عشرين سنة

سكتت حروف كل الكلام


ساعة ماسمعت كلمتك

بتقول حاجات م اللى حصل

واللى هيحصل عندنا

عشرين سنة متنتورين

جوة السكات ف همنا

سا كتين هناك ويا الزمان

ساكنين هنا ف الهمهمة

فعشرين سنة

وسط اللى جى واللى فات

فقمقم الأحلام أنا

متبغددة كل الخطوط تكتب سطور

أو ترسم خطوة ف الطريق مليانة نور

عشرين سنة بحلم أنا

كيننونتى أية

وسط الهموم ويا الشقى

لحظة سكون

بفرد ورق كل الورود

يمكن هتجدد عهود

جوة ميثاق قلبى الأمل مشتقالها

عشرين سنة ف عشرين سنة فعشرين سنة

تتغير الموضة هنا

تتشكلل ألوان عندنا

يبنوا المصانع والبيوت

ويقوم زلزال العولمة

وأحنا بنشكى الظلم من مليون سنة

وتزيد مواجع عندنا

وحلول أيدنا مكلبشة


جوة السكات

مكتومة ف كتر الأهات

والكل ساكت للمات

عشرين سنة فعشرين سنة فعشرين سنة

عشرين سنة متنتورين

جوة السكات ف همنا
الله يا رشا
...........................
هى كده قيمة سنين المقهورين
اللى مفيش ملك الايدين غير الانين
أما بقى المتبغددين السهتانين
عشرين سنه بتفوت ولا لمح البصر
فرق السنين أصلا فى احساس البشر
لكن اكيد
وحياة عيونك يا قمر
راح ييجى يوم ترجع سنيننا لضحكها
ولفرحها
وساعتها مش هنعدها
هنعيشها بالثانيه فرح
ناخد بتار اللى انظلم
واللى انجرح
وساعتها مش هيهمنا
ان الزمن خد مننا
عشرين سنه !

الله عليك يا أستاذ عبد الصبور وعلى تعليقك الراقى وكلماتك الجميلة قرأت كلماتى فأبدعت أبداعا من نوع خاص أدامك الله لنا مبدعا متميزا

شكرا ليك أستاذ عاطف على مرورك الجميل ومنتظرة أعرف رأيك فالعودة الثانية

أستاذ عادل سعيدة جدا بكلماتك النبيلة وشعررك الراقى بمستواى ومدام هى عاجبة حضرتك خلاص يبئى أإوكي حقيقى مفيش كلمات أقدر أعبر بيها على التواصل الجميل فى هذا المنتدى حظنا حلو أن فية أساتذة كبار زيكو واخدين بالهم مننا وبينصحونا ربنا يكرمك

الاخت الشاعرة / رشا فؤاد
ما شاء الله لقد تخطيت بعض ما تحدثنا به سابقا
فقد جئت بنص له رؤية خاصة وطريقة سرد جميلة بها شكل من أشكال السخرية مع موسيقى مناسبة للحالة
ولكن ...
ولابد من ولكن حتى نستفيد جميعا من حواراتنا وأخطائنا
البناء جاء ضعيفا وليس بقوة الحالة المطروحة
وضعيفا بمعنى أنه فى معظم الفقرات كانت تخرجنى من الحالة
ثم إن هناك المفردات
مش معقول أقول (متنتورين ـ الهمهمة ـ متبغدده ) وبعدين أقول كينونتى
اعتقد انها فجة فى النص
ثم .....هناك جملة (عشرين سنة ) المتكررة فى المرة الاولى ليس لها داعى لانها طفت الثانية التى لها داعى
ثم .جملة (يبنوا المصانع والبيوت )تقريرية قوى ولم تضف للنص
لكن قافلة النص هايلة جدا
أعزرينى لابد ان اكون امين معاك لانى شايف انك بتتحسنى بالكلام
ولو لم يكن ماكنتش وجعت دماغك على الفاضى
تقبلى رؤيتى التى ليست قاااااره

أستاذ عادل حسنين سعيدة جدا بكلماتك ورأيك النبيل وونصحك وهو الأهم عندى وأعدك بأذن الله بتفادى هذة الأخطاء فى المرة القادمة لك منى جزيل الشكر على نبلك وحضورك الرائع الذى أنارت بة صفحتى

عندك حق فى النقطة دى أختى ورد هو فعلا كان ممكن يكون فية تفاصيل أكتر لأن موضوع العمل فية حاجات كتير ممكن نقولها لسةأعدك بالتفكير فيما قلتى أختى العزيزة سعيدة بكلماتك الرقيقة وأهتمامك بالمتابعة

أستاذ ضياء دائما ضياء فى كلماتك ومعبر جدا فلا أدرى ماذا أقول أمام أبداعك فى التعليق على العمل ولكن أقول من حسن حظى وجودى بينكم فى كوكبة من النجوم مثلك
دمت لنا بأبداعك أيها الرائع

أستاذة وداد كم أنا سعيدة بتعليقك على العمل ونصحك الدائم وأعدك بالتطوير وأنا دائما بتعلم منكم أيتها القديرة لكى منى كل التقدير وأعدك بأن أكون دائما عند سن ظنكم

طبعا كالعاده اكثر من رائع
فأنت شاعره متميزه تحياتي لك
يسلم قلمك يا استاذه

شكرا لك أستاذ أحمد أبتسامة حزن على تقديرك لكلماتى وجمال مرورك

الاستاذه الكبيره رشا فؤاد
اه حضرتك استاذه كبيره كمان
المهم
ايه الروعه دى
من الفكره للسرد للصور
وطبعا انا متفق مع الاستاذ عادل حسنين رزق فى اللى قاله واعترض معاه فى رايه عن كلمه كينونتى
ولكن فى نقطتين صغنطتين اوى
الاولى
تتشكل الوان عندنا
كان ممكن تبقى
يتشكل اللون عندنا او يتحول اللون عندنا او يتغير
والتانيه
ويقوم زلزال العولمه
ممكن كانت تبقى
وتقوم زلازل عومله
جعلها ف المطلق افضل واكثر خدمه للنص
ارجوا تقبل تعليقى ان تغفرى اساتى اذا اسائت
تقبلى فائق احترامى وتقديرى
دمتى بكل خير

أستاذ عمرو سعيدة جدا بكلماتك وتعليقك الجميل وأنتم جميعا أخوة لية فى الأدب والأنسانية لاأغضب منكم أبدا فمن الغباء ألا أعطى نفسى الفرصة فى التفكير فى بعض الأخطاء وأحاول التطوير وألا سأظل مكانى لاأتحرك وأنا لاأحب ذلك فدمت لنا أيها المبدع أخا نعتز به وكل عام وأنتم بخير عيد سعيد

ميرسى جدا يا هناء لكلماتك الجميلة وأنتى فعلا لقلبى قريبة

شكرا يا عزة على كلماتك الرقيقة وأوعدك بالتقدم بس أدعيلى وأنشاء الله طول ما ربنا جمبى وأنتوا معايا هنجح بأذنالله متشكرة جدا