتى

إتغـدى إنتِ .. ولو إنى جاى على طول ..............

= : لأ أنا نازلة عندى شـُــــــــغل آخرته علشان أطبخ ونتغـــــــدى سـوا !

- : آلـــــــــو .. أنتِ فين يا حبيبتى ؟

= : أنا فى التاكـــــــــسى نازلة المشوار اللى قولت لك عليه

- : ياااااااااااااه .. أنا فى البيت وجيت جرى علشانك !!!!!!!!!!!!!!

= : يعنى أرجع البيت تانى ؟ خلالالالالالالاص أنا جاية

***********

إيه اللى خلانى أرجع من تانى أحضرله الغدا ؟ طيب ما انا مشـــوارى مهم

برضه .. ليه مش بارضى أخليه يتغدى لوحـده أو يكون فى البيت وأنا برَّه

وهو عـادى ما تفرقش معاه وبرضه بيقول يا حبيبتى .. آهو ده اللى يغيظ بصحيح

ياســــلام على الستات .. الهتافات بالحرية والمساواة .. وأول تليفون من .. هو

أو من عيل من عيالها يقول ياماما أنا حاسس بشوية تعب أو ألحقينى ياماما

حرارتى مرتفعة شرطتين ...... تسيب الشغل والجمعية النسائية وإجتماع مجلس

الإدارة ، تترك أجمل قصيدة لها دون إلقاء!!!

وتجرى ع البيت !

إحتلال أى بلد ممكن بالكفاح القضاء عليه بس إحتلال المرأة عاطفياً لا يمكن

الخلاص منه .

عاشت الحرية وليسقط الإحتلال

كلام ... كلام .... كلام وفعل ما فيش

وداد الهــــــــــــــوارى

[b]

[b]
[b]
عــــــزيزة الحـــــــــكايــة

لــمَّا كـــنا صـــــــغيرين

كنا بين سن الطفولة والشــباب والمكان كان مسرح جمعية الشبان المسلمين - الشاطبى

إسكندرية - الهــــواية اللى جمعتنا بنات وأولاد حتى المخرج الشاب التمثيل كنتى أصغر

البنات وأرقهم يا عزيزة وأجملهم وكنت أنا أجمع بين موهبة التمثيل وكتابة الشعر للفريق

وكنا أنا وأنت نقوم بتحضير ملابس الفريق التى كانت فى معظم الأحيان على حسابنا الخاص

كنا فريق أخوى وعائلى كانوا أهالينا بيحضروا معانا البروفات ويشجعونا بحضورهم أيام

العروض - عرفنا فيه الصداقة البريئة وتعلمنا الإلقاء واللغة السليمة و روح الفريق

وإزاى يخافوا علينا الولاد كأخوات وإحنا نحترمهم ونحترم الفريق وكباره .

أخوة فقط ولكنك أحببت عبد المنعم الكشير دون أن تدرى وأعلن هو ذلك وتذوجتما يا أم كريم

الوحيدة التى أحبت وتزوجت من الفريق كنت أنت وكنا سعداء كأننا نزوج أخت لنا
ِ
وكانوا الأولاد سعداء كأنهم يزوجون أخوهم والخطبة أعلنت على خشبة المسرح حبيبنا

كيف ننسى هذه الأيام .؟

كل واحد فينا شق طريقه إتفرقنا ولم نفترق ولم نلتق مرة أخرى بمثل صداقاتنا

كنت أما أكلمك فى التليفون أرجع بنت صغيرة ، كنتى لما تسألى على نبكى

بعدتنا السنين لكن فضلنا كلنا داخل أرواح وقلوب بعض .

بس إنتِ بعدت خالص فى العيد ده ياعزيزة مش ح تسألى عنى تانى مش ح أعرف

أشوفك مش ح نضحك ولا نبكى سوا .

مع السلامة ياعزيزة

لما كنا صغيرين
كان لينا مكان صـغير
دايماً تقابلنى فيه
لما كنا صــغيرين
كان لينا حــلم أخضر
ف قـلوبنا عـشنا بيــــه

فاكــرة ياحبيبى فاكـرة
فاكرة زهـــر البنفسـج
فاكـرة ضــل الشـــــجر
فاكرة لمســــــة إيـــديك
وحــنان نظــــرة عينيك
فاكــرة ومِـش ناسـية أبداً

أيــــــــام ما كنا نســـهـر
نتونس بالقــــــــــــمر
يضـــحك لـــينا القــــمر
ونغــــــنى مع القــــــمر

وإتغـير الزمــــــــان
وإتبــــــدل المـــكان
لكن يا مصـــــــــر إنتى
يا حبيبتى زى ماأنتــــــــى
جمـــــــيلة زى ما انتى
وأصــــــيلة زى ما انتى

وإن خــــــدعتنى الأمــانى
أو ضــاع حــبى ف ثوانى
أرجـع لك إنت تانـــــــــــى
يا صـــاحبة المكــــــــــان
يا أقـــــــــوى م الزمـــــان

الضحــــكة الحـــــلوة إنت
والحـــــب الباقـــــــى إنت

وكل شــــــــــــىء يتغـــــــــيَّر ، وإحــــــــنا بنكبر ، ونكـــــــبر

ونفـــــــــــارق بعضــــــــــــنا

وتبقـــــــــى يا مصـــــــــــر دايماً ، طفـــــــل ح يفضـــــــل صغيرَّ

بنحـــــــــــــبه كلــــــــنا

مع السلامة يا صديقتى العزيزة .. عزيزة

وداد الهــــــــــــــــــوارى

[/b][/b]

مـــــــــــاذا .. لـو ؟!!!!!!!!

أمام التليفزيون قعدت مع فنجانى المحبب للقهــــــوة ودُرت على
معظم القنوات الصادقة منها والكاذبة التى تبث الأخبار عن
الثورات والإحتجاجات فى البلدان العربية وخاصة مصر
وتعجبت
حتى رحيل مبارك لم يُخمد الإحتجاجات .. الشعب فاق طفح به الكيل
قرر ألا عودة إلا بجميع حقوقه ، أصبح يعى ما حوله بعد أن عاش
مامضى فى جب الا مبالاة بالمصير ( عيشة وخلاص)

من قبل مصركانت تونس ثم الفوران الشعــبى
فى كل البلدان العربية مصر وتونس والجزاير والمغرب وليبيا واليمن والأردن والبحرين والسعودية
رغم تدارك الأمور فى البعض منها

عجيب جداً أمر الشعــــــوب العربية .. وخاصة الشعــــب المصرى
إرادته من حديد .. يولعها نار على الظالمين فى لحظة
بقوة الله وغضب الشعب .

ماذا لو ؟
أن كل الشعــــــوب العربية دى إتجمعت ضد إسرائيل ؟
فيها إيه لو أصبحوا أيد واحدة ؟ دى الثورات جوه أراضينا وأنا حاسه إسرائيل بتترعش ؟

ماذا لو ؟ طهرنا بلادنا من حكام عملاء لها ولمصالحهم ثم أنقضضنا
عليها وعلى اللى يساعدها وطهرنا القدس والأقصى ؟

الشعوب فى ثورتها زى المارد مافيش أى شىء قادر يقف قصادها
زى الطوفان بيجرف كل ما أمامه من طغيان زى الريح كاشف خبايا جرائم المنحرفين عن العدل .

الشعوب دى فين تتلم وتبقى جيش واحد حتى لومش مُنظَّم يبيدوا إسرائيل
ويهدموا ما صنع آل صهيون من مستوطنات ويحرروا الأسرى
من نساء وأطفال وشيوخ ورجال أذاقتهم الويل والذل والمهانة ، وكيف
نرضى بها آما آن الأوان لنتحرر ونعيد كرامتنا ؟ ونثأر للأعراض
التى أنتهكت والشهداء من الوطن العربى !

اللهم لَّم شعثنا وشملنا لنحرر أوطاننا
اللهم أتمم ثورة الشباب والشعب بخير وقنا شر المفسدين ف الأرض

وداد الهـــــــــــــــــوارى

[center]

فهــــــُموهـــــــا غـــــــــــلط !!

يعنى إيه حـــــــــرية ، ديموقراطية

علمونا زمان أهالينا - حريتك تنتهى عند حدود حرية الأخرين

هذه الكلمات لاتزال فى أذنى وآخذ بها . فى معاملاتى مع الناس

بس اللى الواحد شايفه اليومين دول مش كده خااااااااااااااااااااااالص

بقى كل واحــــــــــــد حُــــــــــر فى الإســـــــــاءة لغيره وبتبجح

وســــــــــوء أدب ويقولك حُــــــرية - أنا حُــــــــــــــر - خلاص مافيش

ســــــــكوت !!!!!!!!!!

يا عالم هى الحرية ولا الديموقراطية يعنى تقل أدبك على غيرك

وكمان بدون وجه حق ؟!

الديموقراطية الليبرالية - أو الدستورية : بمعناها السياسى

هو تداول السلطة سلمياً وحماية حقوق الأفراد .. والأقليات - صح ؟

طيب .. ببساطة و بالمعنى الأشمل : = مجتمع حُـــــــر

يتعايش بأخلاقيات إجتماعية مميزة تتجلى فيها ثقافة سياسية

وقانونية وأجتماعية أساسها الديموقراطية الحُرة .

يعنى ثقافة ورقى وحرية فى حدود . وليست منفلتة .!!!!!!!!!!!!!

هو لازم نرجع لقانون العيب علشان الناس اللى مش عارفين حدودهم

يفهموا ؟

هو لازم تتعامل بنفس أسلوب سىء الأدب علشان ما يتخطاش حدوده ؟

هو لازم كل واحد يمسك عصاية أياً كان نوعها يردَّ بيها على اللى بينسى

نفسه ؟ واللى بتظهر أخلاقه اللى إتربىَّ عليها بوضوح .

فين أخلاق المصرى ؟ فين الأصل اللى كنا نتباهى به لكل ذى ُخلق ونقول

عليه متربى وإبن ناس ؟ و نردَّ من يتجرأ بلفظ أو تصرف بأنه قليل

الأدب .. مش يقول أنا حُــــــــــــــــررررررررررررررررر

الحرية مش كده ...

عمرها ما كانت كــــــــــــدددددده

وداد الهــــــــــــــــوارى

[

/center]

وآخـــــــــــرتها ؟؟؟؟؟؟؟؟؟ !

دماغى حرام عليكم مش قادرة آخد نفسى .. جربَّت الشمر والينسون

والنعناع والشاى الأخضر . مافيش فايدة ... وترتونى .. إيه الدوشة اللى إنتوا

عاملينها دى .. العراك اللى بدأينه من صباحة ربنا مش ح يخلص ؟

العقل = مش فاهم حاجة وواقف عند إحساسه وعواطفه صدعنى بدقاته

وإنفعالاته وصراخه وبكا ه .

القلب = بارد قوى وكل همه الفلوس اللى إتهربت والإقتصاد اللى واقع

والناس اللى لازم تشتغل والمصانع والإستثمارات والبورصة

والأراضى المنهوبة والسياحة اللى إتضربت والمستثمرين اللى هربوا

ومدخرات البلد ومخزونها اللى بينتهى يوم بعد يوم وقيمة الجنيه عالمياً

العقل = أمال عايزنى أفكر ف إيه يا غبى ؟

القلب = الناس فكر ف الناس اللى ضاعت وإتعذبت وإستشهدت ولادها

واللى لسة بيتعذبوا ولا واخدين حق ولا عارفين أصلاً هو إيه اللى

بيحصل ولا مين مع مين .

فكر فى اللى إتخصخصوا وقاعدين زى الولايا فى البيوت يبكوا

فى العيال اللى خايفين يروحوا المدارس .. فى الأُسر الكاملة اللى مش

لاقيين والأسعار المجنونة جوعتهم . فى الفساد اللى لسة موجود بس

إتغيرت شخصياته وحل محلها أسماء وشخصيات لها نفس السلوكيات

العقل = أقولك إيه ما أنت لو بتفكَّر كنت عرفت وفهمت أن لو الإقتصاد وقع تبقى

البلد وقعت .. تبقى الثورة ضيعت البلد مش غيرتها للأحسن .

لو بتفهم لازم تعرف إن الثورة عملت اللى عليها شاورت ع الفساد

بأيد الشباب والشعب .. وعلشان يبدأ التغيير الكلى مش حيبقى ف يوم

وليلة ولا ف كل الأماكن مرة واحدة .

لازم يكون كل واحد جواه ثورة تغيير من موقعه ويحاسب نفسه الأول

لو بنحب البلد دى .. مافيش مجموعة تغير ومجموعة تانية تستنى

التغيير وهى قاعدة ف بيتها

القلب = وحق الناس ؟

الغقل = الناس .. سكتت تلاتين سنة وقبل منها سنين فكرك حقها ح يجى ف

يوم ولا شهر ولا سنة ؟ الناس مسئولة عن ضياع حقها برضه

يبقى لازم تعيد من جديد الإحساس والعمل للحقاظ على حقوقها

والمطالبة به . . تتربىَّ من جديد جواهم الشجاعة والنخوة والمسئولية

يبقوا إيد واحدة مش لمَّا يشفوا واحد ضايع حقه يقولوا وأنا مالى !

ينسوا الطريقة اللى كانوا ماشين عليها زمان فى تسيير المصالح

( مصائب قوم عند قوم فوائد ) ومبدأ ميكافيللى ( الغاية تبرر الوسيلة )

يا عالم يا هووووووووووووووه

كفاية مش تبقوا إنتوا والجرائد الصادقة والكاذبة علىَّ أقفلوا دلوقت

وتعالوا نشرب قهوة صلح ونشوف أى حاجة ف التليفزيون .

القلب = بيقولوا الساعة ...... فى قناة ...... تكريم أمهات الشهدا فى .....

العقل = عايز أشوف أخبار حكومة سجن طُرة وبيخططوا لأيه تانى ؟

- ييييييييييييييييييييه

كان لازم أفهم ، أستوعب

أكتم غليانى أعشَّق ثورتى

بعقلى وكيانى

وأغزله

قبل الثورة كتبت فيها وحين قامت الثورة توقفت لأعيشها على أرض الواقع

وأتبينها .. فالصحفى يكتب كمقرر ولكن المبدع يفكر ويشعر ويكتب بعد أن

يتفاعل مع الأحداث ربما بعد أن يمَّر زمنها ولكنها تبقى داخله لتنصهر.

.....
حاجات كتير وانفعالات أكتر حاولت ان تتكون على شكل جنين للقصيدة

ولم أساعدها إلا فيما ندر فقد كانت أقوى من مقاومتى لها فخرجت للحياة

حتى أسمها هى أختارته ( الهدَّار ) ( ما صرختش ليه ) .

الشاعر ده كائن حقيقى غريب .

الأغرب أنى كنت عارفة وشايفة الفساد اللى حاصل والظلم الواقع
والتفاوت الطبقى فى مصر زى ما كتير من الناس عارفة وشايفة
لكن مش بالشكل اللى كشفته الثورة ده .. مش بالكم ده ولا بالفظاعة
دى والإستهانة حتى بالخوف من ربنا فى معاملة الشعب الغلبان ده!

المصيبة إن إحنا لسه فيها بيدافعوا عن فسادهم لأخر رمق ف الحياة
مش راضيين يبصوا فى إيديهم اللى بتنقط دم الشهداء.

والكارثة أنهم عارفين أن الشباب أكتفى بالميدان وكمان غير مؤهل
سياسياً للتصدر والمشاركة فى الحكم والشرعية .. يعنى مافيش غيرهم

المصيبة الأكبر برضه ما نراه على الساحة الثقافية :
إحنا بين نارين .. المبدع الحقيقى أعتبره الشباب من الفلول لأنه عاش
نفس فترةحكم المخلوع على الكراسى أيضا .. وعملوا شلة لا تتزحزح ولا
تربي شباب مثقف أو تعطى الفرصة لمن يُظهر نبوغه وإبداعه .

والنار الثانية : شباب مبدع جميل مستعجل يريد صعود السلم دفعة واحدة
منهم الموهوب الحقيقى الدارس .... ومنهم المستشعر
بس بفلوسى يا ........ وبمعارفى يا ..........
وللأسف يجد من يهنئه ويشجعه ويحييه!!!!!!!!!!
والأمثلة كثيرة وقريبة .
ومنهم من وجد أن أسهل
الطرق للشهرة والجدال حوله :
أن لا يتأدب مع الله ، أن يستهين بالقيم ، أن يلقى على الأسماع كل
ما هو إباحى ممجوج .
ثم يسمون ذلك بالحداثة .

نروح فين ؟؟؟؟؟؟
وإمتى ح نبقى صح
ونخلص من الذين يعرفون ( من أين تؤكل الكتف)

وداد الهـــــــــوارى

[c
olor=blue][/col[center][/center ]or] [b]

وحشتونى جدا يا أعز صحبة شعر وفن وأجمل أزاهير الحياة

وداد الهوارى Very Happy

هلت الأنوار
يا مليون مراحب
سعيدة بوجودك استاذتنا وداد الهوارى
نورتى[/b]