لما اشوفك

color=red][/size][/color][/color]

أستاذ جمال شكرا لمرورك الرقيق وكلماتك الأرق
وفى شوق لقراءة أعمالك

الجميلة سلوى محمود

اغنيه جميله جدا

تسلمى ويسلم قلمك الحساس

دمت بكل خير وحب

ملحوظه

تثبت بواسطتى لروعة الحرف[b]

تسلمى لى يا عزة يارب يخليكى دايما
يا رافعة معنوياتى .....سلامى وتحياتى لبنوتك الجميلة بنت الجميلة وشكرا لمرورك يا حبى

أستاذ أحمد من أدراك بأننى باموووووت فى فايزة أحمد
دة يأكد إنك ذو حساسية فائقة فى الشعر أتمنى قراءة أعمالك للتواصل .....وأشكرك مرة أخرى على مرورك الوضاء
لأغنيتى المتواضعة

مش عارف الناس ليه دايماً تقول لي يا أحمد

مش حاجة غريبة برضه ؟؟؟

أستاذ أمجد إزاى أغلط غلطة زى دى
أولا شرف لى مرورك جدا وكفاية إننا أصدقاء فى حب فايزة أحمد
وبما إننا أصدقاء فبديهى إنك تغفرلى هذة الغلطة متفقيين والالالالالالا

أستاذى الأستاذ عبدالله أنا سعيدة جدا لأن القصيدة أو الأغنية عجبتك .....أنا مستنية رأى حضرتك بفارغ الصبر
إتأخرت عليا يومين لكن ح تنزل المرة دى لكن إعمل حسابك المرة الجاية لامنكن أبدا

وردتى المصرية الجميلة ميرسى يا حبى على مرورك وتعليقك الرقيق زيك .....أسعدتينى أولا بمرورك ثانيا بإعجابك بكلماتى البسيطة المتواضعة

أستاذى الجديد جدا أستاذ بسام
سعيدة جدا لأن أول مرور لحضرتك كان لقصيدة من كلماتى
وكما دعوتك للإستمتاع بذلك المنتدى الجميل الرائع بما لمست فيك من حب للشعر والشعراء
فأدعوك للتجول فى جنباته لتقطف من أزهاره اليانعة المختلفة إختلاف تلك الفن السامى والراقى الذى يسمى شعرا
شكرا لقبولك دعوتى

ا الأخت العزيزة الشاعرة سلوى محمود
للمرة الثالثة أقرأ هذاالنص الذى أبهرني لما وجدت فيه من
أنسيابية الطرح و عذوبة الأفكار التي تتسلل الي الداخل فتستقر في العقل و الوجدان معا
و الشقاوة حتي في المشاعر المطروحة و في الحنين الجارف للقاء مع الآخر عندما
أ أستوقفني التعبير " بس أشوفك " فما أجمله من وعيد !
و سعيد جدا بأن أرى سلوى الثائرة للوطن تثور أيضا حنينا و أشتياقا
أهنئك علي هذا النص الرائع الذى أثبت به ان المشاعر الأنسانية الصادقة هي التي تقودنا
الي الحب و الثورة معا...
مع فائق أحترامي......

أخى وصديقى العزيز سامى أنا عادة لا أكتب أى شىء عاطفى أو رومانسى إلا باللغة الفصحى وهذه أول مرة أكتب هذا الشعور بهذه الطريقة وان كانت (بس اشوفك)بتخوف ممكن أغيرها ل(بس شوفنى )لو تحب .....
......عموما سعيدة بتعليقك جدا يا سامى دمت ودام مرورك وأرجو نشر باقى أعمالك فى المنتدى وبطل بخل

غنائيه مميزه ومعانى راقيه جدا

ابداع حساس مرهف جدا

دمتى لنا بهذا الالق دوما جميلتى الغاليه

أ / سلوى
الاغنية رائعة
جرعة الصدق فيها تفوق عشرات الدواوين
يا بخته هذا المنتظر

الشاعر الجميلة أ. سلوى محمود ابدعتى وما اروعك فى ظهروك فى لهفة بعض النظر عن اى شىء لاجواب ولا عتاب ولا اى شىء احيكى على شفافية احساسك دومتى بكل خير ومزيد من التقدم

سلوى محمود كتب:

color=red]

لما اشوفك

مش ح اقولك أى كلمة لما اشوفك
مش راح اسأل حتى إيه كانت ظروفك
راح تلاقى قلبى دايب بين كفوفك
..........بس اشوفك

لما اشوفك

مش راح انصب جوا عينى محكمة
كل حاجة فيا ليك مستسلمة
مش ح اقابلك ويا بركان أسئلة
متبدلة ....متحللة
كل حاجة غير إنى اشوفك
يا حبيبى مش ح تبقى مشكلة
مش ح اقولك أد إيه مستحملة
متحملة البعد وعذابك
مكملة المشوار لبابك
.......لاجل اشوفك

لما اشوفك

مش راح المس حتى إيدك وبحنان
مش ح اخلى شوقى ف عيونى يبان
مش راح اسأل ف الزمان والا المكان
......بس اشوفك

لما اشوفك

مش ح اطفى نار حنينى أو حنينك
بس ألمح شمس طالعة لحبنا من فوق جبينك
مش ح اقولك أد إيه ف القلب غالى
ولا حتى حالى وإيه جرالى
مش ح اقولك أد إيه فاتت ليالى
من غير ما احس بطبطبة
من إيد عليا قريبة
ولا أد إيه مستغربة ........ متغربة
والغربة مرة
بس نظرة من عيونك
تكفى عمرى سنين مسرة
.......بس اشوفك

لما اشوفك

مش ح تلمح جوا ف عيونى العذاب
ولا دمعة نازلة ف سكتك بتدق باب
ولا قلبى داب م الاغتراب
ولا أى كلمة تحس بيها
بلوم ......عتاب
......بس اشوفك
راح تلاقى قلبى دايب بين كفوفك
بس ألمح هيئتك إنشالله طيفك
......بس ......اشوفك


تم التنسيق بمعرفة

وداد الهــــــــــــوارى

[center][/size]

[/size][/color][/color]

ألأستاذه00سلوي
جميل الحب بضعفه وعذاباته 000جمال الحياه نفسها

نصيحه من أخ ؟؟
الناس كا لدواء ينبغي أن نأخذهم بجرعات صغيره
وأسألك ؟؟؟
وأي هناك ؟
بتستناه ويستناك؟
مدام إيده ماهيش
لامساك
ولا الرعشه إللي ف الأسلاك
ولا الإيد إللي تحضن إيد
فتعمل زفه من دمك
وتعمل عيد00000[center]