ست الحسن ........... والامير الاخضرانى

ست الحسن ......... و الأمير الاخضرانى

هي حاله
بس جوه الأصل
عاله
و اشتغاله
الأمان غيّر مكانه
راح نجيبه م البقاله
صوت لطيفه ف
استحاله
والملك ب يغنى قصه
والحكاية من زمان
معركة بين
كنّ وكان
ويا ما كان
إن ست الحسن
لما اتشعلقت ب ابن الجيران
كان أبوها نايملها
على واد خواجة
شغل بره
والاكاده
انه يقرب
للسفير الامريكانى
وأما وصله رفضها
جاتله ازمه
زى فرده شمال
لجزمه
قام حبيبها المنتظر
خدها مره ع القناطر
عرىّ كل المستخبى
ب عرضها
كان هو فاطر
والحقيقة المخجلة
انه قابض م العريس
الامريكانى
خدله هبشه
بس كبشه
م الأمير الاخضرانى
جابله عده حلوه صيني
بس تقفيلها ياباني
والفضية أتصورت
وأما زعلت م الاذاعه
ذاعها تانى
والكلاب أتفرجوا
وعاشوا ليله ف العجب
كل واحد جوه بيته
خلى أيده
تقوم تداوى
كل كبته وحرقه
والمجارى لسه فيها م المصايب
تشكيلات
بكره راح يجى علينا
يوم نلاقى فيه الفيران
خارجه من قلب المجارى
صابحه ماشيه ف مجموعات
رايحه محكمه الجلاء
رافعه دعوى طالبه فيها
م البشر
إثبات نسب !

جميلة أةدوى واللون اللى أنت بتكتب بية رائع جدا ومتميز متعلمونى يا جماعة بتجى أزاى بجد برافو تفعيلة تما وموسبقى رائعة وموضوع يجنن

بكره راح يجى علينا
يوم نلاقى فيه الفيران
خارجه من قلب المجارى
صابحه ماشيه ف مجموعات
رايحه محكمه الجلاء
رافعه دعوى طالبه فيها
م البشر
إثبات نسب
اخى الغالى عمرو شاهين
اقول لك
إن شفت خفت
ومن لم تكن له بداية محرقه
لم تكن له نهاية مشرقه
لانك امتزجت مع القصيده
وانصهرت فى احداثها
خرجت مع انفاسك معانيها صهيلا
بمفردات مغايره وشكل مختلف
وحال خاص جدا
دمت ودام نزق قلمك
وتقبل مرورى المتواضع

استاذه رشا
انتى متعلماه طبيعى
انا متوقع ان حضرتك هاتوصلى لدرجه عاليه جدا جدا
تقبلى فائق احترامى
دمتى بكل خير

الابن الغالى الشاعر
عمرو شاهين
{ قصيده مبطله للصيام }
التقدم السريع والذى تتسم به اعمالك الاخيره جعلك لاتفكر جيداّ قبل نشر هذه القصيده
هى قصيده جميله جداّ بمفرداتها وبموضوعها الذى تكرر اكثر من مره مع نجمات معروفات
والكل يعرفه إلا ان مكانش شاهده .
قصيده بها تلميحات جنسيه واضحه مما يعيب هذا النص ويشوهه
انت شاعر محبوب فأرجو ان تستعفف عن هذا الاستخدام فى قصائدك المقبله
وانا لا اكتب وانصح إلا لمن احبهم واقدرهم وانت احدهم .
لك منى كل الود والتقدير ...

استاذى عادل عوض سند
عارف والله انك ما بتنصحش الا للخير واللى بتحبه
ونصيحتك طبعا فى محلها
وف فعلا انا غلطان
لكن من يوم مادخلت المنتدى
وانا بقدم شغلى للعرض والتقويم انا معاك انها قصيده تبطل الصيام فعلا
لكن
انال مسميها نزوه شعريه
اخوك الصغير فلتصفح عن نزواته
واكراما لااخيك
رجاء الحذف
تقبلى فائق احترامى وتقديرى
دمت بكل خير

استاذ خالد نور
شاكر على تقبلك نزق قلم غر
تقبل فائق احترامى وتقديرى
دمت بكل خير

الابن الغالى
عمرو شاهين
اشكرك على سعة صدرك للحوار بين اب وابنه
وانا لم اعلق لتقول لى احذف المشاركه .. لا .
لن تحذف فهذا ابداع كتبه شاعر جميل وصعب
ان يحذف ونمنع الاعضاء من التمتع به .
تقبل كل الود على سعة الصدر ...

استاذى الغالى
اول مره تفقهمنى غلط
انا بقول احذف المشاركه
لانها وحسه فى حقى
وتمهيدا للقصيده اللى جايه اللى اتمنى انها تكون جيده وتعجب الكل
مش علشان حضرتك قولتلى كلام انا عارف قبل ما انزل القصيده انه صح
تقلى فائق احترامى وتقديرى
دمت بكل خير

استاذ عادل رجاء التكرم والمرور على موضوع صوره وتعليق لعمرو شاهين
بقلم الاستاذ عاطف الجندى
ده موجود ف الصفحه التانيه منه الشعر العامى
تقيب فائق احترامى وتقديرى
دمت بكل خير

رحت يا عم عمرو
وعلى الله مرورى يعجبك
حاول تدخل المساجله ...

السلام عليكم .. مجرد راي

الشاعر الرائع / عمرو

احترامي وتقديري

وكل رمضان وانت بخير

تقبل مروري

وللجميع تحياتي