صــــــــوره

موضوع: صــــــــوره الخميس أغسطس 27, 2009 5:10 pm

استهلال

بالصلا ع الزين

ونقول الكلمتين

مين غش اللبن اللى ف صدرك يا مه

مين خلط الدمع عليه

مين علم شجرك حزنه

وملا بالسوس جانبيه

ومين خلى العش يكش ف وش العصافير

ومين خلى كلاب الغرب تنبح شر ف قلب الدير

ومين شوه ف عيونا الصوره

ونقول كمان

فى امتحان الرسم

دخل الطفل العربى اللجنه بلون مخطوف

بص ف ورقة اسئلته وقراها بصوت مرجوف

وسؤاله الاول اجبارى

س1 -- ارسم صوره لوطنك ؟

احتار الطفل

ضرب جبينه بكف اليد

دعك عنيه باديه ودمع

احتار يختار ايها صوره حيرسم

قال فباله حرسم ايه؟

معرفش ارسم سريالى

ارسم ايه

ارسم شخابيط

ارسم لخابيط

ارسم فى الصوره حلم عبيط

قصره

حضر الوانه

طلع ريشة قلبه

وهاتك يرسم فى الصوره

صوره للو طن الغلبان

رسم القدس مغلوله بغل

ورسم عراقه مدبوح بيئن

رسم الطفل العربى

الطفل اخوه مولود بالذل

وف وسط دموعه اتذكر

صوره ف درس تاريخ

ايام ما كان العربى الانسان

يملك قدسه وقواديسه

وبزيته العربى تتقاد فوانيسه

الطفل العربى قلب الورقه

وراح يرسم فى الخلفيه

الواد هلل فرحان

بعد ما حاله اتبدل من شكل الصوره الفتان

لكن فرحه ما تمت

عدى ملاحظ اللجنه وقاله

ممنوع الغش لازم ترسم فى الوش

مالناش دعوه بالخلفيه

بالايام المنسيه

قلب الطفل العربى وجاب الوش

لون ريحه بلون السم

وكمان البحر بلون الدم

ولان الواد عشمان ف رفاق السن

رسم الشمس ف ركن الصفحه

بتقاوح فى الغيم

وهاله بتفاريح

وقال ف سره

يارب ما تفهم يا بتاع التصحيح

كتب الاسم

كتب العنوان

الطفل العربى المدبوح

صوره للوطن الغلبان

وهاتك يرسم فى الصوره

صوره للو طن الغلبان

رسم القدس مغلوله بغل

ورسم عراقه مدبوح بيئن

رسم الطفل العربى

الطفل اخوه مولود بالذل
---------------
جميل تعبيرك ورسم قلمك وموضوعك
شكرا علي قصيدتك الجميلة (عزيزي خالد)

جميل انت
وجميل منك
جبر الخواطر
اخى الغالى واستاذى الكبير شكرا لمرورك

موضوع وطنى جميل

سلمت وسلم قلمك الرائع

تحياتى وتقديرى لروعتك[b] afro

تسلمى اختى الغاليه عزه الزرقانى
لا حرمنى الله من مرورك المتميز

أحيك بشدة على هذا الفكر الواعى الواضح فى القصيدة وكذلك طريقة السرد السلسة هو صحيح فى شوية كسور لكن بالمدوامة هتروح لأن المستوى رائع وواضح جدا أطلا عك على العديد من الثقافات بدليل وجود هذا العمق والصور والصور الجميلة المتميزة التى تعلم فى الزهن

اخى خالد
قصيدة وطنيه جميلة
تقدم صورا جديدة
و لكن يبقى الوزن هو مشكله القصيدة
أتمنى لك التوفيق فى كل خطواتك الأدبية
سواء فى القصة او الشعر
فلديك قلم موهوب يحتاج فى الشعر فقط إلى
العوم فى البحر الخليلى
خالص المودة
اخوك

احسنت استاذ خالد نور

فى تصوير الوضع المشين اللى عليه حال الوطن العربى

ربنا يعينا ويقوينا

دمت ودام ابداعك

تقبل مودتى

الاستاذ الحبيب
خالد نور
احييك على هذا الحس الوطنى العالى
مع الصدى لما يجيش به صدرك وتمكنت
من ترجمة هذه المشاعر لتخرج على الورق
فتعطينا هذه النكهه الرائعه للقصيده الوطنيه
رغم طول النفس الشعرى ورغم استطاعتك الرسم
الجيد بالحروف إلا ان الوزن افقدنا روعة القصيده
بس الله ينور انك استطعت انتاج هذا العمل الجميل
وكله بييجى بالصبر . واحده واحده وان شاء الله سوف تصل
خالص تمنياتى بالتوفيق والتقدم ...

رشا فؤاد كتب:: أحيك بشدة على هذا الفكر الواعى الواضح فى القصيدة وكذلك طريقة السرد السلسة هو صحيح فى شوية كسور لكن بالمدوامة هتروح لأن المستوى رائع وواضح جدا أطلا عك على العديد من الثقافات بدليل وجود هذا العمق والصور والصور الجميلة المتميزة التى تعلم فى الزهن

شكرا اختى على المرور الطيب وكل ما اكتبه ما هو الا خربشات على سطح ابداعتكم
فشكرا ودام الود بيننا

عاطف الجندى كتب:: اخى خالد
قصيدة وطنيه جميلة
تقدم صورا جديدة
و لكن يبقى الوزن هو مشكله القصيدة
أتمنى لك التوفيق فى كل خطواتك الأدبية
سواء فى القصة او الشعر
فلديك قلم موهوب يحتاج فى الشعر فقط إلى
العوم فى البحر الخليلى
خالص المودة
اخوك

الرائع الاستاذ عاطف الجندى
انت تعلم انى لست بشاعر انما هيا ومضات مشاعر فلا تآخنى سيدى
اعدك بمزيد المحاولات الجيده ومراعاة السقطات العروضيه
وكم اتمنى ان القى نفس الرعايه فى القصه
تقبل خالص مودتى واحترامى

عادل عوض سند كتب:: الاستاذ الحبيب
خالد نور
احييك على هذا الحس الوطنى العالى
مع الصدى لما يجيش به صدرك وتمكنت
من ترجمة هذه المشاعر لتخرج على الورق
فتعطينا هذه النكهه الرائعه للقصيده الوطنيه
رغم طول النفس الشعرى ورغم استطاعتك الرسم
الجيد بالحروف إلا ان الوزن افقدنا روعة القصيده
بس الله ينور انك استطعت انتاج هذا العمل الجميل
وكله بييجى بالصبر . واحده واحده وان شاء الله سوف تصل
خالص تمنياتى بالتوفيق والتقدم ...

الفاضل الغالى الاستاذ عادل عوض
كما قلت سابقا ما انا بشاعر ولكنها ومضات مشاعر شكرا لسعة صدوركم
وتقبلكم لكلماتى
متتعكم اله بالصحه والسعاده ودمتم لنا نهرا من الابداع نستقى منه كيف يكون

موضوع: رد: صــــــــوره السبت مارس 12, 2011 1:18 pm

تم النقل بواسطتى لمنتدى قصائد السياسة والثورة بالعامية

قصيدة مرسلة يشع فيها الحس الوطنى العالى

دمت مبدعاً

وداد الهــــــــــوارى

وداد الهوارى كتب:: تم النقل بواسطتى لمنتدى قصائد السياسة والثورة بالعامية

قصيدة مرسلة يشع فيها الحس الوطنى العالى

دمت مبدعاً

وداد الهــــــــــوارى

الشقيقة وداد الهوارى
كل التحية والشكر اختى على مرورك وتفهمك
دمت بخبر

الاستاذ الاديب الجميل خالد نور
وماأجمل ان يعبرالانسان عما يجيش
فى صدره لاأوفى الاصدقاء الاوراق والقلم
وماأجمل ان يحاول الانسان ولاييأس فأعترافك
بأنها محاولات لايقلل من كونها محاولات جاده
وان كان ينقصها الوزن الذى تستطيع ان تضبطه
بأذنيك وبكثرة القراءةولاأستبعد ان تكون يوما شاعرا فذا لما تملكه من جمال فى تركيب الجمل
والصور عدنى بأن تتكرر تلك المحاولات وفقك الله
العلى القدير وادام عليك حسن البيان
صلاح الكومى Very Happy

[b]كنت اظنك شاعرا واديبا وقاصا واليوم اكتشفت انك رساما رسمت لوحات اقول مايكل انجلو
او ليوناردو دافنشى000000000000000000000
فى انتظار لوحاتك الاخرى
دام الابداع واطيب تحية