ما تزعلوش

موضوع: ما تزعلوش الأربعاء سبتمبر 16, 2009 7:38 am

ما تزعلوش
صباع وداير بين الوشوش
مره يشاور
ومره يرسم ملامح أو رتوش
بس من غير ما يجرح ف الوشوش
هبدأ أشاور وما تزعلوش
أنت يصحى لسانك
وأنت لسانك يموت
وأنت تغرق
وأنت تعدى بحر السكوت
وأنت تقول
وأنت تخنق كلامك يموت
هخبي صباعى
برضه عشان ما تزعلوش

أنت كلامك صريح بس من غير جمال
لو ف ايدك دليل يبقى قلامك واضح وعال
وعمر القاضى ما بيحكم ع السؤال
بيحكم ع الجواب واللى جاب
والاجابة ف لجنة امتحان بس المراقب غاب
يبقى حكم القاضى ساعتها من غير عقاب

وانت لو سبت الكلام ع السطر حروفه تنام
لايطول يبقى ضل السطر
ولا يطول يبقى كلام
خلى كلامك ع السطر شادد حيله
حرف واقف وحرف نايم وفارد طوله
وحرف تحت السطر مهدود حيله
يبقى هو ده الكلام اللى نقراه واللى نقوله

وانت أوعاك تحبس كلامك
سيب لسانك يمشى قدامك
يعرفك.......ويعرفك مين قدامك
واحسب قبل ما يقول اللسان... كلامك

وانت لو رأيك في الحمار أنه غبي
فرأيك ما يزعلوش يا سيدى
رأيك يزعل بس سيده
أما اللى يزعل الحمار
انك تحطلله اللجام وتركبه

وما تزعلوش من عنيا اللى شافت
ولسانى اللى قال

وما تزعلوش لانى خبيت صباعى
لان هو الدليل ع الكلام

وما تزعلوش م اللى انكتب
بين السطور
واللى قلته واللى ما قلتهوش

فما تزعلوش

ربنا ما يجيب زعل

ومتزعلش نفسك انت كمان

دمت بكل خير وحب

أخى حسام
أنت شاعر و لكن
الوزن يهرب منك فى بعض المناطق
و ستمتلكه فى القريب العاجل
لكى تسير القصيدة على وزن واحد
و بعض الكلمات بها أخطاء ربما لعدم مراجعة النص بعد كتابته
مثل ( قلامك ) و تقصد بها كلامك
خالص المودة
أيها الأخ الشاعر

الابن حسام حسن
قربت جداّ من كتابة القصيده الكامله
موضوع جميل ولا ينقصه إلا ضبط الوزن
والاهتمام قليلاّ بضغط العمل حتى لا يهرب
منك القاريء .
تقبل منى كل الود والتقدير ...