كرسي عاطف 2

عم عادل
انت فوق الظن فوق الشك دايما
انت عنوان للاصالة
نلتها ابا وجدا
واللى قلته كان دعابه
قوللى حتى ازاى هشك
وانت اطيب م الطيابه
والشرور عندك تفك
حتى طولك فوق نظرنا
قوللى بس ازاى هشوفك
وانت اطول من قمرنا
عمر ما نحصل كتافك
ثم عندى ليك مفاجأه
السى دى جاهز وعندى
قول اشوفك فين وامتى
فى جليم برضه يا صاحبى؟!

الى الاستاذ عبدالله جمعه

عم عبده مساء جميل
شفت كان فين الطويل
بس مش عايز اسيح
قلت احفظ ود باقى
اصله دايما له معزه حب صافى واشتياقى
والامل فى وداد تزفه
اصلها فاهماه بجد
وف شئونا القانونية منتدانا يحط حد
ولا اقوللك قلبك ابيض
انت قمت معاه بواجب
وانت فين هيلاقى زيك
انت فوق كل الحبايب
والمساجله اهه بتشهد
عمر يوم ما كنت عايب
قال بيدعى عليك وفكره
ان سهم الدعوه صايب
دعوته اصلا فشنك
اصله هوه ليك ومنك
والاله يشهد علينا
ان احلى حاجه فينا
هيه مشاعرنا الجميله
آه نسيت انا عايز اقولك
السى الخاص بيك
جبتهولك اى خدمه
ربنا يخلينى ليك

هناء سعيد كتب:

حتى لو كانت ياعبده

عيشه قال بنت الكيلانى

لوحاببها وراضى عنها

حبها ها يخلى رده

احلى من لحن الاغانى

عيشة أيوة
أصلي توبُه
راح تليق له
بس هايغير دروبه

أصل مين هيطيق رزالته
غيرها عيشة
لما يفتح عينه بدري
ويلاقيها
يتسرع يُغْمَن عليه
واحنا نفرح دوغري فيه

هناء سعيد كتب:

ايه ياعبده

هو ده اسمه الكلام!

حد يحبس قال حبيبته

ابقا شوف!

بعد قال مايفلى راسها

يبقا دايب فى قوامها

ويتنسج جواه غرام

أصل ده واكل في ناسه
اسأليني
كل يوم بتلف راسه
ويلاغيني
نفسه حلوة


هوه يوم عيشة الكيلاني
ومرة يوم بنت الصُغَيَّر
نفسي ذوقه يروق عشاني
أصله قال غاوي يغَيَّر

هناء سعيد كتب:

واحنا ليه بس ها نفرح

دوغرى فيه

ماانت عارف

هو صاحبك واخونا

مش ها نقبل اى سو

راح يلقح جتته

قوام عليه

انتي إيه بتمهدي له ؟
خايفة من ناره وويله
قولي ما تخافيش براحتك
هوه عاجباه قال صراحتك

ما تخافيش
أصله هيش
هوه مش قادر يا عيني
أصله قال : عاوز يعيش

الى استاذ عادل
يا نهار ابيض
كل دى قفلات يا عادل ف انتظارك
عبده جمعه مش هيهدى
غير اذا شاف حاجه والعه
وانت فين ماترد ولا رحت تانى جليم يا صاحبى
ولا ناوى لكفر بعده
برضه هيبان المخبى
نفسى اعرف مين فتن وقال عليك
يمكن الواد اللى كان بيبيع فى فل وداخ عليك
وانت مش سائل فى اهله
غاظه فعلك قال لأهله
بس وحياة الجليم انت حبيبنا
انت تأخيرك قلقنا
مش عوايدك رد يللا
ولا فالح بس تبقى ف الشوارع طول مسله

عادل عوض سند كتب:

الكلام ده كان عليه ؟؟
من عنيّه
طب حا اخلى الليله كوبيه
واللى مش عاجبه الكاكولا
غصب عنه تبقى سوبيا
حا اسقيهاله غصب عنه
والحمام حا اطبخله زبله
ياكله لما نقولّه لوبيا

يا نهار ازرق جه يا ننة
كله يهرب أو يطير
واللي مش لاقي له حتة
يستخبى
فيه مكان تحت السرير
هههههههههههههههههههههههههههههههههههههههههههههههه

انت لابد في القصب
يابن الذين ؟
سبتنا لوحدينا لما
ييجي ويطلع عينينا ؟
عمري ما اتصورت إنك
ألعوبان
طب يا عبد الله يا صاحبي
آه يا مان
لما اشوفك
هطفي شوفك


طب سيبوه لما يخلص
رد لينا
بعد ما يخلص هناخده
ع الجنينة
لاجل يتفسح براحته
نبقى نعرف
هيه راحت فين بجاحته