استوب ووتش

استوب ووتش

جرب مره الاستوب ووتش

لما تلاقى الكل قصادك
عايشين يغلطوا نفس الغلطه
يتعكزوا على حلم بلاستيك
فى الايام الجاريه أونطه
والشبوره على قزاز عمرك
مش باين منها ولا محطه
اصرخ .. وقف انت الماتش!
جرب مره الاستوب ووتش

لما تلاقى الصاحب جواك ما بقاش صاحب
ما تقضيش العمر تعاتب
ما تقضيش العمر تحاسب
برواز الثقه لو يتكسر
ما تلمش ف قزاز بيعور
غمض عينك
إسرح فيكم
ف الأيام ال من غير غش !
جرب مره الاستوب ووتش

لما تلاقى بوصلة قلبك .. مش واخداك لمكان القبله
متشعبط كده فى حاجات هبله
ارجع تانى وصلح فيها ... بص عليها
وع الميه اللى اتوضيت بيها
المسأله مش ركعه وسجده
ايه فايدة لو فرض وعدى
لكن ف القلب ما علمش!

جرب مره الاستوب ووتش

حلوة جميلة الفكرة تجنن
فى الأبداع وجديدةعليك
أستوب وتش نجرب فيها
ندى الفرصة لية ليك
أن حياتنا تكون ألوان
أحميها وحطها فعنيك
أحيك فبشدة فى لون رائع من الأبداع وجديد على أسلوبك الشعرى ويحسبلكتحياتى لأبداعك

الف شكر استاذه هناء
استوب ووتش انصح بها نفسى قبل الآخرين حين تأخذنى دوامة الحياه ومأ أكثر ذلك
أحتاج وقتها للحظات التأمل والمراجعة ثم اعود ألهو
ما أشقى الانسان يا سيدتى وما اشقى الشاعر تحديدا
اكرر شكرى وتقديرى لاهتمامك ومرورك الكريم

الى رشا العزيزه
أسعدنى جدا أن اقتراح الاستوب ووتش أعجبك
طبعا ماهو انتى انسانه ومبدعه جميله
تجربة متواضعة جربت فيها لون جديد خايف يكون مباشر
ودمه تقيل لانه واخد شكل النصيحة
لكن ما دام عجبتك هبتدى احبها من النهارده

الى جمال الدليل
الأخ الحبيب والشاعر الذى احبه واتوقع له الكثير
أشكرك للغاية على رأيك
أصدقك القول أنا كنت حاطط ايدى على قلبى من اللون الجديد
لكن ربنا سلم والصدق اللى فى القصيدة ماراحش هدر
حبى وتقديرى للجميل جمال الدليل

أستاذه عزه الزرقانى مشرفة العامية الكريمة للغاية مع شاعر بسيط مثلى
خيركم مغرقنى
وسعيد جدا برأيك
ربنا يخليكى يا عزه ويوهبنا كلنا استوبووتش صادق نصارح بيه نفوسنا فى زمن الزيف
أكرر شكرى وتقديرى

سيادة نائب المدير العام أستاذ عادل سند
قلبى لا تسعه الفرحه أن شاعرا كبيرا فى حجم ابداعك كان من أوائل المارين على محاولتى المتواضعه
وزادها فخرا بمجاملته الرقيقه
ربنا يخليك لينا
وسماح على مقالب كرسى عاطف
انتوا بخفة دمكم اللى اغرتونى وصحيتوا ولد شقى كان نايم جوايا من سنين
شكرا وعفوا وحبا

ألف شكر استاذه وداد
منحتنى كلماتك الرقيقه فوق ما أستحق
بل أنا المعجب دوما بابداعاتك
أكرر شكرى وتقديرى

أ.ورد
كل الشكر والتقدير لمرورك الكريم الذى سعدت به للغايه
شكرا لك

لما تلاقى بوصلة قلبك .. مش واخداك لمكان القبله
متشعبط كده فى حاجات هبله
ارجع تانى وصلح فيها ... بص عليها
وع الميه اللى اتوضيت بيها
المسأله مش ركعه وسجده
ايه فايدة لو فرض وعدى
لكن ف القلب ما علمش!

جرب مره الاستوب ووتش

أ. اميره البدرى
أشكرك جدا على كلماتك الرقيقه
خالص تقديرى ومودتى

أ.أحمد موسى
اشكرك جدا على تعليقك
وتسعدنى متابعتك لكتاباتى المتواضعه

--------------------------------------------------------------------------------

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى