مـــــــــات السكـــــــوت

مات السكوت

مات السكوت

وجفّت عروق الخوف

وحبر القلم

ليّن عضم الحروف

وطلعّها م الكفن

ونزّلها من فوق الرفوف

ولبّسها توب يخلي الجسم ملفوف

وزين وشها المكشوف

وطلت عيون الزمان ..

- عشان -

تشوف اللسان

وهو طالع من بين الشفايف والسنان

يدوق الحروف..

ويتحرك بالكلام ..

مرة يكوي ويجرح

ومرة يداوي ويمدح

ومرة يتعتر ويفضح

وشهريار لسة بيسمع .. ليه كلام

طمّاع اللسان

عاوز يبقى ند لشهرزاد

يحكي ف الم العباد ..

وقسوة الاسياد

عاوز يكون ..

سيف مسرور والجلاد

يقتل السكوت قبل ما يفوت المعاد ويموت

يبقى حتة لحم

ياكولها الدود و يموت

زي أي لسان ...

محبوس ورا الشفايف والسنان

مات للكلام عطشان

الاستاذ الشاعر
حسام حسن
التجربه الشعريه عندك ناضجه الى حد ما .
والصوره مكتمله إلا من بعض الاشياء والتى سوف
تكتسبها بالخبره والممارسه .
نص جميل وبه الحس الشعرى
والى المزيد من النجاح والتوفيق .
وتقبل مرورى وودى ...

الاستاذ حسام حسن

موضوع جميل

دمت بكل خير وحب

أستاذ حسام تحياتى لأبداعك وللموهبة الشعرية الواضحة وكل شىء بالخبرة هيجى وحضرتك منور المنتدى ونتمنالك التوفيق geek

السلام عليكم .. مجرد راي

الشاعر / حسام حسن

احترامي وتقديري

عمر السكوت مايتولد

علشان يموت

مخلوق وف عروقنا جمد

ساكن تابوت

الله يعوض صبرنا

علي حابسته جوه الضلوع

الكلمه طلعت مننا

عالجت جراحنا أو نموت

ومزيدا من التوفيق ان شاء الله

تقبل مروري المتواضع

وللجميع تحياتي

ايه الحلاوة دي يا استاذ حسام سعيد بمروري على هذه التجربة الجميلة
كل تقديري واحترامي
أخوك أحمد شبل

أخى حسام
رائع ما قرأت هنا
قصيدة تدل على شاعر قادم بقوة
لك خالص المودة
أخوك

الشاعر / حسام حسن

كلام يدل على موهبة جميلة

afro

تقبل مرورى