سبورة

سبورة

هات ريشتك وجميع ألوانك
واقعد مع نفسك ولحالك
واستدعي العالم قدامك
ورينا أحلام أحلامك

هاتأثر منك لو أشوفك
وأتألم من شدة خوفك
يصعب عل عيني اني اشوفك
عمال بتداري ف كسوفك

أنا واثق انك متأثر
بالعالم قلبك متكسر
راح ترسم صورك وتعبر
الاسود أكتر ألوانك

سبورة العالم قدامك
شبورة وغلبت أحلامك
لا كلامي ولا حتى كلامك
ها يغير في العالم صورة

مظلومة الأيام ويـاك
مسجونة ومش تحت هواك
لو تحلم بيها ها تنساك
وتقولك آسفة ومعذورة

الاسود سيد متسيد
والأبيض مسجون متقيد
وبقيت الألوان بتأيد
اللون الاسود ع الصورة

الاسود قاعد ومربع
أنا بس اللي اطبع واطبع
وانا برضه اللي اخرج واطلع
أنا مالك حل الفزورة .

سبـــورة
الـعـالــم
سبـــورة