كرسي عاطف

موضوع: رد: كرسي عاطف السبت أغسطس 29, 2009 9:42 pm

صوره ايه ياعم عاطف
ما تقولوش { عبد الحليم }
لما كان مع ساميه فهمى
كان بيلعب دور { سليم }

مين ساميه فهمى دى ؟؟؟

موضوع: رد: كرسي عاطف السبت أغسطس 29, 2009 9:50 pm

عاطف الجندى كتب:: الكلام سكران و بنج
و الجهاز يا خلق هنج
السلام قلبى معاكم
بس موش عاوز تشنج
****

الجهاز بالذمه هنّج
ولاّ وصلتلك اشاره
م { الحكومه } بالتشنّج
خفت لا تعملها غاره
لأ ياعم اقصرها احسن
صلّى فينا الاستخاره

موضوع: رد: كرسي عاطف السبت أغسطس 29, 2009 9:59 pm

هناء سعيد كتب:: طب يا طوفه

نوم سعيد

انت خايف ؟

مش راح افتن

لما شهر الصوم

هايخلص

ها ارجع افتن

من جديد

افتنى دلوقتى احسن
لجل يتسحر مربّط
نفسى اشوفه بره اوضته
مهما راح عالباب يخبّط

موضوع: رد: كرسي عاطف السبت أغسطس 29, 2009 10:02 pm

يظهر ان الكل نام
ياللا بكره
راح نقابلكو بسلام
واللى يسهر بعد منى
يبقى راجل مش تمام

موضوع: رد: كرسي عاطف السبت أغسطس 29, 2009 10:04 pm

ش

لأ

حرام يا اخ دولا

مش راح افتن

برضو

يبقا الطيب احسن

مره لو شفته مربط

والنبى يصعب عليك

روح وهات له

بيبسى كولا

موضوع: رد: كرسي عاطف الأحد أغسطس 30, 2009 4:25 am

عادل عوض سند كتب:

طب ياعبده ليه بيكدب ؟
والغزل لأ . عينى عينك
واللى جانن امى فعلاّ
جاى يصرخ قال ويعلن
{ ان ننه جات خدتنى }
هل تصدق ده ..ودينك ؟؟؟!!!

ايوه مره جيت وخدته

اصله كان تايه وغاب

ناسى اسمه ناسى رسمه

قولت اكسب فيه ثواب

لما يوم للوالده ارده

بس من بعديها تاب

هههههههههههههه

موضوع: رد: كرسي عاطف الأحد أغسطس 30, 2009 4:44 am

عادل عوض سند كتب:: والنبى حطلنا صوره
فيها واقف بالمايوه
لجل ابعت ليك ساعتها
طقم عال راح نشتروه

للأسف و الله ما عندى
لو هنا راح نلبسوه
و أنت تلبس برضو واحد
و الجميع ييجوا يشوفوه
و المزز راح تيجى جنبى
و انت بالقوطه يهدوه
******

موضوع: رد: كرسي عاطف الأحد أغسطس 30, 2009 4:51 am

هناء سعيد كتب:: طب يا طوفه

نوم سعيد

انت خايف ؟

مش راح افتن

لما شهر الصوم

هايخلص

ها ارجع افتن

من جديد

أفتنى بس بهداوه
خلي أسلوبك جديد
لا المدام تعرف و هى َّ
صعب خالص دا الأكيد
قلت لك دى إيديها طرشه
بس ساكنه ف الوريد
****
علشان الليلة تعدى على خير
هههههههههه

موضوع: رد: كرسي عاطف الأحد أغسطس 30, 2009 4:55 am

ليه كده بس يا طوفه

دولا صاحبك

لآ ده اخوك

البسوا المايوهات

وياللا

انزلوا البحر نشوف

مين يعدى منكوا عوم

ع المزز بلاش خناق

كل شىء بالاتفاق

مزه راح ياخدها دولا

ومزه ليك مانت أصلا

واد خلوق

موضوع: رد: كرسي عاطف الأحد أغسطس 30, 2009 4:59 am

عاطف الجندى كتب:

هناء سعيد كتب:

طب يا طوفه

نوم سعيد

انت خايف ؟

مش راح افتن

لما شهر الصوم

هايخلص

ها ارجع افتن

من جديد

أفتنى بس بهداوه
خلي أسلوبك جديد
لا المدام تعرف و هى َّ
صعب خالص دا الأكيد
قلت لك دى إيديها طرشه
بس ساكنه ف الوريد
****
علشان الليلة تعدى على خير
هههههههههه

طب خلاص

يا اخ طوفه

مش راح افتن

بس توعدنى انهارده

تبقا دى المره الاخيره

واوعدك هى تسامحك

والمدام ست عطوفه

موضوع: رد: كرسي عاطف الأحد أغسطس 30, 2009 5:09 am

عبدة المفترى كتب
فكرتني بفيلم جامد
كان بطولة عم حامد
فيلم متصور قديم
يشبه الكسار ... سليم ؟
***
لا يا فالح موش سليم
أنت هتكسر معايا
لو هتوصف يبقى أصدق
حتى قول صالح سليم
***

موضوع: رد: كرسي عاطف الأحد أغسطس 30, 2009 5:16 am

عادل عوض سند كتب:: صوره ايه ياعم عاطف
ما تقولوش { عبد الحليم }
لما كان مع ساميه فهمى
كان بيلعب دور { سليم }

مين ساميه فهمى دى ؟؟؟

سامية فهمى تبقى واحدة
م الجماعة المعجبين
دمها حاوى شافتنى
ويَّا واحدة مغرمين
يومها خلت حالتى صعبه
يومها خلت ليلتى طين
*****

موضوع: رد: كرسي عاطف الأحد أغسطس 30, 2009 5:22 am

يا جماعه

وآدى أخرة

اللى عامل

فيها واد

حليوه

قال متين

جتله واحده

بدم حامى

بدلت له

ليله حلوه

بليله طين

موضوع: رد: كرسي عاطف الأحد أغسطس 30, 2009 5:25 am

عادل عوض سند كتب:

عاطف الجندى كتب:: الكلام سكران و بنج
و الجهاز يا خلق هنج
السلام قلبى معاكم
بس موش عاوز تشنج
****

الجهاز بالذمه هنّج
ولاّ وصلتلك اشاره
م { الحكومه } بالتشنّج
خفت لا تعملها غاره
لأ ياعم اقصرها احسن
صلّى فينا الاستخاره

فيك و صليت استخاره
جاتنى ف الحلم الأماره
قال لى صاحبك شهم جدا
بس فيه سر ف مغاره
هو خايف من حماته
ليل نهار عاملاله غاره
يوم يبات تحت السرير
يوم يبات جوا .. الشكاره
****

موضوع: رد: كرسي عاطف الأحد أغسطس 30, 2009 5:30 am

هناء سعيد كتب:: يا جماعه

وآدى أخرة

اللى عامل

فيها واد

حليوه

قال متين

جتله واحد

بدم حامى

بدلت له

ليله حلوه

بليله طين

يا هناء مجنونة بي َّ
أصلى شمعه ف الفانوس
من زمان كان نفسى امثل
لجل ف الآخر ....
أ ب و س
****

موضوع: رد: كرسي عاطف الأحد أغسطس 30, 2009 5:37 am

بس

اقول لك ايه ياصايم

تلسعك شمعة فانوس

قولى عاوز ليه تمثل

قلت ..........ايه؟

عاوز ت.........س

عود لعقلك يا ابن جندى

شمعة الفانوس بتلسع

وانت عارف

يومها تفرح فيك نفوس

موضوع: رد: كرسي عاطف الأحد أغسطس 30, 2009 5:48 am

ههههههههههههه
لما قالها مرة عادل
اللى فى اسمه أمام
قلنا ياااه دا واد أدرجى
قالنا ياااه دا واد تمام
و أما ييجى يقولها طوفا
تشتكى له م الصيام !
طب يمين على 100 يمين
كوسه برضو .. و دا حرام
****

موضوع: رد: كرسي عاطف الأحد أغسطس 30, 2009 9:48 am

عادل عوض سند كتب:: يظهر ان الكل نام
ياللا بكره
راح نقابلكو بسلام
واللى يسهر بعد منى
يبقى راجل مش تمام

الوجع عشِّش في بطني
لما ضحكك جه وربطني
قمت مش قادر يا راجل
كل ليلة الضحك في دماغي خابطني

موضوع: رد: كرسي عاطف الأحد أغسطس 30, 2009 9:53 am

هناء سعيد كتب:: يا جماعه

وآدى أخرة

اللى عامل

فيها واد

حليوه

قال متين

جتله واحده

بدم حامى

بدلت له

ليله حلوه

بليله طين

عم عاطف ؟
ربنا يديمها عليه
كل يوم تقفش جَنابه
تيجي وتقرَّص جِنابه
لاجل ياخد في مَنابُه
م اللي بالك انتي فيه
ربنا يبعت له
في القاعدة المدام
تظبطه في لحظة غرام
واما ييجي يقوم ينام
تقفل البَلْكون عليه

موضوع: رد: كرسي عاطف الأحد أغسطس 30, 2009 10:02 am

هناء سعيد كتب:

ش

عاطف الجندى كتب:

[center]حوشوا عنى اللى اسمه عبدو
حوشوا عنى اللى اسمع عادل
دول كلامهم بيضايقنى
و لا طول الليل هناضل ؟
أصل ننه جت خدتنى
و مطلبى طيب و عادل
نفسى اتغزل شويه
أنا هكدب .. دا اللى فاضل
***

انت ها تجيب لى قضيه

يا سى عاطف

لما تتغزل شويه

ياللى ناصف

الصغير والكبير

بس اقول الحق

شاعر

م اللى مالكين

الضمير

أنا قولت أهرب بجلدى

من كلامكو لا ييجى عندى

وانا مش ح اعرف أصد

ويا عبده ولا عادل

ولا عاطف أبن جندى

موضوع: رد: كرسي عاطف الأحد أغسطس 30, 2009 10:04 am

عادل عوض سند كتب:: صوره ايه ياعم عاطف
ما تقولوش { عبد الحليم }
لما كان مع ساميه فهمى
كان بيلعب دور { سليم }

مين ساميه فهمى دى ؟؟؟

" سامية فهمي " أخت نيللي
اللي كانت ويَّا " أنور وجدي "
في الفيلم القديم
فيلم " مستر كاراتيه "
اللي شاركتها البطولة
" ليلى طاهر "
لما جه " عبد الحليم "
باس "ليلى علوي "
وكان " هنيدي "
بعد منهم ...
إيه راااااجل ...
لما كانت " هند صبري "
جاية تجري
وكان وراها " سعد أردش "
فيلم من إخراج " شاهين "
إيه يا راااااجل
لما كانت " هند رستم "
ماشية تتقَّصع معاها
اسمه إيه " اسماعيل ياسين "
أما كان " محمود ياسين "
هايمان في " صابرين "
إيه يا راااااجل
طب في آخر مشهدين
مش كان هناك
تُرْمَاي معدِّي
و" فيفي عبده "
صرَّخت من جمعتين
اللي كان قاعد
في ركن بعيد هناك
جوَّه الترام ده
حتى ما اتصورش خالص
هوه ده " عاطف "
لأنه كان بطل في الفيلم ده
والشرط دور
من غير ظهور
والمُزز كانت كتير
الفيلم ده حقق مكاسب
أصل تذْكَرْة الدخول
مش بالفلوس
كان الدخول تدفع فطير
وانت طالع شبشبين
قال فوق دماغك
لاجل شوفته
أصله كان إنتاج كبير
كانوا جايبين الملابس
عندنا م العطارين
شفت صورته لما كان
في بدلة ميري ؟
هيه دي الصورة
اللي كانت ع الأفيش
أصله كان عاوز يعيش
إيه يا راااااجل
شفت صاحبك قد إيه
فنان كبير ؟
يا نهار ابيض
انت ما عندك ثقافة
في القديم ؟

موضوع: رد: كرسي عاطف الأحد أغسطس 30, 2009 10:11 am

هناء سعيد كتب:: ليه كده بس يا طوفه

دولا صاحبك

لآ ده اخوك

البسوا المايوهات

وياللا

انزلوا البحر نشوف

مين يعدى منكوا عوم

ع المزز بلاش خناق

كل شىء بالاتفاق

مزه راح ياخدها دولا

ومزه ليك مانت أصلا

واد خلوق

يعني قسمتي المزز
ويا الشباب
والحزين ابن الحزينة
اللي هوه يعني انا
ما لهوش مناب
هوه ليه ناسيين جنابي
انتو ليه قاصدين عذابي
طب ورب الكون يا عالم
اوعوا اشوف حد يحادثني
واللا اشوفكو تدقوا بابي

موضوع: رد: كرسي عاطف الأحد أغسطس 30, 2009 10:40 am

الشاعرة عزة الزرقانى كتب:: أنا قولت أهرب بجلدى

من كلامكو لا ييجى عندى

وانا مش ح اعرف أصد

ويا عبده ولا عادل

ولا عاطف أبن جندى

ياه يا وزه كنت ِ فين

و احنا كنا مجروحين

كنت محتاجك تردى

و الحكاية ف كلمتين

هى مهما بعدتنى عنا

إحنا ليكى مشتاقين

دا انت اطيب قلب شوفته

و الجمال ف الغنوتين

***

موضوع: رد: كرسي عاطف الأحد أغسطس 30, 2009 10:52 am

"سامية فهمي " أخت نيللي
اللي كانت ويَّا " أنور وجدي "
في الفيلم القديم
فيلم " مستر كاراتيه "
اللي شاركتها البطولة
" ليلى طاهر "
لما جه " عبد الحليم "
باس "ليلى علوي "
أما كان " محمود ياسين "
هايمان في " صابرين "
طب في آخر مشهدين
مش كان هناك
ترماي معدِّي
اللي كان قاعد
في ركن بعيد هناك
حتى ما اتصورش خالص
هوه ده عاطف
لأنه كان بطل في الفيلم ده
والدور يكون من غير ظهور
شفت صاحبك قد إيه
فنان كبير ؟
يا نهار ابيض
انت ما عندك ثقافة
في السليم

يعنى ظاهر ف البطوله

و أنت حاقد ع المسائل

اللى يعرف ليلى طاهر

يبقى واد حبِّيب و عاقل

أما انت يا حرام

لسه موجوع م الحمام

قرَّك المشهور وكسنى

هما كام دور و السلام

و اسمى ف الأفيشات تلاقى

بس ضاع وسط الزحام

***

موضوع: رد: كرسي عاطف الأحد أغسطس 30, 2009 10:55 am

عاطف الجندى كتب:

هناء سعيد كتب:: يا جماعه

وآدى أخرة

اللى عامل

فيها واد

حليوه

قال متين

جتله واحد

بدم حامى

بدلت له

ليله حلوه

بليله طين

يا هناء مجنونة بي َّ
أصلى شمعه ف الفانوس
من زمان كان نفسى امثل
لجل ف الآخر ....
أ ب و س
****

راح تبوس ازاي بصورتك
وانت نسرك مَلْو قورتك
حُط صورتك بالمايوه
وانت راح تاكل جاوته

» كرسي عاطف 2
» كرسي الشهادة
» كرسي تيفال !!!
» مصلح أبو حسنين فى كرسي الاعتراف
» كرسي مرسي - طارق منيب